ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা হয়েং ২০১৯গী জনুৱারী ২২দা উত্তর প্রদেশকী বরানসীদা ১৫শুবা প্রবাসী ভারতিয় দিবস কনভেন্সন হৌদোক্লগনি।

অহানবা ওইনা, নুমীৎ হুম্নি চত্থগদবা কনভেন্সন অসি ২০১৯গী জনুৱারী ২১দগী ২৩ ফাওবা বরানাসিদা পাংথোক্কনি। পি.বি.দি. কনভেন্সন ২০১৯গী থিমদি “রোল ওফ ইন্দিয়ান দাইস্পোরা ইন বিলদিং ন্যু ইন্দিয়া”নি।

মশিং য়াম্লবা দাইস্পোরাশিংনা কুম্ভ মেলা অমসুং রিপব্লিক দে সেলেব্রেসন্দা শরুক য়াবা ফংজনবা ১৫শুবা পি.বি.দি. কনভেন্সন অসি ২০১৯গী জনুৱারী ৯গী মহুৎতা ২০১৯গী ২১দগী ২৩ ফাওবা পাংথোক্নবা শিল্লি। কনভেন্সন অসিগী মতুংদা শরুক য়ারিবশিংনা কুম্ভ মেলাগীদমক জনুৱারী ২৪দা প্রায়াগরাজদা চৎকনি। মদুগী মতুংদা মখোয়না জনুৱারী ২৫দা দিল্লীদা চৎকনি অমদি ২০১৯গী জনুৱারী ২৬তা ন্যু দিল্লীদা পাংথোক্কদৌরিবা রিপব্লিক দে পেরেদতা শরুক য়াগনি।

মোরিসিয়সকী প্রধান মন্ত্রী শ্রী প্রবিন্দ জুগনাথনা পি.বি.দি. কনভেন্সনগী অথোয়বা মীথুংলেন ওইগনি। পি.বি.দি.গী ১৫শুবা এদিসন্দা নোর্ৱেগী মেম্বর ওফ পর্লিয়ামেন্ত শ্রী হিমান্সু গুলাতিনা স্পিসিয়েল গেস্ত ওইগনি অমদি ন্যু জীলেন্দগী মেম্বর ওফ পর্লিয়ামেন্ত শ্রী কনৱালজিৎ সিংহ বক্সিনা গেস্ত ওফ ওনর ওইগনি।

এদিসন অসিগী মরুওইবা থৌরমশিংদা-

২১ জনুৱারী, ২০১৯- য়ুথ প্রবাসী ভারতিয় দিবস। থৌরম অসিনা নহা ওইরিবা দাইস্পোরাগীদমক অনৌবা ভারত্তা খুদোংচাবা তঞ্জাশিং ফংহল্লগনি।

২২ জনুৱারী, ২০১৯- মোরিসিয়সকী প্রধান মন্ত্রী প্রবিন্দ জুগনাথগা লোয়ননা প্রধান মন্ত্রীনা পি.বি.দি. কনভেন্সন হৌদোকপা

২৩ জনুৱারী, ২০১৯- লোইশিনবগী সেসন অমদি ভারতকী রাষ্ট্রপতিনা প্রবাসী ভরতিয়া সম্মান এৱার্দ য়েন্থোকপা।
থৌরম অসিগী মনুংদা তোঙান তোঙানবা প্লেনরী সেসনশিংসু মতম লেপ্লে। নুমিদাংদা কলচরেল প্রোগ্রামশিং উৎকনি।
প্রবাসী ভারতিয় দিবসকী মতাংদা:

প্রবাসী ভারতিয় দিবস (পি.বি.দি.) পাংথোক্নবা ৱারেপ অসি লৈখিদ্রবা হান্নগী প্রধান মন্ত্রী শ্রী অতল বিহারি বাজপাইনা লৌবিরম্বনি।

অহানবা পি.বি.দি. থৌরম ২০০৩গী জনুৱারী ৯দা ন্যু দিল্লীদা পাংথোকখি। পি.বি.দি. থৌরম পাংথোক্নবা জনুৱারীগী তাং ৯বু খনখি, নুমীৎ অসি ১৯১৫দা মহাত্মা গান্ধীনা সাউথ আফ্রিকাদগী ভারত্তা হল্লকখিবা নুমীৎ অদুনি।

পি.বি.দি. অসি হৌজিক্তি চহী অনিগী মনুংদা অমুক্তং পাংথোক্লে। মসিনা সমুদ্র লান্না লৈখ্রবা ইন্দিয়ান কমুনিতীদা সরকারগা এঙ্গেজ তৌনবা অমদি মখোয়গী হৌরকফম অদুগা অমুক শম্নহন্নবা প্লেৎফোর্ম অমা পীরি। কনভেন্সন অসিগী মনুংদা ভারত অমসুং মপাল লম অনিমক্তা তোঙান তোঙানবা লমশিংদা থোয়দোক হেন্দোকপা থৌদাং লৌবগীদমক খনগৎলবা সমুদ্র লান্না লৈখ্রবা ইন্দিয়ানশিংদা প্রবাসী ভারতিয় সম্মান অসি লানথোকই।

২০১৭কী জনুৱারী ৭তগী ৯ফাওবা কর্নাতকাগী বেঙ্গলুরুদা পাংথোকখিবা ১৪শুবা পি.বি.দি. অদু প্রধান মন্ত্রী শ্রী নরেন্দ্র মোদীনা হৌদোকখি। ১৪শুবা পি.বি.দি.গী থিমদি ” রিদিফাইনিং এঙ্গেজমেন্ত ৱিথ দি ইন্দিয়ান দাইস্পোরা” ওইখি।

***