ভারতকী প্রধানমন্ত্রী

য়ুনাইতেদ নেসন্স জেনরেল এসেমব্লীগী খল্লবা প্রসিদেন্ত সুশ্রী মারিয়া ফর্নান্দা এস্পিনোসা গার্সেসনা ঙসি প্রধান মন্ত্রী শ্রী নরেন্দ্র মোদীগা উনখ্রে।

প্রধান মন্ত্রীনা ৭৩শুবা য়ুনাইতেদ নেসন্স জেনরেল এসেমব্লীগী প্রসিদেন্ত ওইনা খল্লকপদা সুশ্রী এস্পিনোসাদা নুংঙাইবা ফোংদোকখ্রে। সুশ্রী এস্পিনোসানা য়ুনাইতেদ নেসন্স জেনরেল এসেমব্লীগী লাক্কদৌরিবা সেসনগীদমক্তা মহাক্না পাইখৎকদবা মরু ওইবা থৌরাংশিংগী মতাংদা ফোংদোকখি। প্রধান মন্ত্রীনা মহাকপু মহাক্কী অনৌবা থৌদাং পাংথোকপদা ভারতকী মাইকৈদগী মপুং ফানা অমদি মশক থোকপা তেংবাং পীগনি হায়না থাজবা থমখি।

মখোয়না তেরোরিজম, য়ুনাইতেদ নেসন্দা শেমদোক-শেমজিন তৌবা অমসুং ক্লাইমেৎ চেঞ্জ য়াওনা মরু ওইবা মালেমগী শিংনবশিংগী মতাংদা য়ুনাইতেদ নেসন্সকী মাইকৈদগী অকনবা থবক পাইখৎপগী মথৌ তাবশিং অদুদা খন্ন-নৈনখি।