ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা জম্মু অমসুং কশ্মীরগীদমক্তা দীন দয়াল অন্তোদয়া য়োজনা – নেস্নেল রুরেল লাইবলিহুদ মিশন (দি.এ.ৱাই. – এন.আর.এল.এম.)গী মখাদা অখন্নবা পেকেজ চৎনহন্নবগীদমক ২০১৮-১৯গী মনুংদা চহি অমগী ওইনা মতম শাংদোকহনবদা অয়াবা পীখ্রে।

মন্ত্রীমন্দলনা অখন্নবা পেকেজ হৌদোক্নবা দি.এ.ৱাই. – এন.আর.এল.এম.গী মখাদা রাজ্যদা মথৌ তাবা মতুং ইন্না প্রোবর্তী রেসিওগা শম্নরুবা তৌদনা ফন্দ কাইথোকপগীসু অয়াবা পীখ্রে। মসিদা অহেনবা ফাইনান্সিয়েলগী ওইবা পোৎলুম অমত্তা লৈরোই মরমদি মপুং ওইনা অয়াবা পীরবা লুপা ক্রোর ৭৫৫.৩২গী ফাইনান্সিয়েল আউৎলেগী মনুংদা রাজ্যদা লাইরবা ইমুং শরুক অহুমগী মনুংদা শরুক অনি কোনশিন্নবগীদমক্তা অকক্নবা মতম অদু শাংদোকপগী অয়াবা পীখ্রে। ২০১৮-১৯গী মনুংদা চহি অমগী ওইনা লুপা ক্রোর ১৪৩.৬০৪গী শেনফমগী মথৌ তাগনি।

য়ুম্ফমঃ

রাজ্যদা মরম খরদগী অমদি করিগুম্বা অপনবা খরদগী মে, ২০১৩দা অয়াবা পীখ্রবা অখন্নবা পেকেজ অসি মপুং ফানা চৎনহনবা ঙমখিদে। হৌজিক রাজ্য সরকারনা ভারত সরকারদা হান্ননা অয়াবা পীখ্রবা অখন্নবা পেকেজ অদু চৎনহন্নবগী অপীবা মতম অদু শাংদোকহনবা অমদি জম্মু-কশ্মীরদা শাংদোক্লবা মতমগী মনুংদা প্রোবর্তী রেসিওগী মরি লৈনহন্দনা মথৌ তাবা মতুং ইন্না দি.এ.ৱাই.-এন.আর.এল.এম.গী মখাদা ফন্দ থাদবা মখা চৎথবদা খন্নবীনবা হায়জরকখি। মতৌ অসুম্না মন্ত্রীমন্দলগী অয়াবা অসিনা জম্মু অমসুং কশ্মীরগী খুঙ্গংগী ইমুংশিংদা ইনোৎ পীরগনি।