ভারতকী প্রধানমন্ত্রী

প্রধান মন্ত্রী নরেন্দ্র মোদী ঙসি ইন্দিয়ন ইন্সতিত্যুৎ ওফ তেক্নোলোজী, মদ্রাসগী ৫৬শুবা কনভোকেসন্দা শরুক য়াননবা চেন্নৈদা থুংখ্রে। মহাক্না চেন্নৈ ইন্তর্নেস্নেল এয়রপোর্ত্তা মীদিয়াগী মীওইশিংদা ৱা ঙাংখি।

থৌরম অদুদা মহাক্না হায়খি মদুদি ২০১৯গী মীখলগী মতুংদগী মসি মহাক্কী অহানবা চেন্নৈ খোংচৎনি। ঐহাক আই.আই.তি. মদ্রাসকী দাইমন্দ জুবলীগী থৌরমদা শরুক য়াননবা লাকপনি, অদুবু ঐবু ওকপীনবগীদমক অদোম অসুক্কী মতিক মশিং য়াম্না লাকপীবা অসি, ঐনা অদোম পুম্নমকপু থমোই শেংনা তৌবীমল খঙবা উৎচরি।

হন্দক্তা ঐগী অমেরিকাগী খোংচত্তা ঐনা মফম অদুদা লৈবা ভারতকী কাংলুপশিংদা তমিল লোন্দা ৱারী শাখি অমসুং হায়খি মদুদি তমিল অসি মালেমগী খ্বাইদগী লিরবা লোন অমনি। মসিগী মতাংদা য়ু.এস.এ.গী মীদিয়াদা পাক শন্না নৈনখি।

মহাক্না হায়খি মদুদি অমেরাকাগী খোংচৎ মনুংদা মসি ফাওরকখি মদুদি মালেম অসিনা য়াম্না থাজবগা লোইননা ভারতকী মাইকৈদা মিৎয়েং থম্লি অমসুং থাজবা অসি নোংম-নোংমগী হেনগৎলক্লি। হৌজিক লৈবাক অসিবু অচৌবা লৈবাক অমা ওইহনবতা নত্তনা মালেম অসিনা থম্লিবা থাজবা অসি মাই পাকহনবা ঙম্বরা হায়বদু য়েংবা অসিসু ঐখোয়গী থৌদাংনি।

শ্রী মোদীনা হায়খি মদুদি থবক অসি কেন্দ্র সরকার খক্তা নত্তনা, ভারত মচা ক্রোর ১৩০গী থোংদা পাংথোকপা ঙমগদৌরিবনি। লৈবাক অসিগী লৈরক-কোন্সাং খুদিংমক্তগী, ভারত মচা খুদিংমক্না, লাইরববু ওইরো ইনাক খুনববু ওইরো, শহরবু ওইরো খুঙ্গংবু ওইরো, নহারোলবু ওইরো নত্ত্রগা অহল্লোনবু ওইরো, পুম্নমক্না হোৎনমিন্নরবতদা ওইবা ঙমগদৌরিবনি।

মহাক্না হায়খি মদুদি মীয়াম্না শরুক য়াবদগী ঐখোয়না মাই পাকপা কয়া ফংখ্রে অমসুং মতৌ অসুম্না ঐখোয় সিঙ্গল য়ুজ প্লাস্তিক্তগী লৈবাক অসি কনগদবনি। মীওই খরনা মসিগী অরানবা ৱাহন্থোক পীরি মদুদি ঐনা ভারত অসি প্লাস্তিক শিজিন্নদবা পাম্মি, ঐ মসি হায়বা নত্তে, ঐনা শুপ্নগী মসি হায়বতনি, ‘লৈবাক অসিবু সিঙ্গল য়ুজ প্লাস্তিক্তগী নান্থোকহনবা পাম্মি।’ অসিগুম্বা প্লাস্তিক অদু শুপ্নগী অমুকখক শিজিন্নবা য়াই, অদুবু মসি তুংদা য়াম্না চাউবা সমস্যা থোকহল্লকই।

ওক্তোবর ২দা, মহাত্মা গান্ধীগী ১৫০শুবা মপোক কুমওন্দা ঐখোয় পদয়াত্তা অমা পাংথোক্কনি অমসুং পদয়াত্রা অদুগী থোংদা গান্ধীগী ৱাখল্লোন অদু শন্দোক্কনি।

মহাক্না হায়খি মদুদি, “ঐবু ওক্ননবগীদমক মশিং অসুক য়াম্না লেংবীরকপগীদমক ঐনা অদোম্বু অমুক্কা হন্না থাগৎচরি।”
প্রধান মন্ত্রীনা আই.আই.তি.-মদ্রাস রিসর্স পার্ক্তা সিঙ্গাপুর ইন্দিয়া হেকাথোন ২০১৯দসু ৱা ঙাংগনি অমসুং মফম অদুদা পেবিলিয়ন্দা স্তার্তঅপশিংদসু চৎকনি। মহাক্না ইন্সতিত্যুৎকী স্তুদেন্ত এক্তিবিতী সেন্তরদা পাংথোক্কদবা কনভোকেসন্দসু ৱা ঙাংগনি।