ভারতকী প্রধানমন্ত্রী

অপুনবা য়ু এস দোল্লর বিলিয়ন ২গী মনুংদা য়ুএস দোল্লর মিলিয়ন ৪০০গী স্তেন্দবাই স্বেপ লৈহন্নবা সার্ক মেম্বর লৈবাকশিংগী মরক্তা করেন্সী স্বেপ এরেঞ্জমেন্তগী ফ্রেমৱার্ক শেমদোকপা প্রধান মন্ত্রী নরেন্দ্র মোদীনা লুচীংবা কেন্দ্রগী মন্ত্রী মন্দলনা য়ারে। ভারতকী দরকার ওইবা মতুং ইন্না অমসুং সার্ক মেম্বর লৈবাকশিংনা হায়জরকপদগী মসিগী থবক তৌবগী মওংশিং , স্বেপকী মতম, রোল ওভর কয়া হোংদোক হোংজিন তৌগনি।

চাউরাকপা শক্তমশিং :

মালেমগী শেন-থুমগী ফিবম খুদোংথিনিংঙাই ওইবা হেনগৎলকপা অমসুং লৈতাদবা অসিনা মরম ওইদুনা সার্ক লৈবাকশিংগী মরক্তা দরকার ওইবা অতেনবা মতমগী স্বেপশিং য়ানখিবদগী মশিং হেনগৎহনবা দরকার ওইরে। অয়াবা পীরিবা সার্ক স্বেপ ফ্রেমৱার্কনা স্তেন্দবাই স্বেপকী মখাদা দরকার লৈবা হোংদোক-হোংজিন তৌবা য়াহনগনি অমসুং মসিনা সার্ক স্বেপ ফ্রেমৱার্ককী মখাদা হৌজিক লৈরবা লিমিত অসিগী হেন্নবা স্বেপগী শেনফম পীনবা সার্ক মেম্বর লৈবাকশিংনা হায়জরকপা অদু ভারতনা মতি চাবা পাউখুম পীবা ঙমহনগনি।

নুংগী ৱারোল :

অতেনবা মতমগী দরকার ওইবা ফোরেন একচেঞ্জ ফন্দ পীনবা নৎত্রগা মতম শাংনা চৎনগদবা বেলেন্স ওফ পেমেন্তগী দরকার ওইবশিং ফংনবা নৎত্রগা অতেনবা মতমগী খুদোংচাদবশিং কোকহন্নবা পান্দমদা সার্ক লৈবাকশিংগী করেন্সী স্বেপকী থবক অসি ২০১২গী মার্চ ১দা মন্ত্রীমন্দলনা অয়াবা পীখিবনি। খুদোংচাবা অসিগী মখাদা , সার্ক লৈবাকশিংনা থা অনিগী ওইনা মখোয়গী ইমপোর্তকী দরকার ওইবশিং অদু ফংনবা য়ু এস দোল্লর,য়ুরো নৎত্রগা আই এন আরদা স্বেপ তৌবা আর বি আইনা অয়াবা পীরি অমসুং অপুনবা শেনফম য়ু এস দোল্লর বিলিয়ন ২দগী হেল্লোইদবনি। খুদোংচাবা অদুদা সার্ক লৈবাকশিংগী স্বেপ তৌনবা শেনফমশিং ময়েক শেংনা তাক্লি , য়ু এস দোল্লর মিলিয়ন ১০০দগী হৌরগা খ্বাইদগী য়াম্বনা য়ু এস দোল্লর মিলিয়ন ৪০০ ফাওবা ওইগনি। শেন লৌথোকপা খুদিংমক থা অহুমগী মতম ওইগদবনি অমসুং খ্বাইদগী য়াম্লবদা রোলওভর অনি ওইগদবনি।

থবক ওইনা পাংথোক্নবা অকুপ্পা মরোলশিং আর বি আইনা সার্ক লৈবাকশিংগী সেন্ত্রেল বেঙ্কশিংগা ৱারী শানগনি।

***