ভারতকী প্রধানমন্ত্রী

য়োর এক্সিলেন্সিজ অমদি ঐহাক্কী মরূপ রাস্ত্রপতি জি অমসুং রাস্ত্রপতি পুতিন,

ঐখোয়না মমাং চহীদা অর্জেন্তিনাদা অৱাংবা থাক্কী মীফম অমা পাংথোকখি।

মালেমগী মরুওইবা ইসুশিংদা কান্নরবা ৱাফমশিং একচেঞ্জ তৌনরবা মতুং, ঐখোয়না তুংদা অমুক হন্না উনবদা য়ানবা পুরকখি।

ঙসি আর.আই.সি. ইনফোর্মেল মীফম অসিদা অদোম্বু তরাম্না ওকচবদা ঐহাক নুংঙাইবা ফাওই।

মালেমগী মকোকথোংবা ইকোনোমীশিং ওইবনা, মালেমগী ইকোনোমিক, পোলিতিকেল অমসুং সেক্যুরিতীগী ওইরিবা ফিভমদা ঐখোয়গী মরক্তা ৱাফমশিং একচেঞ্জ তৌনবা মরু ওই। ঐখোয়গী নাকল অহুমগী ওইবা ঙসিগী মীফম অসিনা মরুওইবা গ্লোবেল ইসুশিংদা খন্ন-নৈননবা অমসুং তেংবাং পীননবগীদমক কান্নরবা মেদিয়ম অমা ওইরি।

ঐখোয়না চহী অসিগী ফেব্রুৱারী থাদা চাইনাদা পাংথোকখিবা ঐখোয়গী মপাল থৌরম পুবা মন্ত্রীশিংগী মীফমদা ইসু কয়াদা ৱাখল্লোনশিং একচেঞ্জ তৌনখি। মসিদা আর.আই.সি.গী মখাদা তেরোরিজম থেংনবদা পুক্নীং থৌগৎপা, অন্তর্জাতিগী ফোং-ফোং শারিবা ইসুশিং, মল্তিলেতরেলিজম রিফোর্ম তৌবা, ক্লাইমেৎ চেঞ্জ অমসুং তেংবাং পীনবা য়াওরি।

হৌজিক ঐহাক্না হিজ এক্সিলেন্সী, রাস্ত্রপতি জিবু মহাক্কী ওইবা হৌদোক ৱারোল থম্বীনবা হায়জরি।

(রাস্ত্রপতি জিগী হৌদোক ৱারোল পীখ্রবা মতুং)

রাস্ত্রপতি জিবু থাগৎচরি।

হৌজিক ঐহাক্না হিজ এক্সিলেন্সী, রাস্ত্রপতি পুতিনবু মহাক্কী ওইবা হৌদোক ৱারোল থম্বীনবা হায়জরি।

রাস্ত্রপতি পুতিনবু থাগৎচরি।

দিসক্লেমর: প্রধান মন্ত্রীগী ৱারোল অসি হিন্দীদা পীখি। মসি ৱারোল অদুগী চাউরাকপা ৱাহন্থোক অমনি।