ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা দল খুদিংমক্কী মীফমদা শরুক য়াখ্রে। মীফম অদুদা মরুওইবা রাজনিতী দল খুদিংমক্কী মীওইশিংনা শরুক য়াখি অমসুং লাক্লিবা সংসদকী মীফম অসিগী মতাংদা মখোয়গী ওইবা ৱাফমশিং থমখি।

প্রধান মন্ত্রীনা হায়রি রাজ্য সভাগী ২৫০শুবা মীফম ওইবনা সংসদকী হন্দক্কী মীফম অসি অখন্নবা অমা ওইগনি অমসুং মসিগী থৌরম অসিগী ওইনা অখন্নবা থৌরম কয়া পাংথোক্নবা থৌরাং তৌবদা হরাওবা পোকই। রাজ্য সভাগী ২৫০শুবা মীফম অসিদা ভারতকী সংসদ অমসুং সংবিধানগী মপাঙ্গল উৎনবগী অখন্নবা খুদোংচাবা অমা পীরে। মসিগী মীফম অসিগী তুংদা লৈবাক্কী মপা মহাত্মা গান্ধীগী ১৫০শুবা মপোক নুমিৎকী থৌরম অখন্নবা অমা ওইনা পাংথোক্কনি।

তোঙান-তোঙানবা রাজনিতী দলশিংগী মীহুৎশিংনা পুখৎলকপা ৱাফমশিংগী পাউখুমদা প্রধান মন্ত্রীনা হায়খি এনভাইনরনমেন্ত, পোল্লুসন, ইকোনোমী, লৌউ-শিংউ, লৌমীশিং, নুপীশিংগী হক, নহারোল অমসুং লায়রবশিংগী মতাংগা মরী লৈনবা অখন্নবা ৱাফমশিংগী পন্দুনা লৈরিবা বিলশিং য়ানবা পুরক্নবা সরকারনা দল খুদিংমক্কা থবক তৌমিন্নগনি।

মমাংগী সংসদকী মীফম ফজনা পাংথোকখিবগীদমক প্রধান মন্ত্রীনা হাউসকী প্রেসাইদিং ওফিসর অনিবু থাগৎখি। সংসদতা অহানবা ওইনা কারকপা মেম্বরশিংনা থৱায় য়াওনা হিরম কয়াদা খন্নবা শরুক য়াবগীদমক অমসুং ত্রেজুরী অমসুং ওপোজিসন বেঞ্চশিংগা লোয়ননা মাইপাকপা অমসুং মহৈ য়ানবা মীফম অমা ওইহনখিবা অদু প্রধান মন্ত্রীনা পনখি।