ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা তুরিজমগী লমদা তেংবাং পীনবা হেনগৎনবগীদমক ভারত অমসুং ফিনলেন্দগী মরক্তা তৌনবা য়ানা চেরোলদা অয়াবা পীখ্রে।
কান্নবাঃ
য়ানা চেরোল অদুগী মরু ওইবা ৱারোলশিং মখাদা পীরি –
যুম্ফমঃ
ভারত অমসুং ফিনলেন্দগী মরক্তা অচেৎপা দিপ্লোমেতিক অমসুং তুং কোইবা শেনমিৎলোনগী মরী লৈনৈ। নাকল অনিমক্না মরী অসিবু মখা চৎথবা অমসুং মপাঙ্গল কলহনবা পাম্মি, মসিগীদমক্তা ভারতকী তুরিজম মন্ত্রালয় অমসুং ফিনলেন্দগী ইকোনোমিক এফিয়র্স অমসুং এম্প্লোইমেন্ত মন্ত্রালয়গী মরক্তা তুরিজমগী লমদা তেংবাং পীনবা হেনগৎনবগীদমক য়ানা চেরোল অমদা খুৎয়েক পীনখি
ভারতকীদমক্তা ফিনলেন্দ অসি শাহৌরক্লিবা হৌরকফম কৈথেল অমনি। কুমজা ২০১৮দা ফিনলেন্দদগী তুরিস্ত ২১,২৩৯ ভারত্তা লাকখি। ফিনলেন্দগা য়ানা চেরোল অসিদা খুৎয়েক পীনরবা তুংদা ফিনলেন্দদগী ভারত্তা লাক্কদৌরিবা তুরিস্তশিংগী মশিং হেনগৎলক্কনি।
