ভারতকী প্রধানমন্ত্রী

প্রধান মন্ত্রী কেরলা চৎখ্রে; নেস্নেল হাইৱে–৬৬তা কোল্লাম বাইপাস জাতিদা খুৎশিন্নখ্রে

প্রধান মন্ত্রী শ্রী নরেন্দ্র মোদী ঙসি কেরলাগী কোল্লামদা চৎখ্রে। মহাক্না নেস্নেল হাইৱে–৬৬তা কিলোমীতর ১৩ শাংবা, লেন অনিগী কোল্লাম বাইপাস জাতিদা খুৎশিন্নখ্রে। কেরলাগী রাজ্যপাল শ্রী জস্তিজ পি. সাথাসিবম, কেরলাগী মুখ্য মন্ত্রী শ্রী পিনারায়ি বিজয়ন, তুরিজমগী কেন্দ্র মন্ত্রী শ্রী কে.জে. অলফোন্স অমদি অতোপ্পা শক্নাইরবশিংনা থৌরম অদুদা শরুক য়াখি।

কোল্লামগী অসরামম গ্রাউন্দদা পাংথোকপা মীয়ামগী মীফম অমদা ৱা ঙাংলদুনা প্রধান মন্ত্রী মোদীনা হায়খি মদুদি ইনফ্রাস্ত্রকচর দিবেলপমেন্ত অসি মহাক্কী সরকারগী প্রায়োরিতী ওইরি অমদি কোল্লাম বাইপাস অসি মদুগী খুদম অমনি।

মহাক্না অচুম্বা অদু ফোংদোকখি মদুদি প্রোজেক্ত অসিগী অরোইবা সেঙ্কসন অদু ২০১৫গী জনুৱারি থাদা ফংখি অমদি হৌজিক নুমীৎ অদুগী মঙাল অদু উবা ফংলে। প্রধান মন্ত্রীনা হায়খি মদুদি মহাক্কী সরকারনা মীচম প্রজাগী পুন্সী মহিং লাইথোকহন্নবগীদমক সবকা সাথ সবকা বিকাসতা থাজবা থম্লি অমদি প্রোজেক্ত অসি মপুং ফাহনবদা কেরলা সরকারগী মতেং অমদি থৌদাং অদু থাগৎপা ফোংদোকখি। কোল্লাম বাইপাসনা অলাপ্পুঝা অমসুং থিরুবনন্থাপুরমগী মরক্তা চত্থোক চৎশিনগী মতম হন্থহল্লগনি অমদি কোল্লম তাউন্দা ত্রাফিক চিনবা হন্থহল্লগনি।

কেরলাদা পায়খৎলিবা প্রোজেক্তশিংগী মতাংদা ঙাংলদুনা প্রধান মন্ত্রীনা হায়খি মদুদি ২০১৪গী মে থাদগী কেরলাদা চাওরাক্না কিলোমীতর ৫০০গী নেস্নেল হায়ৱে হাপচিনলে। ভারত মালাগী মখাদা মুম্বাই–কন্যাকুমারি কোরিদোরগীদমক প্রোজেক্ত রিপোর্ত অমা শেম শাবগী থবক চত্থরি হায়না মহাক্না মখা তাখি।

প্রোজেক্ত পুম্নমক মতম চানা শোয়দনা লোইশিন্নবা সরকার অসিনা ৱাশক্লি হায়না প্রধান মন্ত্রীনা ফোংদোকখি। প্রগতিগী থোংদা লুপা কোতি লাখ ১২গী মমল ওইবা প্রোজেক্ত ২৫০ হেন্না রিভ্যু তৌরে হায়না মহাক্না ফোংদোকখি।

রোদ কনেক্তিবিতীদা লৈরিবা প্রোগ্রেস অদু পল্লদুনা প্রধান মন্ত্রীনা হায়খি মদুদি মমাংগী সরকারগা য়েংনবদা নেস্নেল হায়ৱেশিং অমসুং খুঙ্গংগী লম্বীশিং শেমগৎ শাগৎপগী খোংজেল শরুক অনি ওইরে। মমাংগী সরকারগী মতমদা চাদা ৫৬ খক্তমক ওইখিবা অদুগা চাংদম্নরুবদা ঙসিদি রুরেল হেবিতেসনশিং চাদা ৯০ হেন্না শম্ননহল্লে। মহাক্না থাজবা থমখি মদুদি রুরেল রোদ কনেক্তিবিতী চাদা ১০০ ওইহন্নবা পান্দম অদু অথুবা মতমদা সরকার অসিনা য়ৌবা ঙম্লগনি। রিজনেল এয়ার কনেক্তিবিতী অমসুং রেলৱে লাইনশিং এক্সপান তৌবনা থবক ফংহন্নবগী মচাক ওইরে। প্রধান মন্ত্রীনা হায়খি, “ঐখোয়না লম্বীশিং অমসুং থোংশিং শাবনা, ঐখোয়না তাউনশিং অমদি খুঙ্গংশিংবু শম্নহনবা খক্তমক নত্তে। ঐখোয়না এচিবমেন্তকা লোয়ননা এস্পিরেসন, ওপ্পোরচুনিতীগী লোয়ননা ওপতিমিজম অমসুং হেপ্পিনেসকা লোয়ননা হোপসু কনেক্ত তৌই।”

আয়ুশ্মান ভারতকী মতাংদা মহাক্না হায়খি মদুদি, স্কিম অসিগী মখাদা অনাবা লাখ ৮দা কানবা ফংহনখ্রে অমদি স্কিম অসিগীদমক সরকারনা হৌজিক ফাওবদা লুপা কোতি ১১০০ হেন্না কায়থোকখ্রে। কেরলাগী প্রজাশিংনা কানবা ফংবা ঙমজনবা আয়ুশ্মান ভারত স্কিম ইমপ্লিমেন্ত তৌনবা মহাক্না কেরলাগী সরকারদা তকশিনখি।

প্রধান মন্ত্রী শ্রী নরেন্দ্র মোদীনা হায়খি মদুদি, তুরিজম অসি কেরলাগী ইকোনোমিক দিবেলপমেন্তকী হোলমার্কনি অমদি রাজ্যগী ইকোনোমীদী প্রিন্সিপাল কন্ত্রীব্যুতর অমনি। কেরলাগী তুরিজম পোতেন্সিয়েল অদু শকখংলদুনা সরকারনা লুপা কোতি ৫৫০গী ফন্দগা লোয়ননা স্বদেস দর্শন অমসুং প্রসাদ স্কিমশিংগী মখাদা রাজ্য অসিদা প্রোজেক্ত ৭ সেঙ্কসন তৌরে হায়না মহাক্না মখা তাখি।

তুরিজম সেক্তরগী মরুওইবা অদুদা ঙাংলদুনা সেক্তর অসিদা রিমার্কেবল ওইবা মওংদা চাওখৎলক্লিবা অদু প্রধান মন্ত্রীনা পনখি। ২০১৬তা মালেমনা চাদা ৭ হেঙ্গৎপা মতমদা ভারতনা তুরিজম সেক্তরদা চাদা ১৪ হেনবগী গ্রোথ অমা লৈখি। ৱার্ল্দ ত্রাভেল & তুরিজম কাউন্সিলগী ২০১৮গী রিপোর্ততা পৱার রেঙ্কিংদা হৌজিক ভারত অসি ৩শুবা মফমদা লৈরে হায়না মহাক্না মখা তাখি। ভারত্তা থুংলরবা মীরৈবাক্কী লমকোইবা চাদা ৪২ হেঙ্গৎতুনা ২০১৩দা লাখ ৭০ ওইরম্বা অদু ২০১৭তা কোতি ১ ওইরে। তুরিজম্না মরম ওইদুনা ভারতনা তানশিনবা ফোরেন একচেঞ্জ অদু ২০১৩দা বিলিয়ন $ ১৮ দগী ২০১৭তা বিলিয়ন $ ২৭ য়ৌদুনা চাদা ৫০ হেঙ্গৎলে। ইন্দিয়ান তুরিজমগীদমক গেম চেঞ্জর অমগুম ই–ভিজা চৎনহল্লিবা অদু মহাক্না ফোংদোকখি হৌজিক্তি মদু লৈবাক ১৬৬কী মীওইশিংনা ফংবা ঙম্লে।