ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা শেনবা চহি ২০১৭-১৮গী ওইনা নন-গেজেতেদ রেলৱেজ ইম্প্লোয়ীশিংদা নুমিৎ ৭৮গী খুৎশুমলগা মান্নবা বোনস পীবা য়ারে। মসিদা আর পি এফ/এস আর পি এফ পর্সোনেলশিং য়াওদে। রেলৱেজগী শিন্মীশিংদা নুমিৎ ৭৮গী পি এল বি পীগদৌরিবা অসিদা লুপা ক্রোর ২০৪৪.৩১ রোম চংগনি। নন-গেজেতেদ রেলৱেজ ইম্প্লোয়ীশিংদা পি এল বি পীনবা খুৎশুমল খোৎলিবসি থাদা লুপা ৭০০০গী চাংদনি। নুমিৎ ৭৮গী ওইনা বোনস ফংবা য়ারবা ইম্প্লোয়ী অমনা ফংগদৌরিবা অসি লুপা ১৭,৯৫১নি। চাউরাক্না রেলৱেজগী নন-গেজেতেদ ইম্প্লোয়ী লাখ ১১.৯১ মসিগী কান্নবা ফংলবা য়ারি।

রেলৱেজগী প্রদক্তিবিতী লিঙ্ক বোনস অসিনা লৈবাক অসিদা লৈরিবা রেলৱেজগী নন-গেজেতেদ ইম্প্লোয়ী (আর পি এফ/এস আর পি এফ পর্সোনেলশিং য়াওদে) কোনশিনগনি। চহি খুদিংগী দসেরা/দুর্গা পুজা মমাংদা রেলৱেজগী ইম্প্লোয়ীশিংদা পি এল বি পীগনি। মন্ত্রীমন্দলগী ৱারেপ অসি চহি অসিগী ওইনা কুম্মৈ মমাংদা পীগনি। ২০১৭-১৮গী ওইনা নুমিৎ ৭৮গী পি এল বি অসি রেলৱেজগী ফিবম ফগৎনবা ইম্প্লোয়ীশিংগী পুক্নীং থৌগৎনবা পীগদবনি।

নুংগী ওইবা ৱারোল :

২৯৭৯-৮০দা পি এল বি হৌদোকতুনা রেলৱেজ অসিগী সরকারগী মখাদা লৈবা অহানবা বিভাগনি। মতম অদুদা ইকনোমি ফগৎনবা হোৎনবদা রেলৱেজনা লৌরিবা মরুওইবা থৌদাং অদু মরুওইনা খন্নখি। রেলৱেজগী থবক অসি য়েংলগা পি এল বি অসি ‘পেমেন্ত ওফফ বোনস এক্ত -১৯৬৫গী ৱাখল্লোনগী মায়োক্তা হৌদোরকপনি।