ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা শেনবা চহী ২০১৯-২০দা লুপা কোতি ৫,৩০০ অমসুং শেনবা চহী ২০২০-২১দা লুপা কোতি ১০,০০০গীদমক আই.আই.এফ.সি.এল.বু অহেনবা ইক্যুইতী তেংবাং পীনবা ৱাফম অদু অয়াবা পীখ্রে। মসি চাং নাইবা বজেতকী তেংবাং নত্ত্রগা রিকেপিতেলাইজেসন বোন্দশিং ইশু তৌবগী খুত্থাংদা পাংথোক্কনি। মসিগী মতম, তর্মশিং অমসুং চৎন-কাংলোনশিং ইকোনোমিক এফিয়র্স বিভাগনা লেপকনি। মন্ত্রীমন্দলনা আই.আই.এফ.সি.এল.গী ওথোরাইজ কেপিতেলসু লুপা কোতি ৬,০০০তগী লুপা কোতি ২৫,০০০দা হেঙ্গৎপদসু অয়াবা পীখ্রে।  

চাউনা থেংনরিবা:

মসিনা আই.আই.এফ.সি.এল.বু শেল পুশিন্নবগীদমক দরকার ওইবা হেদরুম শেমগৎপা ঙমহল্লগনি অমদি মথংগী চহী মঙাদা ইনফ্রাস্ত্রকচর সেক্তরদা লুপা কোতি লাখ ১০০গী শেনফম থাদনবা ভারত সরকারনা পান্দম থম্লিবা অদুগা লোয়ননা অচৌবা ইনফ্রাস্ত্রকচর প্রোজেক্তশিং ফাইনান্স তৌবা ঙমহল্লগনি।    

যুম্ফম 

• ভারত সরকারনা মপুং ফানা চলাইবা ২০০৬তা লিংখৎখিবা কম্পেনী অমা ওইরিবা আই.আই.এফ.সি.এল. অসি ২০১৩গী সেপ্তেম্বর থাদগী আর.বি.আই.দা রেজিস্তার তৌবা নন-বেঙ্কিং ফাইনান্সিয়েল কম্পেনী-ইনফ্রাস্ত্রকচর ফাইনান্স কম্পেনী (এন.বি.এফ.সি.-আই.এফ.সি.) অমনি। হৌজিক ফাওবদা কম্পেনী অসিগীদমক ওথোরাইজ কেপিতেল অমসুং পেদ অপ কেপিতেল অসি মথংশিৎনা লুপা কোতি ৬০০০ অমসুং লুপা কোতি ৪৭০২.৩২ ওইরি। 

• সরকারনা মথংগী চহী মঙাদা  ইনফ্রাস্ত্রকচরদা লুপা কোতি লাখ ১০০ থাদনিংবগী অপাম্বা ফোংদোকখ্রে।  মরম অদুনা অচৌবা ইনফ্রাস্ত্রকচর প্রোজেক্তশিংদা শেল থাদবা ঙমহন্নবা আই.আই.এফ.সি.এল.দা অহেনবা শেনফম ফংহনবা দরকার ওই।