ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা ঙসি মহাত্মা গান্ধীগী লৈখিদবা নুমিৎ অসিদা গুজরাতকী নবসারী জিলাদা নেস্নেল সোল্ত সত্যগ্রহ মেমোরিয়েল জাতিদা খুৎশিন্নখ্রে।
মেমোরিয়েল সাইত্তা মহাক্না মহাত্মা গান্ধী অমসুং ব্রিতিসকী লোগী মায়োক্তা সমুদ্র ঈশিংদগী থুম শেম্নবা ১৯৩০দা পুৱারী ওইরবা দান্দি সোল্ত মার্চ মনুংদা মহাক্কা লোয়ননা চৎখিবা সত্যগ্রহিস ৮০গী মীতমসু মায়খুম হাংদোকখি। মেমোরিয়েল অসিদা পুৱারী ওইরবা ১৯৩০গী থুমগী খোংচৎকী তোঙান তোঙানবা থৌদোকশিং অমসুং ৱারীশিং য়েকথোক্লিবা নেরেতিব ম্যুরেল ২৪সু য়াওরি। মেমোরিয়েল কমপ্লেক্স অসিগী দরকার ওইবা ইনর্জী অদু ফংনবা সোলর ত্রীশিং ইন্তোল তৌরি। প্রধান মন্ত্রীনা মেমোরিয়াল অসিগী অকোয়বদা চৎতুনা য়েংখি।
মীয়ামগী মীফম অমদা ৱা ঙাংলদুা প্রধান মন্ত্রীনা মেমোরিয়েল অসিগীদমক থবক শুখিবা মখোয়শিং অদুবু থাগৎপা ফোংদোকখি। প্রধান মন্ত্রীনা হায়খি, “মেমোরিয়েল অসিনা নীং তমহন্নবগীদমক ঐখোয়গী লৈবাক অসিগী মীয়াম্না চাউনা কত্থোকখিবা অদু ঐখোয়বু নীংশিংহল্লি।” দান্দি মেমোরিয়েলনা মহাত্মা গান্ধীগী অগ্রহ, স্বচ্ছগর অমসুং সত্যগ্রহগী ৱাখল্লোনশিং মনুং চল্লি অমদি লাক্কদৌরিবা নুমিৎশিংদা লমকোইবশিংগী মরুওইবা পুক্নিং চিংশিনফম মফম অমা ওইরগনি হায়না মহাক্না মখা তাখি।
প্রধান মন্ত্রীনা হায়খি, “গান্ধীজীগী লিগেসী অদু মাংলোমদা পুখৎনবা হোৎনবা অমা ওইনা ঐখোয়গী সরকারনা খাদিগা মরী লৈনবা ইন্সতিত্যুসন চাউরাক্না ২০০০ মোর্দনাইজ তৌরে। মসিনা ক্রাফমেন অমসুং ৱার্কর লাখ কয়াদা কানবা ফংহল্লে। খাদি অসি হৌজিক্তি ফেসনগী স্তেতমেন্ত অমা ওইবা খক্তা নত্তনা নুপীদা শক্তী শিন্নবগী খুদম অমসু ওইরি”। নিংতম লান্থেংদা স্বদেশিনা য়াম্না মরুওইবা থৌদাং অমা লৌখি, মতৌ অদুম্না, হেন্দলুমনা পোভর্তী হন্থহনবদা খুৎলাই ওইরগনি। হেন্দলুম প্রমোৎ তৌনবা সরকারনা চহী খুদিংগী ওগস্তকী তাং ৭পু হেন্দলুম দে হায়না পালন তৌনবা লাওথোকখ্রে হায়না মহাক্না মখা তাখি।
স্বচ্ছতাগীদমক গান্ধীজীনা পায়খৎলম্বা মরুওইবা অদু পল্লদুনা প্রধান মন্ত্রীনা হায়খি মদুদি ঐখোয়না লু-নানবা ভারত অমগীদমক অদুগুম্লবা ভেল্যুশিং অদু লৌশিনলি। স্বচ্ছ ভারত অভিয়ানগী ইম্পেক্ত অসিনা খুঙ্গংগী লমদমদা লু-নানবগী চাং চাদা ৩৮ ওইরম্বা অদু ২০১৪দা এন.দি.এ. সরকারনা শক্তি পায়রকপদগী হৌজিক্তি চাদা ৯৮ য়ৌরে।
ক্লিন কুকিং ফ্যুএলদগী ইলেক্ত্রিসিতী অমসুং হেল্থকেয়ারদগী ফাইনান্সিয়েল সর্বিসশিং ফাওবা খুঙ্গংশিংদা দরকার লৈবা এমেনিতীশিং পুরক্নবা মহাক্না হোৎনরিবশিং অদু হন্না-হন্না পল্লদুনা প্রধান মন্ত্রীনা হায়খি মদুদি মসি ঐখোয়গী মিসনগী মনুং চল্লি অমদি গ্রামুদে তু ভারাতুদেগী ৱাখল্লোন্নি।
প্রধান মন্ত্রী নোংমগী ওইবা খোংচৎতা গুজরাত্তা লাক্লি। ঙসাই অঙনবা মতমদা প্রধান মন্ত্রীনা সুরত্তা সুরত এয়ারপোর্তকী তর্মিনেল বিলদিং পাকথোক চাউথোকহন্নবা উরেপ উয়ুং তমখি অমদি মশিং য়াম্লবা দিবেলপমেন্ত প্রোজেক্তশিং শঙ্গাখি। মহাক্না স্তেত ওফ দি অর্ত রাসিলাবেন সেবান্তিলাল ভেনস হোস্পিতাল, সুরতসু জাতিদা খুৎশিন্নখি। প্রধান মন্ত্রীনা সুরত্তা ন্যু ইন্দিয়া য়ুথ কনক্লেবতসু ৱা ঙাংখি।
