ভারতকী প্রধানমন্ত্রী

ঙসি প্রধান মন্ত্রী নরেন্দ্র মোদীনা দেহরাদুন্দা দেস্তিনেসন উত্তরাখান্দ: ইনভেস্তর সম্মিৎ ২০১৮দা ৱা ঙাংখ্রে।

মহাক্না হায়খি মদুদি ভারত অসি য়াম্না য়াংনা অওনবা পুরক্লি। লাক্কদৌরিবা চহিশিংদা মালেমগী চাউখৎপদা ভারতনা অচৌবা ইঞ্জিন অমা ওইগনি হায়বসি মীয়াম্না পাকশন্না য়ানরবা ৱাফম অমনি। ভারত্তা হৌজিক ওইরিবা শেন–থুমগী অওনবগী খোঙজেল অমসুং পাকচাউবা অসি মমাংদা অমুক্তা ওইখিদ্রি। ললোন–ইতিক তৌবদা লাইবগী রেঙ্কিংদা ভারত অসি ৪২সুবা রেঙ্কতা লৈরে। তেক্স লৌবগী মওংদা অওনবা কয়া পুরক্লে। ইন্সোলভেন্সী অমসুং বেঙ্করপসী কোদনা ললোন–ইতিক তৌবদা নুংঙাইহল্লে।

প্রধান মন্ত্রীনা হায়খি, জি এস তি চৎনবা অসি নীংতম্বা মতুংদগী খ্বাইদগী চাউবা তেক্সকী অওনবনি। মসিনা লৈবাক অসি কৈথেল অমখক ওইহল্লে অমসুং তেক্স খোমগৎপা হেনগৎলে।  

প্রধান মন্ত্রীনা হায়খি, ইনফ্রাস্ত্রকচর সেক্তর অসি য়াংনা চাউখৎলক্লি। লম্বী শেম্বা, রেলৱে লাইন শেম্বা, অনৌবা মেত্রো সিস্তেম, অয়াংবা রেল প্রোজেক্ত অমসুং দিদিকেতেদ ফ্রাইত কোরিদোরশিং পায়খৎলে। এভিয়েসন সেক্তর, য়ুম শাবা, মৈ, অনানবা ইনর্জী, হকশেল, বেঙ্কিংগী লমদা চাউখৎলক্লিবশিং প্রধান মন্ত্রীনা পনখি। মহাক্না হায়খি, হন্দক হৌদোকখিবা অয়ুশ্মান ভারত স্কিম্না তয়র ২ অমসুং তয়র ৩গী শহরশিংদা মেদিকেলগী মচাক-মথূম চাউখৎহল্লগনি।

প্রধান মন্ত্রীনা হায়খি, অনৌবা ভারত অসি শেন থাদরক্নবগী অচৌবা মফম অমনি অমসুং দেস্তিনেসন উত্তরাখান্দ অসিনা মসিগী মহুৎশিল্লি। রাজ্য অসিদা ইনভেস্তরশিংগী য়াইফনবা থবক কয়া পায়খৎলি। রাজ্য অসিদা চার-ধামশিংদা চহি চুপ্পা শীজিন্নবা য়াবা প্রোজেক্ত অমসুং রিসিকেস-কর্নপ্রয়াগ রেলৱে লাইন প্রোজেক্ত য়াউনা লম্বী-থোংগী প্রোজেক্ত কয়া পায়খৎলে। রাজ্য অসিদা লৈরিবা তুরিজমগী খুদোংচাবশিং প্রধান মন্ত্রীনা পনখি।

চানবা পোৎলমশিং শেম-শাবা অমসুং রিন্যুএবল ইনর্জী সেক্তরদা পায়খৎলিবা থবকশিং প্রধান মন্ত্রীনা পনখি। মেক ইন ইন্দিয়াগী মাইপাকপশিং প্রধান মন্ত্রীনা পনখি।