ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদী ২০১৯গী ফেব্রুৱরী ১৫দা ঝান্সীদা চৎকনি। প্রধান মন্ত্রীনা ঝান্সীদা দিবেলপমেন্ত প্রোজেক্ত কয়া শঙ্গাগনি নত্ত্রগা উরেপ উয়ুং তমগনি।

উত্তর প্রদেশকী ঝান্সীদা প্রধান মন্ত্রীনা দিফেন্স কোরিদোরগী উরেপ উয়ুং তমগনি। ঙাকশেলগী পোত্থোক পুথোকপদা ভারত অসি মরোমদোম লেপ্পা ঙমজনবা ভারত সরকারনা লৈবাক অসিদা দিফেন্স কোরিদোর অনি লিংখৎনবা ৱারেপ লৌরে, অমনা তামিল নাদুদা অদুগা অতোপ্পা অমনা উত্তর প্রদেশতা। ঝান্সী অসি উত্তর প্রদেশ দিফেন্স কোরিদোরগী নোদেল পোইন্ত তরুক্কী মনুংদা অমনি। ২০১৮গী ফেব্রুৱরীদা পাংথোকখিবা উত্তর প্রদেশ ইনবেস্তর মীৎ মনুংদা প্রধান মন্ত্রীনা অসিগুম্বা কোরিদোর অমা উত্তর প্রদেশকী বুন্দেলখন্দ লমদমদা শেমগৎনবা লাওথোকখি।

প্রধান মন্ত্রীনা ঝান্সী–খাইরার সেক্সনগী কিলোমীতর ২৯৭ শাংবা সেক্সনগী ইলেক্ত্রিফিকেসন হৌদোক্কনি। ইলেক্ত্রিফিকেসন অসিনা ত্রেনগী খোংজেল হেঙ্গৎহল্লগনি, কার্বোন থাদোকপগী চাং হন্থরগনি।

মহাক্না নোংচুপ থংবা উত্তর প্রদেশতা অপনবা য়াওদনা পাৱর সপ্লাই ফংহন্নবা ৱেস্ত–নোর্থ ইন্তর–রিজন পাৱর ত্রান্সমিসন স্ত্রেংথনিং প্রোজেক্তসু জাতিদা কত্থোক্কনি।

প্রধান মন্ত্রীনা পহারী দাম মোদর্নাইজেসন প্রোজেক্ত  শঙ্গাগনি। পহারী দাম অসি ঝান্সী জিলাদা চেল্লিবা ধাসন তুরেল শাবা ৱাতর স্তোরেজ দাম অমনি।

মীপুম খুদিংমক্তা থক্নবা ঈশিং ফংহন্নবা সরকারগী মীৎয়েং অদুগী পরিংদা প্রধান মন্ত্রীনা বুন্দেলখন্দ রিজনগী রুরেল এরিয়াশিংগীদমক পাইপ ৱাতর স্কিমগী উরেপ উয়ুং তমগনি। প্রোজেক্ত অসিগী পান্দমদি ইকং মায়োক্নরিবা বুন্দেলখন্দ রিজন্দা ৱাতর সপ্লাই ফংহনবনি। প্রধান মন্ত্রীনা অমরুতকী মখাদা ঝান্সী সিতী দ্রিঙ্কিং ৱাতর স্কিম ফেজ-IIগী উরেপ উয়ুংসু তমগনি।

প্রধান মন্ত্রীনা ঝান্সীদা কোচ রিফর্বিশিং ৱার্কশোপকী উরেপ উয়ুং তমগনি। ফেসিলিতী অসিনা বুন্দেলখন্দ রিজন্দা থবক ফংহন্নবগী খুদোংচাবা পীরগনি।

প্রধান মন্ত্রীনা কিলোমীতর ৪২৫ শাংবা ঝান্সী–মানিকপুর অমসুং ভিমসেন–খাইরার রেলৱে লাইনগী দব্লিংগী উরেপ উয়ুং তমগনি। মসিনা ত্রেনগী মুবমেন্ত লাইথোকহনবতা নত্তনা বুন্দেলখন্দ রিজনগী অপুনবা চাউখৎ থৌরাংদসু মতেং ওইরগনি।

প্রধান মন্ত্রী শ্রী নরেন্দ্র মোদীনা মমাংদা উত্তর প্রদেশকী বৃন্দাবন অমসুং বরানসিদা খুদোংচাবা মরাংকাইনা ফংদ্রবা স্কুলশিংগী অঙাংশিংদা বিল্লিয়ন ৩শুবা চাক্লেন পীজনবা অমসুং প্রভাসী ভার্তীয় দিবসতা মথংশিৎনা চৎখি।