ভারতকী প্রধানমন্ত্রী

ঙসি নই দিল্লীগী ৭, লোক সভা কল্যান মার্গতা য়ু.এস. ইন্দিয়া স্ত্রাতেজিক পার্তনরসিপ ফোরম (য়ু.এস. আই.এস.পি.এফ.)কী মেম্বরশিংগা প্রধান মন্ত্রী শ্রী নরেন্দ্র মোদীগা উনখ্রে। মীহুৎ কাংবু অদু য়ু.এস. আই.এস.পি.এফ.কী চেয়রমেন জোন চেম্বর্সনা লুচিংখি।

ভারতকী শেন্মিৎলোন্দা অমুক হন্না থাজবা থম্বগীদমক প্রধান মন্ত্রীনা মীহুৎ কাংবু অদুবু থাগৎখি। লৈবাক অসিদা পায়খৎলক্লিবা স্তার্ত-অপ ইকোসিস্তেম, ভারতকী নহারোলশিংগী ইন্ত্রপ্রিনরগী খুদোংথিবা মায়োক্নবা ঙম্বগী থৌনা অদু প্রধান মন্ত্রীনা পনখি। সরকারনা পায়খৎলিবা অতল তিংকরিং লেব্স অমসুং তেক্নোলোজী শীজিন্নদুনা খুদোংচাদবশিং কোকহন্নবা অমসুং অনৌবা পুথোকপা হেনগৎহন্নবা হেক্কাথোনশিং পাংথোক্লিবা অসি মহাক্না ফোংদোকখি।

কোর্পোরেত তেক্স হন্থহন্দুনা অমসুং শিন্মীশিংগী অওনবা কয়া পায়খৎতুনা ললোন-ইতিক চৎথবা নুংঙাইনবা পায়খৎলিবা থবকশিং প্রধান মন্ত্রীনা পনখি। হিংবদা লাইনবা সরকারনা পান্দম থম্লিবা থবকশিং মহাক্না ফোংদোকখি। মহাক্না হায়খি ভারতকী অঙকপা থৌনা অসি দি অহুমদা ফংলি-দেমোক্রেসী, দেমোগ্রাফী অমসুং ‘দিমাগ’তা ফংলি।

লৈবাক অসিগীদমক প্রধান মন্ত্রীনা মঙলিবা মঙলান অদুদা মীহুৎ কাংবু অদুনা থাজবা ফোংদোকখি অমসুং হায়খি মথং চহি ৫দা ভারতনা মালেমদা লাক্লিবা চহি ২৫দা ওইরক্কদবা ফিবম ফোংদোক্কনি।

য়ু.এস. আই.এস.পি.এফ.কী মরমদা

য়ু.এস. ইন্দিয়া স্ত্রাতেজিক পার্তনরসিপ ফোরম (য়ু.এস. আই.এস.পি.এফ.) অসি শেন্দোং তান্নবা লৈবা নত্তবা লুপ অমনি, মসিগী পান্দমদি শেন্মিৎলোন, ইন্ত্রপ্রিনরশিপ, থবক ফংহনবা অমসুং অনৌবা পুথোকপগী লমশিংদা ভারত-য়ু.এস.কী নাকল অনিগী মরি ফগৎহনবনি।