ভারতকী প্রধানমন্ত্রী

তোঙান তোঙানবা লৈবাকশিংদগী লেংবীরক্লিবা ইকায় খুম্নবদা মতিক চারবা মিনিস্তরশিং অমসুং এক্সেলেন্সীশিং, পার্তনর লৈবাকশিংদগী লেংবীরক্লিবা রিপ্রজেন্তেতিবশিং অমসুং মীহুৎশিং, কোর্পোরেৎ লুচীংবশিং, ইনভাইতীশিং, শরুক য়ারিবশিং অমসু মীহুৎশিং, ফম্বাকথক্তা লেংশিনবিরিবা শক্নাইরবশিং, নহা ওইরিবা মরূপশিং, লেদিজ & জেন্তলমেন!

বাইবরেন্ত গুজরাত সম্মিতকী ৯শুবা পন্দুপতা ময়াম্বু তরাম্না ওকচবা অসিদা ঐহাক অপেনবা ফাওই।

হৌজিক মসি অশেংবা গ্লোবেল ইভেন্ত অমা ওইরিবা অসি ময়াম্না উবা ফংলে। মীপুম খুদিংমক্কী মফম অমা ওইরে। মসিদা মকোকথোংবা রাজনীতিগী লুচীংবশিংনা শরুক য়ারি। মসিদা সি.ই.ও.শিং অমসুং কোর্পোরেৎ লুচীংবশিংগী ইনর্জী য়াওরি। মসিদা ইন্সতিত্যুসনশিং অমসুং ৱাখল্লোন পুথোক্লিবশিংগী লেমজনিঙায় অমদি নহা ওইরিবা ইন্তরপ্রাইজ অমসুং স্তার্ত–অপশিংগী হিংনিঙায় পাঙ্গল য়াওরি।

বাইবরেন্ত গুজরাতনা ঐখোয়গী ইন্তরপ্রইজশিংগী থাজবা পুরকপদা থৌদাং লৌরি। মসিনা কেপাসিতী বিলদিং অমসুং সরকারগী এজেন্সীশিংনা গ্লোবেল বেস্ত প্রেক্তিসশিং লৌশিনবদা মতেং পাংলি।

ঐহাক্না ময়াম পুম্নমক্কী মফমদা প্রদক্তিব ওইবা, মহৈ য়ানবা অমসুং নুঙায় য়াইফরবা সম্মিত অমগীদমক য়াইফ পাওজেল পীজরি। গুজরাত্তা হৌজিক অসি তেলঙ্গাগী কুমহৈ নত্রগা উত্তরায়নগী মতমনি। সম্মিত অসিগী চিল্লবা তাঞ্জা অসিগী মরক্তা কুমহৈ অমসুং রাজ্যগী তোঙান তোঙানবা মফমশিংগী নুঙাইবা লৌনবা মতম কায়থোক্কনি হায়না ঐহাক্না আশা তৌরি।

ঐহাক্না অখন্ননা বাইবরেন্ত গুজরাতকী এদিসন অসিগী পার্তনর লৈবাক ১৫বু তরাম্না ওকচরি অমসুং থাগৎচরি।

ঐহাক্না পার্তনর ওর্গনাইজেসন ১১গা লোয়ননা ফোরম অসিদা মখোয় মখোয়গী সেমিনার পাংথোক্লিবা অদুগুম্লবা লৈবাকশিং, ওর্গনাইজেসনশিং অমসুং ইন্সতিত্যুসনশিংবুসু থাগৎপা ফোংদোকচরি। মসিমসু অপেনবা পোক্নিঙাই ৱাফম অমনি মদুদি ভারতকী রাজ্য নিপালনা মখোয়গী রেস্পেক্তিব ইনবেস্তমেন্ত ওপোর্তুনিতীশিংদা মঙাল পীনবা ফোরম অসি শিজিন্ননবা মাংলোমদা চংশিল্লক্লি।

গ্লোবেল ত্রেদ শোদা চৎনবগীদমক ময়াম্না মতম কায়থোক্কনি হায়না ঐহাক্না আশা তৌরি। তশেংনা, গুজরাতনা ভারত্তা লৈরিবা বিজিনেস স্পিরিৎকী খ্বাইদগী ফবা অদু উৎথোক্লি। ইভেন্ত অসিনা গুজরাতপু মমাংগী চহী তরাগী খুজিং কয়াদগী ফংলক্লিবা মীংচৎ অদু হেঙ্গৎহল্লে। বাইবরেন্ত গুজরাত সম্মিতনা মায়পাক্না পাংথোকখ্রবা এদিসন নিপালগী ত্রান্সফোর্মেস্নেল খোংচৎ অমা মপুং ফাহল্লে।

তোঙান তোঙানবা তোপিকশিংদা কনভেন্সন অমসুং সেমিনার কয়া অমা শিল লাংলি। ৱাফম অসি ইন্দিয়ান সোসাইতী অমসুং ইকোনোমীগা লোয়ন–লোয়ননা গ্লোবেল কমুনিতী পুম্নমক্কীসু য়াম্না মরুওই। খুদমগীদমক ঐহাক্না হয়েং পাংথোক্কদৌরিবা আফ্রিকা দেগী থৌরম অমসুং জনুৱারিগী তাং ২০দা পাংথোক্কদৌরিবা ইন্তরনেস্নেল চেম্বরসকী গ্লোবেল কোনক্লেবকী ৱাফম পনজরি।

মরূপশিং,

ঙসি মফম অসিদা তিল্লিবা মীয়াম অসি তশেংনা ওগস্ত গেদরিং অমনি। ঐখোয়বু স্তেতকী মকোকশিং অমসুং গোবর্নরশিং অমদি মশিং য়াম্লবা অতোপ্পা শক্নাইরবা দেলিগেৎশিংনা শরুক য়াবিদুনা ইকায় খুম্নবিরি। মসিনা উৎলে মদুদি অন্তরজাতিগী লৈবাক অনিগী কোওপরেসন অসি লৈবাক্কী কোনুং খক্তদা অরেপ্পা থমদ্রে, অদুবু হৌজিক্তি মসি রাজ্যগী কোনুংশিংদসু শন্দোক্লে।

ভারত্তা খ্বাইদগী মচিন তুমখৎলক্লিবা ইকোনোমী ওইনা ঐখোয়না মায়োক্নরিবা অসি হোরাইজোন্তেল্লিগা লোয়ন লোয়ননা ভর্তিকেল্লি চাওখৎহনবনি।

মরূপশিং,

ভারত্তা তোয়না লাকপা মখোয়শিং অদুনা এয়ারদা অহোংবা লাক্লিবা অদু শোয়দনা ফাওরমগনি। অহোংবা লাক্লিবা অসি দাইরেক্সন অমসুং ইন্তেন্সিতীগী তর্ম অনিমক্তনি। হৌখিবা চহী মরিদগী সরকার হন্থহনবা অমসুং গোবর্নান্স হেঙ্গৎহনবদা ঐহাক্কী সরকারনা মীৎয়েং থম্লি। ঐহাক্কী সরকারগী মন্ত্র অসি রিফোর্ম, পরফোর্ম, ত্রান্সফোর্ম অমসুং ফ্যুচর পরফোর্মনি।

ঐখোয়না শাথিবা খোংথাং কয়া অমা লৌখৎখ্রে। ঐখোয়না অদুগুম্লবা দীপর স্ত্রকচরেল রিফোর্মসু লৌখৎলে মদুনা ঐখোয়গী ইকোনোমী অমসুং নেসনদা পাঙ্গল শক্তি হাপচিনলে।

ঐখোয়না অসুম্না তৌবনা, মালেমদা খোংজেল য়াংনা চাওখৎলক্লিবা অচৌবা ইকোনোমী অমা ওইনা ঐখোয় মখা চত্থরি। ৱার্ল্দ বেঙ্ক অমসুং আই.এম.এফ.গুম্বা অচৌবা ইন্তরনেস্নেল ফাইনান্সিয়েল ইন্সতিত্যুসনশিং লোয়ন লোয়ননা মুদীজগুম্বা এজেন্সীশিংনা ভারতকী ইকোনোমিক খোংচৎতা থাজবা ফোংদোক্লি।   

মরূপশিং,

ভারতনা হৌজিক মমাংদা অমুক্তা ওইখিদ্রিবা মওংদা বিজিনেস তৌনা শেম শারে। ঐখোয়না বিজিনেস তৌববু হেন্না লায়থোকহল্লে।

হৌখিবা চহী মরিদা ঐখোয়না ৱার্ল্দ বেঙ্ককী দুইং বিজিনেস রিপোর্তকী গ্লোবোল রেঙ্কিংদা মফম ৬৫ মথক্তা হায়গৎলে।

২০১৪দা ১৪২ ওইরম্বদগী হৌজিক ৭৭তা লৈরে, অদুবু হৌজিক ফাওবা পেন্নিঙাই ওইদ্রি। ঐনা ঐগী তিমদা মথং চহীদা ইজ ওফ দুইং বিজিনেস অসি তোপ ৫০গী মনুং চনবা ঙম্নবা অকনবা মওংদা থবক তৌনবা অপিল তৌখ্রে। ঐখোয়গী রেগুলেসন অমসুং প্রোসেস অসি মালেমদা খ্বাইদগী ফবা অদুগা চাংদম্নবা পাম্মী। দুয়িং বিজিনেসপু হেন্না হোংহনবসু ঐখোয়না হোৎনরি।

গুদস এন্দ সর্বিসেস তেক্সকী পুৱারি ওইরবা ইমপ্লিমেন্তেসন অমসুং সিমপ্লিফিকেসনগী অতোপ্পা খোংথাংশিং অমসুং তেক্সশিংগী কন্সোলিদেসন্না ত্রাঞ্জেক্সন কোস্ত হন্থহল্লে অমদি থৌওংবু ইফিসিয়েন্ত ওইহল্লে।

ঐখোয়না দিজিতেল প্রোসেসশিং, ওনলাইন ত্রাঞ্জেক্সনশিং অমসুং সিঙ্গল পোইন্ত ইন্তর–ফেসশিংগী থোংদা দুইং বিজিনেস খোংজেল য়াংশিলহল্লে।

এফ.দি.আই. ফোরেন দাইরেক্ত ইনভেস্তমেন্তদা, হৌজিক ঐখোয় খ্বাইদগী ওপন ওইবা লৈবাক অমা ওইরে। ঐখোয়গী ইকোনোমীগী সেক্তর অয়াম্বা হৌজিক্তি এফ.দি.আই.গীদমক হাংদোক্লে। এপ্রুবেল চাদা ৯০ হেন্না ওতোমেতিক রুত্তা থমলে। হৌখিবা চহী মরিদা ঐখোয়না দোলর বিলিয়ন ২৬৩গী এফ.দি.আই. ফংখি। মসি হৌখিবা চহী ১৮দা ফংখিবা এফ.দি.আই.গী চাদা ৪৫নি।

মরূপশিং, ঐখোয়না দুইং বিজিনেসপু হেন্না স্মার্তসু ওইহল্লে। সরকারগী প্রোক্যুরমেন্ত অমসুং পর্চেসশিংদা আই.তি.দা য়ুমফম ওইবা ত্রাঞ্জেক্সন চত্থনবা অকনবা ৱাফম থম্লে। সরকারগী বেনিফিৎশিংগী দাইরেক্তত ত্রান্সফর য়াওনা দিজিতেল পেমেন্তশিং হৌজিক মপুং ফানা চত্থরে। স্তার্ত অপকীদমক মালেমদা খ্বাইদগী চাওবা ইকোসিস্তেমশিংগী মরক্তা ঐখোয় অমা ওইরে অমসুং মদুগী মরক্তা কয়া অমনা তেক্নোলোজীগী লমদা ওইরি। মরম অদুনা ঐখোয়গা লোয়ননা বিজিনেস তৌবা অসি অচৌবা খুদোংচাবা অমনি হায়না ঐহাক্না শেফ ওইনা হায়বা ঙম্লে।

য়ু.এন.সি.তি.এ.দি.না মমিং পল্লিবা মকোকথোংবা এফ.দি.আই. ১০গী মনুংদা ঐখোয়না য়াওবা ঙম্লিবা অসি মদুনা মরম ওইরগনি। ঐখোয়গী অসিদি গ্লোবেল্লী কোস্ত কম্পিতিতিব মেনুফেকচরিং এনবাইরনমেন্ত অমনি। ঐখোয়গী স্ত্রোং রিসর্স অমসুং দিবেলপমেন্ত ফেসিলিতীশিংদা য়ুমফম ওইবা ৱার্ল্দ ক্লাস ইঞ্জিনীয়ারিং এজুকেসন অমা লৈরি। হৌখিবা চহী অনিদা ঐখোয়না কোর্পোরেতকী মায়কৈদা লো তেক্স রিজিম অমগী মায়কৈদা চংশিল্লি। অনৌবা ইনবেস্তমেন্তশিং লোয়ন লোয়ননা অপিকপা অমসুং ময়ায় ওইরপ্পা ভেঞচরশিংগীদমক ঐখোয়না তেক্স চাদা ৩০দগী চাদা ২৫দা হন্থহল্লে।

মতৌ অদুম্না, বিজিনেস হৌবদগী মসিগী ওপরেসন অমসুং ক্লোজরদা ঐখোয়না অনৌবা ইন্সতিত্যুসনশিং, প্রোসেসশিং অমসুং প্রোসিদ্যুরশিং শেমগৎপদা ঐখোয়না পুক্নিং চংলি। মসি পুম্নমক বিজিনেস তৌবা খক্তগী নত্তনা ঐখোয়গী মীয়ামগী পুন্সি লায়থোকহন্নবসু মরু ওই। ঐখোয়না মসিমসু খংই মদুদি নহাশিংগী লৈবাক অমা ওইবনা ঐখোয়না থবক ফংহন্নবগী মচাক অমসুং ইনফ্রাস্ত্রকচর শেমগৎপসু মথৌ তাই। অনিমক ইনবেস্তমেন্তকা মরী লৈনৈ। মরম অদুনা, হৌখিবা চহীশিংদা মেনুফেকচরিং অমসুং ইনফ্রাস্ত্রকচরদা মমাংদা থোকখিদ্রিবা মওংদা মীৎয়েং থম্লি।

মেনুফেকচরিংবু ঐখোয়গী নহাশিংগীদমক থবক ফংহনবদা প্রমোৎ তৌনবা ঐখোয়না অকনবা মওংদা হোৎনরি। ঐখোয়গী মেক ইন ইন্দিয়া ইনিসিয়েতিবকী থোংদা ইনবেস্ত তৌবনা দিজিতেল ইন্দিয়া অমসুং স্কিল ইন্দিয়াগুম্বা প্রোগ্রামশিংনা নিংথিজনা সপোর্ত তৌরি।

ক্লিনর ইনর্জী অমসুং গরীনর দিবেলপমেন্ত। জেরো দিফেক্ত অমসুং জেরো ইফেক্ত মেনুফেকচরিং। মখোয়শিং অসিসু ঐখোয়গী ৱাশকশিংনি। ক্লাইমেৎ চেঞ্জকী এফেক্তশিং হন্থহন্নবগী মায়কৈদা থবক তৌনবা ঐখোয়না মালেমদা ৱাশক্লি। ইনর্জীগী মায়কৈদা, হৌজিক ঐখোয় মালেমদা রিন্যুয়েবল ইনর্জী খ্বাইদগী য়াম্না পুথোকপা মঙাশুবা লৈবাক ওইরে। ঐখয় হৌজিক ৱিন্দ ইনর্জীদা মরিশুবা খ্বাইদগী চাওবা অমসুং সোলর ইনর্জীদা মঙাশুবা খ্বাইদগী চাওবা ওইরি।

ঐখোয়না লম্বী–থোংশিং, হিথাংফমশিং, রেলৱেশিং, এয়ারপোর্তশিং, তেলিকোম, দিজিতেল নেতৱার্কস অমসুং ইনর্জী য়াওনা মথংগী জেনরেসনগী ইনফ্রাস্ত্রকচরদা ইনবেস্তমেন্ত হেঙ্গৎহনবদা থৌগৎলি। ঐখোয়না ঐখোয়গী প্রজাশিংদা শেন্থোক হেন্না লৈহন্নবা অমসুং পুন্সী মহিং ফগৎনবা ঐখোয়গী সোসিয়েল, ইন্দস্ত্রীয়েল অমসুং এগ্রী–ইনফ্রাস্ত্রকচরদসু চাওনা ইনবেস্ত তৌরি। খুদম খরা পীরবদা, চহী মরিগী মনুংদা ইলেক্ত্রিসিতী মেক্সিমম কেপাসিতীদী হেঙ্গৎহল্লে। অহানবা ওইনা ভারত অসি ইলেক্ত্রিসিতীগী নেৎ এক্সপোর্তর অমা ওইরে। ঐখোয়না মশিং য়াম্লবা এল.ই.দি. বল্বশিং য়েন্থোকখ্রে। মসিনা চাওনা ইনর্জী কনবগী মরম ওইরে। লম্বী থোং শেম্বদা ঐখোয়গী খোংজেল হন্নদগী শরুক অনি ওইরে। অচৌবা হিথাংফমশিংদা মমাংদা ওইখিদ্রিবা মওংদা কেপাসিতী হেঙ্গৎহল্লে। রুরেল রোদ কনেক্তিবিতী হৌজিক চাদা ৯০ ওইরে। অনৌবা রেল লাইন তিংবা, গেজ ওন্থোকপা, রেলৱে ত্রেক দবলিং অমদি ইলেক্ত্রিফিকেসন শরুক অনি হেঙ্গৎলে।

খুদম খরা অমগা পীজরবদা, হৌজিক্তি ঐখোয়গী ইমুং খুদিংমক্তা বেঙ্ক একাউন্ত লৈনরে। ঐখোয়না অপিকপা ইন্তরপ্রাইজশিংদা কোল্লেতেরেল য়াওদনা লোনশিং পীরে। হৌজিক ঐখোয়গী খুঙ্গং খুদিংমক্তা মৈ ফংলে। ঐখোয়গী য়ুমথোং অয়াম্বদসু মৈ ফেলে। ঐখোয়না চাকথোং গ্যাস লৈবা ঙমদবা মশিং য়াম্লবা মীওইশিংদা চাকথোং গ্যাস ফংহল্লে। অর্বান অমসুং রুরেল এরিয়া অনিমক্তা মতিকচাবা সেনিতেসন শোয়দনা ফংহন্নবা হোৎনরি। য়ুমথোং খুদিংদা তোইলেৎ থম্দুনা মতিক চানা শিজিন্নবগী মায়কৈদা ঐখোয়না থবক তৌরি।

লেদিজ এন্দ জেন্তলমেন,

ঐখোয়না ২০১৭তা মালেমদা তুরিস্ত দেস্তিনেসন খ্বাইদগী য়াম্না হেঙ্গৎলক্লিবা লৈবাকশিংগী মনুংদা অমা ওইরে। ২০১৬তা ভারতকী গ্রোথ অসি চাদা ১৪ ওইখি, চহী অদুমক্তদা মালেমগী গ্রোথ অসি চাদা ৭ ওইখি। হৌখিবা চহী মরিদগী পেসেঞ্জর তিক্কেতিং তর্মশিংদা দবল–দিজিৎ গ্রোথকা লোয়ননা এভিয়েসন মার্কেৎতা মালেমদা খ্বাইদগী চাওখৎলক্লিবা অদুসু ঐখোয়না ওইরক্লি।

মতৌ অদুম্না ন্যু ইন্দিয়া অসি মচিল তুমখৎলক্লি মদুনা মোদর্ন অমসুং কম্পিতিতিব অমসুং য়েৎ কেরিয়িং অমদি কম্পেসিয়োনেৎ ওইরগনি। মসিগী কম্পেসিয়োনেৎ অসিগী খুদম অমদি আয়ুশ্মান ভারত কৌবা ঐখোয়গী মেদিকেল এসুরেন্স স্কিমনি। মসিনা চাওরাক্না য়ুনাইতেদ স্তেতস, কানাদা অমসুং মেক্সিকো অপুনবগী মীশিংদগী হেনলিবা মীওই মিলিয়ন ৫০০দা কানবা ফংহল্লগনি।

খুদম খরা অমগা ঐহাক পীজগে। ভারতকী শহর ৫০দা মেত্রো রেল সিস্তেমশিং শেমগৎনবা থৌরাং তৌরে। ঐখোয়না য়ুম মিলিয়ন ৫০ শাগনি। লম্বী–থোং, রেল অমসুং ৱাতরৱেজকী মথৌতাবশিং য়াম্না চাওখ্রে। হেন্না থুবা অমসুং ক্লিনর ৱে অমদা ঐখোয়গী পান্দম অসি ফংনবা ঐখোয়না ৱার্ল্দ ক্লাস তেক্নোলোজীশিং পাম্লি।

মরূপশিং, মতৌ অসুম্না ভারত অসি পাক চাওরবা খুদোংচাবা তঞ্জাশিংগী লমদম অমনি। মসি অদুগুম্লবা ফম অমনি মদুনা নখোয়দা দেমোক্রেসী, দেমোগ্রাফী অমসুং দিমান্দ ওফর তৌরিবা। ভারত্তা হান্ননা খোংদারবা মখোয়শিংদা ঐহাক্না থাজবা পীজরি মদুদি ঐখোয়গী দেমোক্রেতিক সিস্তেম, হ্যুমেন ভেলুজ অমসুং অচেৎপা জুদিসিয়ারি সিস্তেম্না নখোয়গী ইনবেস্তমেন্তকী সেফতী অমসুং সেক্যুরিতী পীরি।

মদুনা মরম ওইরগা ভারত্তা হান্ননা খোংদাদ্রিবা মখোয়শিংদা ঐহাক্না বার্তন তৌজরি অমসুং খুদোংচাবা তঞ্জা অসি এক্সপ্লোর তৌনবা নখোয়গী পুক্নিং থৌগৎচরি। মসি মফম অসিদা খোংদানবা খ্বাইদগী ফরবা মীকুপ্নি। মথক্কীশিং অসিগা লোয়ননা ঐহাক্না ময়ামদা থাজবা পীজরি মদুদি নহাক্কী খোংচত্তা নহাক্কী নখুৎ পায়দুনা চৎমিন্ননবা ঐহাক্না মতম পুম্নমক্তা লৈরি।

ময়াম্বু থাগৎচরি! ময়াম্বু হন্না–হন্না থাগৎচরি। পেন্নাইদনা থাগৎচরি।