ভারতকী প্রধানমন্ত্রী

২০১৮গী সেপ্তেম্বর ২৩দা ঝারখন্দগী রাঞ্চীদা প্রধান মন্ত্রী নরেন্দ্র মোদীনা প্রধান মন্ত্রী জন আরোগ্য য়োজনা হৌদোক্কনি। স্কিম অসিগী মখাদা ইমুং ক্রোর ১০ হেনবদা চহি অমদা লুপা লাখ ৫গী হেল্থ ইন্সুরেন্স পীগনি।

প্রধান মন্ত্রীনা পি এম জে এ ৱাইগী একজিবিসন অমা য়েংগনি। বেনিফিসরীশিং মশক খঙদোকপা অমসুং ই-কার্দ শেম্বগী থবকশিংদা প্রধান মন্ত্রী শরুক য়াগনি।

থৌরম অদুদা প্রধান মন্ত্রীনা চাইবাসা অমসুং কোদরমাদা মেদিকেল কোলজেশিং শানবগী উরেপ-উয়ুং তমগনি। মহাক্না হেল্থ অমসুং ৱেলনেস সেন্তর ১০ হাংদোক্কনি। সিক্কিমগী গেংতোক্কীদমক মফম অদু থাদোকত্রিঙৈদা মহাক্না মীয়ামদা ৱা ঙাংগনি।

সেপ্তেম্বর ২৪দা, প্রধান মন্ত্রীনা পাক্যোং এয়রপোর্ত শঙ্গাগনি, মসিনা সিক্কিম অসি ভারতকী এভিয়েসন মেপ্তা য়াউরগনি। এয়রপোর্ত অসিনা হিমলায়াগী রাজ্য অসিগী চৎথোক-চৎশিনগী থবক ফগৎহল্লগনি অমসুং তুরিজম চাউখৎহল্লগনি। প্রধান মন্ত্রীনা পাক্যোং এয়রপোর্ত্তা থুংলবদা এয়রপোর্ত অমসুং তরমিনেল বিল্দিংগী মরমদা পাউদমগনি। মহাক্না পাক্যোং এয়রপোর্ত হাংদোকপগী প্লেগ অমা মাইখুম হাংদোক্কনি। তুংদা মহাক্না মীয়ামদা ৱা ঙাংগনি।