ভারতকী প্রধানমন্ত্রী

তামিল নাদুগী মমল্লাপুরমদা পাংথোক্লিবা অনিশুবা ইনফোরমেল সমিৎ অসিনা ভারত অমসুং চাইনাগী মরক্তা মতেং পাংনবগী অনৌবা মতম অমা হৌরে হায়না প্রধান মন্ত্রী নরেন্দ্র মোদীনা ফোংদোক্লি।

ঙসি মমল্লাপুরমদা ইনফোরমেল সমিৎকী অনিশুবা নুমিৎতা প্রধান মন্ত্রী নরেন্দ্র মোদী অমসুং চাইনাগী প্রসিদেন্ত সি জিনপিংনা চেয়র লৌদুনা পাংথোকখিবা মীহুৎ কাংবুগী থাক্ত ৱারী শানবগী অহৌবদা প্রধান মন্ত্রীনা মহাক্কী হৌদোক ৱারোল পীখি।

মমাং চহিদা ৱুহানদা লৈবাক অনিগী মরক্ত পাংথোকখিবা অহানবা ইনফোরমেল সমিৎ পল্লদুনা প্রধান মন্ত্রী মোদীনা হায়খি মসিনা ঐখোয়গী মরিদা তংদু লৈতাবা অমসুং অনৌবা শক্তম অমা পুরক্লে।

মহাক্না হায়খি, লৈবাক অনিগী মরক্ত অরুবা ৱাফমশিং পাউ ফাওনবা হেনগৎলক্লে।

প্রধান মন্ত্রীনা মখাতানা হায়খি, ঐখোয়গী য়ানদবশিং ৱাথোকশিং ওইহন্দনা ঐখোয়না ফজনা লোইশিনবা হায়না ঐখোয়না ৱারেপ লৌরে, মদুনা ঐখোয়না অমনা অমগী অপাম্বশিং খঙনা চৎকনি অমসুং ঐখোয়গী মরি অসিনা মালেমগী শান্তি অমসুং তংদু-লৈতাবা পুরক্কনি।

মমল্লাপুরমদা পাংথোক্লিবা অনিশুবা ইনফোরমেল সমিৎকী মতাংদা প্রধান মন্ত্রীনা হায়খি, চেন্নাই সমিৎতা হৌজিক ফাওবদা ঐখোয়না নাকল অনিগী অমসুং মালেমগী থৌদোকশিংগী মতাংদা মরুওইবা ৱাফম কয়া খন্নরে। ৱুহান সমিৎনা ঐখোয়গী লৈবাক অনিগী মরিশিংদা অনৌবা মাইওন অমা পীখি। ঙসি  ঐখোয়গী চেন্নাই সমিৎ অসিনা ঐখোয়গী লৈবাক অনিগী মরক্ত মতেং পীনবগী অনৌবা তাঙ্কক অমা হৌরে।

অনিশুবা ইনফোরমেল সমিৎ অসিগীদমক ভারত্তা লাকপগীদমক ঐনা প্রসিদেন্ত সি জিনপিংবু থাগৎলি। ভারত-চাইনাগী মরিদা #ChennaiConnectনা অচৌবা ইনোৎ পীরগনি। মসিনা ঐখোয়গী লৈবাকশিং অমসুং মালেমগী মীয়ামদা কান্নবা পীরগনি।