पीएम्इंडिया

पंतप्रधान नरेंद्र मोदी यांनी भारत रत्न आणि माजी पंतप्रधान अटल बिहारी वाजपेयी यांना त्यांच्या 91व्या जन्मदिनानिमित्त शुभेच्छा दिल्या आहेत.

आपल्या संदेशात पंतप्रधानांनी सांगितले की आम्हां सर्वांना प्रिय असणाऱ्या अटलजींना जन्मदिनाच्या शुभेच्छा. संकट समयी भारताला विलक्षण नेतृत्व बहाल करणाऱ्या अटलजींना आम्ही वंदन करतो. पक्षात नेत्याची भूमिका आसो वा खासदाराची, मंत्र्याची भूमिका असो वा पंतप्रधानाची, अटलजींनी प्रत्येक भूमिकेत स्वत:ला सिद्ध केले आहे. हे त्यांचे वैशिष्ट्य आहे. आज संध्याकाळी दिल्लीत पोहोचताच आपण अटलजींच्या निवासस्थानी जाऊन त्यांना व्यक्तिश: जन्मदिनाच्या शुभेच्छा देणार असल्याचे पंतप्रधानांनी सांगितले.

“अभ्युदय” या साप्ताहिकात १९४६ साली प्रकाशित, अटल बिहारी वाजपेयी यांची एक कविता, पंतप्रधान मोदी यांनी आपल्या ट्विटर पृष्ठावर प्रसिद्ध केली आहे.