ভারতকী প্রধানমন্ত্রী

চেক রিপব্লিক্কী প্রধান মন্ত্রী শ্রী অন্দ্রেজ বাবিস জনুৱারী ১৭, ২০১৯দগী জনুৱারী ১৯, ২০১৯ ফাওবা ওফিসিয়েল খোংচৎতা ভারত্তা লাক্লি। মহাক্না ত্রেদ অমসুং ইন্দস্ত্রীগী মন্ত্রী শ্রীমতি মার্তা নোভাকোভা অমসুং অচৌবা বিজিনেস মীহুৎ অমা লোয়নরকখি। প্রধান মন্ত্রী বাবিসনা বাইবরেন্ত গুজরাত গ্লোবেল সম্মিত ২০১৯দা চেক দেলিগেসন লুচিংলি। চেক রিপব্লিক অসি পার্তনর কন্ত্রী অমনি।

প্রধান মন্ত্রী মোদী অমসুং প্রধান মন্ত্রী বাবিসনা সম্মিত অসিগী সাইদলাইন্দা জনুৱারী ১৮দা লৈবাক অনিগী ওইবা মীফম অমা পাংথোকখি। লৈবাক অনিগী লৈনরিবা মরীশিংগী পরিং অপুনবদা ম্যুচেল ইন্তরেস্তকী মরুওইবা গ্লোবেল অমসুং রিজনেল ইশুশিং ৱারি শান্নবা অদুগী মনুংদা খন্ন-নৈনখি।

প্রধান মন্ত্রী মোদীগী ভিজনরী লিদরশিপ অদু তরাম্না ওক্লদুনা, ইন্দিয়ান ইকোনোমীগী রেপিদ গ্রোথ অমসুং লৈবাক অনিগী ত্রেদ অমসুং ইনবেস্তমেন্ত রিলেসনশিং হেঙ্গৎহনবগীদমক অচৌবা খুদোংচাবা তঞ্জাশিংবু চেক্কী প্রধান মন্ত্রীনা শিংথাখি। প্রধান মন্ত্রী বাবিসনা মমাং চহীগী সেপ্তেম্বর থাদা ভারতকী রাষ্ট্রপতিগী চেক রিপব্লিক্কী খোংচৎ অদু নৌহৌনা নিংশিংখি, মদুদা লৈবাক অনিগী কোওপরেসনগীদমক য়ানাৱারোল কয়া অমা খুৎয়েক পীনখি।

হেভী মেছিনরী অমসুং মতিকচাবা ইঞ্জিনীয়রিংদা চেক রিপব্লিক্কী থোয়দোক হেন্দোকপা মেনুফেকচরিং তেক্নোলোজীশিং লৈরি। প্রধান মন্ত্রী মোদীনা অখন্ননা দিফেন্স, ওতোমোতিব অমসুং রেলৱে সেক্তরদা ভারত্তা মেনুফেকচরিং তৌনবগীদমক ইন্দিয়ান মার্কেৎনা ওফর তৌরিবা অদুগুম্লবা অচৌবা খুদোংচাবা তঞ্জাশিংগী কানবা লৌনবা চেক কম্পেনিশিংবু বার্তন তৌখি।
প্রধান মন্ত্রী অনিমক্না ত্রেদিস্নেল্লি ইনাক খুল্লিবা লৈবাক অনিগী লৈনরিবা মরীদা অপেনবা ফোংদোক্নখি অমসুং ঐখোয়গী মরী অসি অহেনবা থাক অমদা পুখৎনবা দরকার লৈবা খোংথাংশিং লৌখৎনবা ৱারেপ লৌখি।

খোংচৎ মনুংদা, প্রধান মন্ত্রী বাবিসনা জনুৱারী ১৯দা ন্যু দিল্লীদা ভারতকী রাষ্ট্রপতিগা উনগনি। মহাক্না পুনেদা চৎনবসু শেম শারি, মফমদুদা মহাক্না চেক কম্পেনি খরদা চৎকনি অমসুং পুনেগী সিমবাইওসিস য়ুনিবর্সিতীদী য়ুরোপিয়ান স্তদিজকীদমক সেন্তর অমা শঙ্গাগনি।

***