ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি দদ্রা অমসুং নগর হবেলীগী সিলবাসাদা দিবেলপমেন্ত প্রোজেক্ত কয়া হৌদোকখ্রে অমদি উরেপ উয়ুং তমখ্রে।

মহাক্না দদ্রা অমসুং নগর হবেলীগী সেলীদা মেদিকেল কোলেজকী উরেপ উয়ুং তমখি।

প্রধান মন্ত্রীনা দদ্রা অমসুং নগর হবেলীগীদমক আই.তি. পোলিসী রিলিজ তৌখি। এম–অরোগ্যা মোবাইল এপ্লিকেসন অমসুং দোর তু দোর ৱেস্ত কলেক্সন, দদ্রা অমসুং নগর হবেলীদা সোলিদ ৱেস্তকী সেগ্রেগেসন অমসুং প্রোসেসিংসু হৌদোকখি।

মহাক্না অয়ুশ্মান ভারতকী বেনিফেসরীশিংদসু গোল্দ কার্দশিং য়েন্থোকখি অমদি বেনিফেসরীশিংদা বন অধিকার পত্র য়েন্থোকখি।

মীয়াম তিনখিবা অদুদা ৱা ঙাংলদুনা প্রধান মন্ত্রীনা হায়খি মদুদি ঙসি লুপা কোতি ১৪০০ হেনবগী প্রোজেক্তশিং হৌদোকখ্রে অমদি উরেপ উয়ুং তমখ্রে। প্রোজোক্তশিং অসিনা কনেক্তিবিতী, ইনফ্রাস্ত্রকচর হেল্থ, এজুকেসন অসিনচিংবশিংগী তোঙান তোঙানবা এস্পেক্তশিংদা শম্নহল্লি।

ইন্দস্ত্রীদা ইনোৎ অমা পীনবা অনৌবা ইন্দস্ত্রীয়েল পোলিসী অমসুং অনৌবা আই.তি. পোলিসী হৌদোক্লে হায়না মহাক্না ফোংদোকখি।

লৈবাক অসিগী নাগরিকশিংগী য়াইফনবগীদমক মহাক্কী সরকারগী ৱাশক অদু প্রধান মন্ত্রীনা অমুক হন্না শোয়দবনি হায়খি। ঐখোয়না সবকা সাথ সবকা বিকাসকী মন্ত্রগা লোয়ননা থবক তৌরি হায়না মহাক্না ফোংদোকখি।

দামন অমসুং দ্যু অমদি দদ্রা অমসুং নগর হবেলী অনিমকপু মপান্দা খোংহাম খুৎহাম চোইদবা মফম ওইরে হায়না লাওথোকখিবা অদু মহাক্না খংজিনখি। য়ুনিয়ন তেরিতোরী অনিমক কেরোসিন ফ্রী ওইরে হায়নসু লাওথোকখ্রে। য়ুনিয়ন তেরিতোরী অনিমক্তা লৈরিবা ইমুং খুদিংমক্না ঙসিদি এল.পি.জি. কনেক্সন, ইলেক্ত্রিসিতী কনেক্সন, ৱাতর কনেক্সন লৈরে হায়না মহাক্ন মখা তাখি।

প্রধান মন্ত্রী অৱাস য়োজনাগী মখাদা য়ুনিয়ন তেরিতোরী অনিমক্কী লায়রবা রিসিদেন্তশিংদা য়ুমশিং ফংহনখ্রে হায়না প্রধান মন্ত্রীনা পনখি। আয়ুশ্মান ভারতকী মখাদা কানবা ফংগদবা য়ুনিয়ন তেরিতোরী অনিমক্কী মীয়ামদা গোল্দ কার্দশিংসু ইসু তৌখ্রে

হৌখিবা চহী অহুম অসিদা য়ুনিয়ন তেরিতোরী অনিমক্তা লুপা কোতি ৯০০০ হেন্না ইবেস্ত তৌখ্রে, মদুনা দিবেলপমেন্ত প্রোজেক্তসশিগী পরিং অমা পায়খৎলে হায়না মহাক্না ফোংদোকখি। মেদিকেল কোলেজকী উরেপ উয়ুং তমখিবনা দামন অমসুং দ্যু অমদি দদ্রা অমসুং নগর হবেলীনা মসিগী অহানবা মেদিকেল কোলেজ ফংলে হায়না মহাক্না ফোংদোকখি।

চহী অসিমক্তদগী মেদিকেল কোলেজ অসি মথৌ হৌহন্নবা কন্না হোৎনরি হায়না মহাক্না মখা তাখি। হৌজিক ফাওবদা য়ুনিয়ন তেরিতোরী অনিমক্না চহী অমদা মেদিকেল সিৎ ১৫ খক্তমক লৈরি অমসুং মেদিকেল কোল্লেজ অসি লিংখৎপনা হৌজিক্তি সিৎ ১৫০ ফংলগনি হায়না প্রধান মন্ত্রীনা মখা তাখি। মেদিকেল কোল্লেজ অসিনা মীয়ামদা হেন্না ফবা মেদিকেল ফেসিলিতী ফংহল্লগনি হায়না মহাক্না হায়খি।

আয়ুশ্মান ভারতকী মতাংদা ঙাংলদুনা মহাক্না হায়খি মদুদি মসি মালেমদা খ্বাইদগী চাওবা হেল্থকেয়ার প্রোজেক্তনি অমসুং নুমীৎ খুদিংগী লায়রবা লিশিং তরানা স্কিম অসিগী কানবা লৌরি। মসিনা হৌদোকখিবদগী নুমীৎ ১০০ খক্কী মনুংদা লায়রবা অনাবা লাখ ৭ হেনবদা কানবা ফংহনখ্রে।

মহাক্না হায়খি মদুদি প্রধান মন্ত্রী অৱাস য়োজনাগী মখাদা শহরশিং অমসুং খুঙ্গংশিংদা লৈরিবা লায়রবশিংদা পরমানেন্ত ওইবা য়ুম অমা ফংহন্নবা য়াম্না চাওবা কেম্পেন অমা চত্থরি।

মমাংগী সরকারগা চাংদম্নবদা চহী মঙাদা মখোয়না য়ুম লাখ ২৫ খক্তমক শারম্মি, ঐখোয়না চহী মঙাদা য়ুম কোতি ১গা লাখ ২৫ হেন্না শারে হায়না মহাক্না ফোংদোকখি।

দদ্রা অমসুং নগর হবেলী খক্তদা নুপী ১৩০০০দা লেম্না গ্যাস কনেক্সন পীখ্রে হায়নসু প্রধান মন্ত্রীনা ফোংদোকখি। ত্রাইবেল মীয়ামগী য়াইফনবা থবক পায়খৎলি হায়না মহাক্না ফোংদোকখি।

দদ্রা অমসুং নগর হবেলী অসি তুরিজমগীদমক অচৌবা পোতেন্সিয়েল অমা লৈরি হায়না প্রধান মন্ত্রীনা হায়খি। লমদম অসি তুরিজমগী মেপতা পুরক্নবা তোঙান তোঙানবা অনৌবা খোংথাংশিং পায়খৎলি।

ব্লু রিভোলুসনগী মখাদা ঙামীশিংগী শেন্থোক হেঙ্গৎহন্নবা থবক পায়খৎলি হায়না মহাক্না ফোংদোকখি। ফিসরিজ সেক্তর ফগৎহন্নবগীদমক অখন্নবা ফন্দ অমা শেমলে। ফন্দ অসিগী মখাদা সেক্তর অসিদা ইনোৎ অমা পীনবা লুপা কোতি ৭৫০০ থৌরাং তৌরে।

প্রধান মন্ত্রী নরেন্দ্র মোদীনা হায়খি মদুদি ভারতকী প্রজা কোতি ১২৫ অসি মহাক্কী ইমুং মনুংনি অমসুং মখোয়গী য়াইফনবগীদমক থবক তৌনবা মহাক্না ৱাশকখি।