ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি নারী শক্তীগী মনা ফংলবশিংগা উন্নদুনা ৱারী শানখ্রে।

প্রধান মন্ত্রীনা মনা ফংলবশিংবু মখোয়গী এচিবমেন্তশিংগীদমক নুংঙাইবা ফোংদোকখি। মখোয়না পাংথোক্লিবা থবকশিং অসি অতোপ্পশিংগী পুক্নীং থৌগৎনীংঙাইনি হায়না মহাক্না হায়খি, অমদি মখোয় মখোয়গী মরী লৈনবা লমশিং অদুদা মখা তানা থবক তৌনবা অকনবা ৱাফম থমখি।

স্বচ্ছ ভারত অভিয়ানগী মতাংদা ঙাংলদুনা প্রধান মন্ত্রীনা হায়খি মদুদি মসিদা নুপীশিংগী চাউরবা থৌদাং অদু য়েংদুনা মসিগী মায়পাকপা অসি পাক চাউরবা থাক্তা ওনগদবনি। ইকুই কুদ্রিঙৈ মমাং প্রয়াগরাজদা লোইশিনখিবা কুম্ভ মেলাগী মতাংদা ঙাংলদুনা প্রধান মন্ত্রীনা হায়খি মদুদি হন্দক্কী মেলা অদু অৱাংবা থাক্কী লু-নানবা অমসুং সেনিতেসন্না মরম ওইদুনা খন্ন-নৈননবা হিরম অমা ওইখি। লু-নানবা অসি হৌজিক্তি মীয়ামগী খোংজং অমা ওইরক্লে হায়না মহাক্না মখা তাখি। খোংজং অসিগী মথংগী খোংথাংদি অমোৎ-অকাইশিং অসি লন-থুমদা ওন্থোকপনি হায়না প্রধান মন্ত্রীনা ফোংদোকখি।

প্রধান মন্ত্রীনা মেলন্যুত্রিসন লাকশিন্নবা পাম্বৈ অমসুং মিসন ইন্দ্রধনুশকী খুত্থাংদা অঙাংশিংবু তিকা থাবগী মতাংদা ঙাংলদুনা লম অনি অসিদা মায় পাকপা পুরকপদা নুপীশিংগী চাউরবা থৌদাং লৈ হায়খি।

থৌরম অসিদা ৱুমেন অমসুং চাইল্দ দিবেলপমেন্তকী মন্ত্রী শ্রীমতী মেনকা গান্ধীসু শরুক য়াখি।