ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ইন্দিয়ন ইন্সতিত্যুৎ ওফ সাইন্স এজুকেসন এন্দ রিসর্স (আই.আই.এস.ই.আর.)গী অনৌবা কেম্পস অনি তিরুপতী (অন্ধ্র প্রদেশ) অমসুং বরহম্পর (উরিশা)দা লিংখৎপা অমসুং থবক তৌবা য়ারে। মসিগী চংগদবা অপুনা শেনফম্না লুপা ক্রোর ৩০৭৪.১২ (নন-রিকরিং: লুপা ক্রোর ২৩৬৬.৪৮ অমসুং রিকরিং: ক্রোর ৭০৭.৬৪)নি।

আই.আই.এস.ই.আর. অমমমগী ৭শুবা পে কম্মিসনগী লেবেল ১৪দা রেজিস্তারগী ফম অনি হাপ্পা মন্ত্রীমন্দলনা অয়াবা পীখি।

অকুপ্পা ৱারোলশিং:

• অপুনবা চংগদবা শেনফম অসি লুপা ক্রোর ৩০৭৪.১২নি, মসিগী মনুংদা লুপা ক্রোর ২৩৬৬.৪৮না ইন্সতিত্যুৎশিং অসিগী লেংদ্রবা কেম্পসশিং শাবা শীজিন্নগনি, অকুপ্পা মখাগী অসিনি:

• আই আই এস ই আর অনিমক স্ক্ব্যার মীতর ১,১৭,০০০ পাক-চাউবা মফমদা শাগনি অমসুং আই আই এস ই আর অমমমদা মহৈরোই ১৮৫৫গী খুদোংচাবশিং লৈগনি।

• ২০২১গী দিসেম্বর ফাওবগী মনুংদা হায়রিবা ইন্সতিত্যুৎশিং অসিগী লেংদ্রবা কেম্পসশিং শাবা লোইশিনগনি।

কান্নবশিং:

আই আই এস ই আরশিং অসিনা অন্দর-গ্রেজুয়েৎ, পোস্ত-গ্রেজুয়েৎ, পি ঐচ দিশিং অমসুং ইন্তেগ্রেতেদ পি ঐচ দিশিংগী থাক্তা অৱাংবা থাক্কী মগুন লৈবা সাইন্স এজুকেসন ফংহনগনি। সাইন্সকী হিরম কয়াদা মখোয়না রিসর্সকী থবক তৌগনি। মখোয়না সাইন্সকী লমদা খ্বাইগী ফবা ফেকল্তী লৌদুনা ভারত অসি নোলেজ ইকনোমী অমা শেমগৎনবা শেম-শাগনি অমসুং ভারতকী সাইন্সকী মেনপৱার শেমগৎকনি।

নুংগী ৱারোল:

২০১৫দা আই আই এস ই আর তিরুপাতী অসি অন্ধ্র প্রদেশ রিওর্গনাইজেসন এক্ত, ২০১৪গী মখাদা লিংখৎখিবনি অদুগা আই আই এস ই আর, বরহম্পুরনা ২০১৬তা কেন্দ্রগী শেন-থুম মন্ত্রীনা মহাক্কী বজেৎ ২০১৫গী ৱারোলদা লাউথোকখিবদগী লিংখৎপনি। হায়রিবা ইন্সতিত্যুৎশিং অসি হৌজিক ত্রান্সিৎ কেম্পসশিংদগী মথৌ তৌরি।