ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অঙাংশিংগী মথক্তা সেক্সকী মীওৎ-মীনৈ চৎথবশিংদা অকন্নবা চৈরাক পীনবা পান্দমদা প্রোতেক্সন ওফ চিন্দ্রেল ফোর্ম সেক্সুয়েল ওফেন্সেস (পোক্সো) এক্ত, ২০১২ শেমদোকপা য়ারে।

চাউরাকপা শক্তমশিং :

i. পোক্সো এক্ত, ২০১২ অসিনা অঙাংশিং সেক্সকী মীওৎ-মীনৈ, পোর্নোগ্রাফিদগী ঙাকথোকপা ঙমগনি। এক্ত অসিনা অঙাং অমা হায়বসি চহি ১৮গী মখা লৈবা মীওই অমা হেক্ত খংনরি অমসুং মখোয়গী হকচাং, ৱাখল, ইন্তেলেকচুয়েল অমসুং খুন্নাইগী চাউখৎপা মরুওইবা থবকশিং পায়খৎনবা খঙহল্লি । মসিগী এক্ত অসিদা নুপা অমসুং নুপী অনিমক চপ মান্নৈ ।

ii. পোক্সোএক্ত, ২০১২ গী সেক্সন-৪, সেক্সন-৫, সেক্সন-৬, সেক্সন-৯, সেক্সন-১৪, সেক্সন-১৫ অমসুং সেক্সন-৪২ শেমদোক্তুনা অঙাংশিংগী মথক্ত সেক্সকী ক্রাইম চৎথবদা ফজনা য়েংশিল্লি । শেমদোরক্লিবা অসি লৈবাক অসিদা অঙাংশিংগী মথক্ত সেক্সকী মীওৎ-মীনৈ চৎথবা হেনগৎলক্লিবা অসি থিংনবনি ।

iii. সেক্সন-৪, সেক্সন-৫ অমসুং সেক্সন-৬ শেমদোকতুনা অঙাংশিংগী মথক্ত সেক্সকী মীওৎ-মীনৈ চৎথবা থিংনবা অঙাং অমদা পেনেত্রেতিপ সেক্সগী থবক চৎথবা মীওইশিং শিবগী চৈরাক য়াওনা অকনবা চৈরাক পীনবা ৱাফম য়াওরি ।

iv. সেক্সন-৯ শেমদোক্লিবা অসিদা মহৌশাগী অমাং-অতা থোরকপা মতমদা অঙাংশিংগী মথক্ত সেক্সকী মীওৎ-মীনৈ চৎথবা ঙাকথোকপা ঙমহনগনি অমসুং পেনেত্রেতিপ সেক্সগী থবক চৎথনবা অঙাংশিংদা মওং অমদা হেক্ত হোর্মোন নৎত্রগা হিদাক অমা হেক্ত সেক্সকী মপুং-মরৈ ফানবা কাপশিনবা থিংবা ঙমগনি ।

v. পোক্সোএক্ত, ২০১২গী সেক্সন-১৪ অমসুং সেক্সন-১৫ শেমদোকপা অসিদা চাইল্ড পোর্নোগ্রাফি থিংনবা ৱাফম য়াওরি ।অঙাং অমা চেন্নবা পোর্নোগ্রাফিক্কী মচাকশিং মাংহন্দবগী , মুথৎতবগী নৎত্রগা পাউ পীদবগী ফাইন লৌবগী ৱাফম মসিদা য়াওরি । কোর্ততা প্রমান ওইনবা শীজিন্ননবা নত্তনা কনাগুম্বা মীওই অমনা অসিগুম্বা মচাকশিং অসি থাদোকপা/শন্দোকপা/এদমিনিস্ত্রেতিং তৌরবা থেংনরবদি মীওই অদু জেলদা থম্বা য়াওনা চৈরাক পীবা য়াই ।শেন তান্নবা মওংদা অঙাংশিং য়াওবা পোর্নোগ্রাফিক্কী মচাকশিং থমজিনবা/শীজিন্নবশিং অকনবা আইনগী চৈরাক পীবগী ৱাফম য়াওরি ।

কান্নবশিং :

শেমদোকপা অসিনা এক্ত অসিদা অকনবা চৈরাক পীবগী প্রোবিজনশিং য়াওহন্দুনা অঙাংশিংগী মথক্ত সেক্সকী মীওৎ-মীনৈ চৎথবা থিংনবা ঙমগনি । মসিনা খুদোংথিনিংঙাই ওইরবা অঙাংশিং ঙাক-শেনবা ঙমগনি । শেমদোকপা অসিনা অঙাংশিং মীওৎ-মীনৈ চৎথবা অমসুং মদুগী চৈরাক্কী মতাংদা চপ-চাবা মশক অমা উৎপা ঙম্লগনি ।