পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে টেক্সাছৰ হিউষ্টনত ‘শ্ৰী সিদ্ধি বিনায়ক মন্দিৰ’ আৰু ‘গুজৰাটী সমাজ অব্ হিউষ্টন ইভেণ্ট চেণ্টাৰ’ মুকলি কৰে৷ টেক্সাছত টেক্সাছ ভাৰতীয় মঞ্চই অনুষ্ঠিত কৰা ‘হাউডি মোদী’ শীৰ্ষক অনুষ্ঠানত প্ৰধানমন্ত্ৰীয়ে ভাৰতীয় সমাজৰ অভ্যৰ্থনা অনুষ্ঠানত অংশগ্ৰহণ কৰে৷

প্ৰধানমন্ত্ৰীয়ে হিউষ্টনত অনন্ত গান্ধী সংগ্ৰহালয়ৰ ফলকো মুকলি কৰে৷

মুকলিৰ পিছত উপস্থিত ব্যক্তিসকলক প্ৰধানমন্ত্ৰীয়ে ‘হাউডি মোডী’ অনুষ্ঠানটোৰ বাবে ধন্যবাদ জ্ঞাপন কৰে৷ তেওঁ কয়, ‘‘আপোনালোকে ভাৰত–আমেৰিকাৰ মিত্ৰতাৰ উজ্বল ভৱিষ্যতৰ মঞ্চ প্ৰস্তুত কৰিছে৷ মই আপোনালোক সকলোকে ধন্যবাদ জ্ঞাপন কৰিছো৷’’

অনন্ত গান্ধী সংগ্ৰহালয়ৰ বিষয়ে উল্লেখ কৰি প্ৰধানমন্ত্ৰীয়ে কয় যে এই সংগ্ৰহালয়টো হিউষ্টনৰ এক সাংস্কৃতিক স্থান হিচাপে বিবেচিত হ’ব৷ ‘‘মই এই প্ৰয়াসৰ সৈতে পূৰ্বৰে পৰা জড়িত হৈ আছো৷ ই নিশ্চিতভাৱে মহাত্মা গান্ধীৰ চিন্তাধাৰা যুৱচামৰ মাজত জনপ্ৰিয় কৰি তুলিব,’’ প্ৰধানমন্ত্ৰীয়ে এইদৰে কয়৷

প্ৰধানমন্ত্ৰীয়ে ভাৰতীয় সমাজক প্ৰতি বছৰে অতি কমেও পাঁচটা পৰিয়ালক ভাৰতলৈ পৰ্যটক হিচাপে যোৱাৰ বাবে আগ্ৰহান্বিত কৰিবলৈ আহ্বান জনায়৷ তেওঁ ভাৰতীয় বংশোদ্ভৱ আমেৰিকান পৰিয়ালসকলক য’লৈ যায় ত’তে নিজৰ মাতৃভাষাৰ সৈতে সংযোজিত হৈ থাকিবলৈ আহ্বান জনায়৷

****

VRRK/AK/MANN