ভারতকী প্রধানমন্ত্রী

কেরলাগী ইচল–ইচে অমসুং ইচিল–ইনাওশিং,

লাইরৈবাক অসিদা লাকচবা অসিদা ঐহাক অপেনবা পোকই। কোল্লমদা, অশ্তামুদি পাৎপান অসিদা মমাংগী ঈশিং ইচাওগী থৌদোক অদুদগী ফিভম ফগৎলকপা অদু ঐহাক্না ফাওরি। অদুবু কেরলাবু অমুক হন্না শেমগৎ শাগৎনবা ঐখোয়না হেন্না অকনবা মওংদা থবক তৌবা তাই।

বাইপাস অসি মপুংফানা লোইশিনলকপগীদমক ঐহাক্না ময়াম পুম্নমকপু নুঙাইবা ফোংদোকচরি, মসিনা প্রজাশিংগী পুন্সি হেন্না লায়থোকহল্লগনি। প্রজাশিগী পুন্সি মহিং লায়থোকহনবা অসি ঐহাক্কী সরকারগী ৱারেপনি। ঐখোয়না সবকা সাথ, সবকা বিকাসতা থাজবা থম্লি। ৱারেপ অসিগা লোয়ননা, ঐহাক্কী সরকারনা ২০১৫গী জনুৱারি থাদা প্রোজেক্ত অসিদা অরোইবা সেঙ্কসন পীখি। রাজ্য সরকারগী থৌদাং অমসুং তেংবাংগা লোয়ননা প্রোজেক্ত অসি মওং তানা লোইশিনবা ঙম্বা অসিদা ঐহাক নুঙাইবা ফাওই। ঐহাক্কী সরকারনা থবক পায়বা হৌরকপা ২০১৪গী মে থাদগী ঐখোয়না কেরলাদা দিবেলপ ইনফ্রাস্ত্রকচরদা তোপ প্রায়োরিতী পীরি। ভারত মালাগী মখাদা মুম্বাই–কন্যাকুমারি কোরিদোরগীদমক প্রোজেক্ত রিপোর্ত অমা শেম শাবগী থবক চত্থরি। অসিগুম্বা প্রোজেক্ত কয়া অমা দিবেলপমেন্তকী অসিগুম্লবা তাঙ্ককশিংদা লৈরি।

ঐখোয়গী লৈবাক্তা, ঐখোয়না য়াম্না তোয়না উবা ফংই মদুদি ইনফ্রাস্ত্রকচর প্রোজেক্ত কয়া অমা লাওথোকখ্রবা মতুংদা মরম কয়ানা পন্দুনা লৈরি। মমল অমসুং মতম হেন্দোকখিবনা মরম ওইদুনা প্রজাগী অচৌবা শেনফম অমা অরেম্বদা মাংহল্লি। প্রজাগী শেনফম মাংহনবগী কলচর অসি মখা তানা চত্থদনবা ঐখোয়না ৱারেপ লৌখি। প্রগতিগী থোংদা, প্রোজেক্তশিং অসি খুমাং চাওশিনহল্লে অমদি প্রোব্লেম অসি লাকশিনলে।

থা খুদিংগী অরোইবা য়ুমশাকৈশা নুমীৎতা ঐহাক্না ভারত সরকারগী সেক্রেতরি পুম্নমক অমদি রাজ্য সরকারশিংগী চিফ সেক্রেতরিশিংগা ফম্মিন্নদুনা অসিগুম্লবা মতম হেন্দোক্লবা প্রোজেক্তশিংবু নৌহৌনা য়েংশিল্লি।

প্রোজেক্ত খরদি চহী ২০দগী ৩০ ফাওবা লিরম্বা অমদি মতম শাংনা থেংথরম্বা অদু উবদা ঐহাক অঙকপা পোকখি। মতম অসুক কুইনা প্রোজেক্ত অমা নত্রগা স্কিম অমবু মীচম প্রজাদা কানবা ফংহন্দবা অসি ক্রাইম অমনি। হৌজিক ফাওবদা ঐহাক্না প্রগতিগী মখাদা চাওরাক্না লুপা কোতি লাখ ১২গী প্রোজেক্তশিং রিভ্যু তৌখ্রে।

মরুপশিং, অতলজীনা কনেক্তিবিতীগী পৱারদা থাজবা থম্লম্মি অমসুং ঐখোয়না মীৎয়েং অদু মাংলোমদা পুদুনা চৎলি। মমাংগী সরকারগা য়েংনবদা নেস্নেল হায়ৱেশিং অমসুং খুঙ্গংগী লম্বীশিং শেমগৎ শাগৎপগী খোংজেল শরুক অনি ওইরে।

ঐখোয়না সরকার শেম্লকপা মতমদা, রুরেল হেবিতেসন শুপ্নতগী চাদা ৫৬ খক্তমক লম্বী থোংনা শম্নহল্লম্মি। ঙসিদি রুরেল হেবিতেসন চাদা ৯০ লম্বী থোংনা শম্নহল্লে। ঐহাক্না থাজবা থম্লি মদুদি চাদা ১০০ ওইহন্নবা পান্দম অদু অথুবা মতমদা ঐখোয়না শোয়দনা ফংবা ঙম্লগনি। 

রোদ সেক্তরদা পীরিবা অদুগুম্না ঐহাক্কী সরকারনা রেলৱেজ, ৱাতরৱেজ অমসুং এয়ারৱেজদা প্রায়োরিতী পীরি। বরানাসিদগী হাল্দিয়া ফাওবগা নেস্নেল ৱাতরৱে হান্ননা হৌখ্রে। মসিনা তরু তনানবা ত্রান্সপোর্তেশনগী মওং মতৌ অমা ফংহন্দুনা তুংগী মীরোলগীদমক মহৌশাগী ফিভম ঙাক্তুনা থম্বা ঙমহল্লগনি। হৌখিবা চহী মরি অসিদা রিজনেল এয়ার কনেক্তিবিতীদসু চাওনা ফগৎলে। দবলিং, ইলেক্ত্রিফিকেসন অমসুং অনৌবা ত্রেক তিংবগী চাংসু শরুক য়াম্না হেনগৎলে। মখোয়শিং অসিনা থবক ফংহনবগী চাং হেঙ্গৎহল্লে।

ঐখোয়না লম্বীশিং অমসুং থোংশিং শাবনা, ঐখোয়না তাউনশিং অমদি খুঙ্গংশিংবু শম্নহনবা খক্তমক নত্তে। ঐখোয়না এচিবমেন্তকা লোয়ননা এস্পিরেসন, ওপ্পোরচুনিতীগী লোয়ননা ওপতিমিজম অমসুং হেপ্পিনেসকা লোয়ননা হোপসু কনেক্ত তৌই।

ঐহাক্কী ৱাশক অসি ঐহাক্কী লৈবাক অসিগী প্রজা পুম্নমকপু চাওখৎহনবনি। ক্যুদা খ্বাইদগী মমৈথংবদা লেপলিবা অদু ঐহাক্কী প্রায়োরিতীনি। ঐহাক্কী সরকারনা ফিসরিজ সেক্তরগীদমক লুপা কোতি ৭,৫০০গী অনৌবা ফন্দ  অমা সেঙ্কসন তৌরে।

আয়ুশ্মান ভারতকী মখাদা ঐখোয়না লায়রবা ইমুং খুদিংদা চহীগী ওইনা লুপা লাখ ৫ ফাওবগী কেশলেস হেল্থ এসুরেন্স ফংহল্লে। হৌজিক ফাওবদা অনাবা লাখ ৮ হেনবনা স্কিম অসিগী কানবা লৌখ্রে। হৌজিক ফাওবদা সরকারনা লুপা কোতি ১,১০০ হেনবা শেনফম সেঙ্কসন তৌখ্রে। কেরলাগী প্রজাশিংনা কানবা ফংবা ঙমজনবা আয়ুশ্মান ভারত স্কিম ইমপ্লিমেন্ত তৌনবা মহাক্না কেরলাগী সরকারদা হায়জরি।

তুরিজম অসি কেরলাগী ইকোনোমিক দিবেলপমেন্তকী হোলমার্কনি অমদি রাজ্যগী ইকোনোমীদী প্রিন্সিপাল কন্ত্রীব্যুতর অমনি। ঐহাক্কী সরকারনা তুরিজম সেক্তরদা অকনবা থবক পায়খৎলি অমদি ফংলক্লিবা মহৈ অদু থোইদোক হেন্দোকপা ওইরি। ৱার্ল্দ ত্রাভেল & তুরিজম কাউন্সিলগী ২০১৮গী রিপোর্ততা পৱার রেঙ্কিংদা হৌজিক ভারত অসি ৩শুবা মফমদা লৈরে।

ৱার্ল্দ ইকোনোমিক ফোরমগী ত্রাভেল এন্দ তুরিজম কম্পিতিতিব ইন্দেক্সতা ভারতকী রেঙ্কিং অসি ৬৫শুবা পোজিসনদগী ৪০শুবা পোজিসন্দা হায়গৎলে।

ভারত্তা থুংলরবা মীরৈবাক্কী লমকোইবা চাদা ৪২ হেঙ্গৎতুনা ২০১৩দা লাখ ৭০ ওইরম্বা অদু ২০১৭তা কোতি ১ ওইরে। তুরিজম্না মরম ওইদুনা ভারতনা তানশিনবা ফোরেন একচেঞ্জ অদু ২০১৩দা বিলিয়ন $ ১৮ দগী ২০১৭তা বিলিয়ন $ ২৭ য়ৌদুনা চাদা ৫০ হেঙ্গৎলে।

ই–ভিজা চৎনহনবা অসি ইন্দিয়ান তুরিজমগীদমক গেম চেঞ্জর অমা ওইরি। মসিগী খুদোংচাবা অসি হৌজিক্তি মালেম পুম্বগী লৈবাক ১৬৬কী প্রজাশিংনা ফংলে।

ঐহাক্কী সরকারনা তুরিস্ত, হেরিতেজ অমসুং রিলিজিয়স দেস্তিনেসনশিংগী অকোয়বদা বেসিক ইনফ্রাস্ত্রকচর শেমগৎনবা ফ্লেগসিপ প্রোগ্রাম অনি হৌদোক্লে– স্বদেশ দর্শন: থিম বেজ তুরিস্ত সর্ক্যুইতশিংগী ইন্তেগ্রেতেদ দিবেলপমেন্ত অমসুং প্রসাদ।

কেরলাগী তুরিজম পোতেন্সিয়েল অদু শকখংলদুনা স্বদেশ দর্শন অমসুং প্রসাদ স্কিমগী মখাদা চাওরাক্না লুপা কোতি ৫৫০গী ওইবা প্রোজেক্ত ৭ ঐখোয়না রাজ্য অসিদা সেঙ্কসন তৌরে।

ঙসি অথেংবদা, ঐহাক্না শ্রী পদ্মানাভস্বামিদা অসিগুম্লবা প্রোজেক্ত অমা শঙ্গাগনি।

থিরুবনন্থাপুরমদা লৈরিবা লাইশং। ঐহাক্না কেরলা অমসুং লৈবাক অসিগী অতোপ্পা শরুকশিংদা লৈরিবা প্রজাশিংগী য়াইফনবা ভগবান পদ্মানাভস্বামিগী মফমদশু থৌনিজগনি।

ঐহাক্না “কোল্লাম কান্দালিল্লামবেন্দা” হায়বা ৱাঙাং–ৱাতা অদু তারে মদুগী আর্থদি কোল্লামদা অমুক্তং লাকপদা কনাগুম্বা অমত্তনা ময়ুম নিংশিংলোয় হায়বনি। চপ মান্নবা ৱাখল্লোন অদু ঐহাকশু ফাওরি।

ঐহাক্না কোল্লাম অমসুং কেরলাগী প্রজাশিংবু মখোয়গী মিনুংশি অমসুং থৌজালগীদমক থাগৎচরি। ঐহাক্না চাওখৎপা অমসুং শক্তি লৈবা কেরলা অমগীদমক থৌনিজরি।

নান্নি, নমস্কারম