ভারতকী প্রধানমন্ত্রী

মখা তানা তেক্নিকেলগী পীথোক-পীশিন তৌনবা অমসুং মতেং পীনবা হেনগৎহন্নবা রেলৱেজগী লমদা ভারতকী রেলৱেজ মন্ত্রালয় অমসুং য়ুরোপিয়ন কম্মিসনগী মোবিলিতী অমসুং ত্রান্সপোর্তকী দাইরেক্তোরেত জেনরেল অনিগী মরক্তা মতেং পাংননবা লৈঙাক্কী থৌরাং পায়খৎপদা প্রধান মন্ত্রী শ্রীনরেন্দ্র মোদীনা লুচিংবা কেন্দ্রগী মন্ত্রীমন্দলনা য়ারে।

লাল্লোংশিং অমসুং পান্দমশিং থবক ওইনা পাংথোকপা:

লৈঙাক্কী থৌরাং অসি ২০১৯গী সেপ্তেম্বর ৩দা খুৎয়েক পীনখি। মখাগী মরুওইবা হিরমশিং অসিদা মতেং পীননবা লৈঙাক্কী থৌরাং অসিনা ঙাক্লৌ অমা পীগনি:

1. য়ুরোপিয়ান য়ুনিয়নগী আইনগী ঙাক্লৌগী মখাদা অশোয়-অঙাম থোক্তনবা, ইন্তর্ওপেরেবিলিতী, শেল-থুম অমসুং শেল-থুম পুৎথদনা রেলৱেজশিং থবক পাংথোক্নবগী মতাংদা রেল রিফোর্ম অমসুং রিগুলেসন লৈহনবা;

2. রেলৱেজ অশোয়-অঙাম থোকহন্দবা;

3. রেলৱেজশিংগী শেন-থুমগী ফিবম ফগৎহন্নবা য়েংশিনবা অমসুং পোৎ-চৈ লৈবগী থবকশিং ফগৎহনবা;

4. সিগনেল্লিং/কন্ত্রোল সিস্তেমশিং (য়ুরোপিয়ান ই.আর.তি.এম.এস. সিস্তেম য়াওনা);

5. ইন্তর্মোদালিতী অমসুং ত্রান্সপোর্ত ইনফ্রাস্ত্রকচর নেতৱার্কশিং;

6. ইন্নোবেসন অমসুং দিজিতেলাইজেসন;

7. ইন্তর্নেস্নেল রেল কনভেসনশিং অমসুং বোদীশিংগী থবকশিং শরুক য়াবা;

8. শেন-থুম, খুন্নাই অমসুং অকোয়বগী ফিবম য়াওনা রেলৱেজদা তুংকোইনা চৎনগদবা থৌশিলশিং পায়খৎপা।

নুংগী ৱারোল

অয়াংবা রেল, হৌজিক লৈরিবা লম্বীশিং য়াংবা হেনগৎহনবা, মালেম থাক্কী স্তেসনশিং শেমগৎপা, অরুম্বা পুবগী থবকশিং অমসুং রেলগী মচাকশিং মতমগা চুনবা মওংদা শেমগৎপা য়াওনা মশক খঙদোক্লবা হিরমশিংদা রেল সেক্তরদা তেক্নিকেলগী মতেং পীননবা মপানগী সরকারশিংগী অমসুং নেস্নেল রেলৱেজশিংগী রেলৱেজ মন্ত্রালয়গা এম.ও.য়ু.শিং/এম.ও.সি. কয়া খুৎয়েক পীনরে। নাকল অনিমক্না পাম্নবা হিরমশিং হায়বদি রেলৱেজ তেক্নোলোজী অমসুং থবক ফগৎহনবা, লৌশিং শরুক য়ামিন্নবা, তেক্নিকেলগী খোঙচৎশিং, ত্রেনিংশিং, সেমিনারশিং অমসুং ৱার্কশোপশিং পাংথোক্তুনা মতেং পাংনবা অসি থবক ওইনা পাংথোকপনি।

রেলৱেজ সেক্তরদা খ্বাইদগী নৌবা চাউখৎপশিং অমসুং লৌশিং শরুক য়ামিন্ননবা অমসুং তেক্নিকেলগী অখঙ-অহৈশিং পীথোক-পীশিন তৌনবা, তেক্নিকেলগী চে-চাংশিং পীনবা, অকক্নবা তেক্নোলোজীগী লমদা সেমিনারশিং অমসুং ৱার্কশোপশিং পাংথোকপা ঙম্নবা খুৎয়েক পীনরিবা লৈবাকশিংগী মরক্তা ফিদা অমা এম.ও.য়ু.শিং/এম.ও.সি.শিংনা পীরি।