ପିଏମଇଣ୍ଡିଆ

ଇଣ୍ଡିଆ ଇନଫ୍ରାଷ୍ଟ୍ରକଚର ଫାଇନାନ୍ସ କମ୍ପାନୀ ଲିମିଟେଡ (ଆଇଆଇଏଫସିଏଲ)କୁ 2019-20 ଆର୍ଥିକ ବର୍ଷରେ 5300 କୋଟି ଟଙ୍କା ଏବଂ 2020-21 ଆର୍ଥିକ ବର୍ଷରେ 10,000 କୋଟି ଟଙ୍କାର ଅତିରିକ୍ତ ଇକ୍ୟୁଟି ସହାୟତା ଯୋଗାଇ ଦେବା ପ୍ରସ୍ତାବକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଅନୁମୋଦନ କରିଛନ୍ତି । ନିୟମିତ ବଜେଟ ସହାୟତା ଜରିଆରେ ଓ/ଅଥବା ପୁନଃପୁଞ୍ଜିକରଣ ବଣ୍ଡ ଜାରି କରି ଏହା ପୂରଣ କରାଯିବ । ଆର୍ଥିକ ବ୍ୟାପାର ବିଭାଗ ଏହାର ସମୟ ସହିତ ନିୟମ ଏବଂ ସର୍ତ ନିର୍ଦ୍ଧାରଣ କରିବ । ଆଇଆଇଏଫସିଏଲର ଅଧିକୃତ ପୁଞ୍ଜିକୁ 6 ହଜାର କୋଟି ଟଙ୍କାରୁ ବୃଦ୍ଧି କରି 25 ହଜାର କୋଟି ଟଙ୍କା କରିବା ପ୍ରସ୍ତାବକୁ ମଧ୍ୟ କ୍ୟାବିନେଟ ମଞ୍ଜୁରି ଦେଇଛନ୍ତି ।

ପ୍ରମୁଖ ପ୍ରଭାବ :

ଏହାଦ୍ୱାରା ଆଇଆଇଏଫସିଏଲକୁ ଋଣ ଆଣିବା ଲାଗି ଅତିରିକ୍ତ ପ୍ରସ୍ତାବ ଦେବାରେ ସହାୟତା ମିଳିବ, ଫଳରେ ଏହା ଆସନ୍ତା 5 ବର୍ଷରେ ଭିତ୍ତିଭୂମି କ୍ଷେତ୍ରରେ 100 ଲକ୍ଷ କୋଟି ଟଙ୍କା ନିବେଶ କରିବା ଲାଗି ଭାରତ ସରକାରଙ୍କ ଲକ୍ଷ୍ୟ ଅନୁରୂପ ବଡ଼ ମୌଳିକ ଭିତ୍ତିଭୂମି ପ୍ରକଳ୍ପକୁ ଅର୍ଥ ଯୋଗାଣରେ ସମର୍ଥ ହୋଇପାରିବ ।