ভারতকী প্রধানমন্ত্রী
লৈবাক অসিদা অৱাংবা থাক্কী দিফেন্সকী শিন–লাংবগী রীফোর্ম তৌবগী মশক নাইবা ৱারেপ লৌবা অমা ওইনা প্রধান মন্ত্রী শ্রী নরেন্দ্র মোদী অমসুং মহাক্কী মন্ত্রী মন্দলনা সর্ভিস চীফকী তলব অমসুং অচংবগা মান্নবা স্তার মরি কাবা জেনেরেলগী রেঙ্কতা লৈবা চীফ ওফ দিফেন্স স্তাফকী পোস্ত শেমবগী অয়াবা পীখ্রে। চীফ ওফ দিফেন্স স্তাফ অসিনা দিফেন্স মন্ত্রালয়গী মনুংদা শেমগদৌরীবা দিপার্তমেন্ত ওফ মিলিতরী এফিয়ার্স (দি.এম.এ.)কী মকোক ওইনা পুবগা লোইননা মসিগী সেক্রেতরী ওইনশু থবক তৌগনি।
সি.দি.এস.না মকোক ওইগদবা দিপার্তমেন্ত ওফ মিলিতরী এফিয়ারসনা কোনগদবা হীরমশিং অদু মখাদা পীরীঃ
১. লৈবাক অসিগী আর্ম ফোর্সশিং মমীং ওইনা পল্লবদা আর্মী, নেভী অমসুং এয়র ফোর্স।
২. আর্মীগী ময়াই লোয়শং, নেভীগী ময়াই লোয়শং, এয়র অমসুং দিফেন্স স্তাফকী ময়াই লোয়শংশিং পুন্সিনবা অপুনবা দিফেন্স মন্ত্রালয়গী ময়াই লোয়শং।
৩. তেরীতোরিয়েল আর্মী
৪. আর্মী, নেভী অমসুং এয়র ফোর্সকা মরি লৈনবা থবকশিং।
৫. লৈরীবা কাংলোন অমসুং থৌওংশিংগী মতুং ইন্না শেলগী মতাং নত্তবা সর্ভিসশিংগী শিন–লাংবা।
মথক্তা পিরীবশিং অসিগী মথক্তা দিপার্তমেন্ত ওফ মিলিতরী এফিয়ারসনা তৌগদবশিংদা মখাগীশিং অসিসু য়াওগনীঃ
ক. শিন–লাংবা, ত্রেনিং অমসুং সর্ভিসশিংগী ওইনা মী লৌবদা চংগদবশিংগী মতুং ইন্না পুন্না থৌরাং য়াৎমীন্নবা অমসুং পুন্সিন্নদুনা থবক তৌমীন্নবগী মওং খুমাং চাউশিনহনবা।
খ. মিলিতরী কম্মান্দবু রি–স্ত্রকচর তৌদুনা রিসোর্সশিং নীংথিনা শিজীন্নদুনা অপুনবা/থীয়েতর কম্মান্দ লিংখৎপা অমসুং ওপরেসন পুন্না চংমীন্নবা
গ. লৈবাক অসিদা পুথোকপা/শেম–শাবা খুৎলাই সর্ভিসদা শিজীন্নবগী থৌওং খুমাং চাউশিনহনবা।
চীফ ওফ স্তাফ কম্মিতীগী লেংঙরোইদবা চিয়ারমেন অমা ওইনা সি.দি.এস.না মখাগী মথৌশিং অসি পাংথোক্কননিঃ
