ভারতকী প্রধানমন্ত্রী

গুরু গোবিন্দ সিংহ জীগী মপোক থৌরম নিংশিংনবগী ওইবা লুপা ৩৫০গী কোইন অমা ঙসি প্রধান মন্ত্রী শ্রী নরেন্দ্র মোদীনা লৈবাক্কী কোনুংদা রিলিজ তৌখ্রে। মহাক্না গুরু গোবিন্দ সিংহ জীগী থাক ৱাংলবা ফিদম্নফম অমসুং গুনশিং অদু থাগৎপা ফোংদোকখি।

গুরু গোবিন্দ সিংহ জীগী মপোক থৌরম নিংশিংনবগী ওইবা কোইন রিলিজ তৌরবা মতুংদা প্রধান মন্ত্রীনা মহাক্কী লৈফম, ৭ লোক কায়ান মার্গতা অখন্নবা উনবা অমদা ৱা ঙাংখি। শ্রী মোদীনা হায়খি মদুদি গুরু গোবিন্দ সিংহ জী অসি অথোইবা লান্মী, ফিলোসোফর পোইত অমসুং গুরু অমা ওইরম্মি। মহাকক্না মীওৎ শাসন অমসুং মীচং মীখায় নায়বগী মাকোক্তা লান্থেংনখি। প্রজাশিংদা মহাক্না তাকপী তম্বীরম্বশিং অদু ধর্ম অমসুং কাস্তগী অথিংবা অদু থুগায়বদা মীৎয়েং থমলম্মি।

প্রধান মন্ত্রীনা হায়খি মদুদি গুরু গোবিন্দ সিংহ জী, মহাক্কী মগুনশিং অমসুং তাকপি তম্বিরম্বশিং অদু মখা তানা ইন্সপিরেসনগী সোর্স ওইরগনি অমসুং লাক্কদৌরিবা চহীশিংদা মীওইবা জাতিবু লমজিং লমতাকপীগনি। নিংশিংনিঙাই ওইরবা কোইন অসি মফমদা ঐখোয়না ইকায় খুম্নবা উৎচবগী পিকখ্রবা থৌদাং অমনি। মদুদি গুরু গোবিন্দ সিংহ জী মহারাজনা উৎপীরম্বা পোইন্ত ১১গী লম্বী অদুদা চৎনবা মহাক্না প্রজাশিংগী মফমদা অকনবা ৱাফম থমখি।

থৌরম অসিদা প্রধান মন্ত্রীনা জাতিদা লোহরিগী য়াইফ পাওজেল পীখি।

মমাংদা প্রধান মন্ত্রীনা ২০১৮গী দিসেম্বর তাং ৩০দা শন্দোকখিবা মহাক্কী থাগী পাংথোকপা মনকী বাত রেদিও প্রোগ্রামদা লৈবাক অসিগী প্রজাশিংবু গুরু গোবিন্দ সিংহ জীনা তাকপীরম্বা ভক্তি অমসুং কত্থোকপগী লম্বীদা চৎনবা অকনবা ৱাফম থমখি। প্রধান মন্ত্রী শ্রী নরেন্দ্র মোদীনা ২০১৭কী জনুৱারি মঙাদা পতনাদা শ্রী গুরু গোবিন্দ সিংহ মহারাজকী ৩৫০শুবা মপোক কুমওন শরুক য়াখি। থৌরম অদু নিংশিংনবা নিংশিংনিঙাই ওইবা পোস্তেল স্তাম্প অমা মহাক্না রিলিজ তৌখি। ২০১৬কী ওগস্ত ১৫দা লাল কিলাদগী পীখিবা মহাক্কী ইন্দিপেন্দেন্স দেগী পাওজেল অমসুং ২০১৬কী ওক্তোবর ১৮দা পাংথোকখিবা লুধিয়ানা নেস্নেল এম.এস.এম.ই. এৱার্দস সেরেমোনীদা শ্রী মোদীনা শ্রী গুরু গোবিন্দ সিংহ জীগী থাক ৱাংলবা ফিদম্নফম অমসুং গুনশিং অদু নৌহৌনা নিংশিংখি।