ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ଶ୍ରମ ଏବଂ ରୋଜଗାର ମନ୍ତ୍ରଣାଳୟ ଅଧୀନ କରମା, ଝାଡ଼ଖଣ୍ଡର କେନ୍ଦ୍ରୀୟ ହସପିଟାଲକୁ ତାହାର ଜମି ଏବଂ କୋଠା ସହିତ ନିଃଶୁଳ୍କ ଝାଡ଼ଖଣ୍ଡ ସରକାରଙ୍କୁ ହସ୍ତାନ୍ତର କରିବା ପ୍ରସ୍ତାବକୁ ମଞ୍ଜୁରି ଦେଇଛନ୍ତି । ମେଡ଼ିକାଲ କଲେଜର ପ୍ରତିଷ୍ଠା ସମ୍ବନ୍ଧୀୟ କେନ୍ଦ୍ର ଦ୍ୱାରା ପ୍ରାୟୋଜିତ ଯୋଜନା (ସିଏସଏସ) ଅନ୍ତର୍ଗତ ଏକ ନୂଆ ମେଡ଼ିକାଲ କଲେଜ ପ୍ରତିଷ୍ଠା କରିବା ଏହାର ଉଦ୍ଦେଶ୍ୟ । ଏହା ବର୍ତ୍ତମାନର ଜିଲ୍ଲା/ରେଫେରାଲ ହସପିଟାଲ ସହ ଜଡ଼ିତ ହେବ ଏବଂ ଏହି ଅଂଚଳର ଲୋକମାନଙ୍କ ସ୍ୱାସ୍ଥ୍ୟ ଆବଶ୍ୟକତାକୁ ପୂରଣ କରିବ ।

କେନ୍ଦ୍ରୀୟ ଡାକ୍ତରଖାନାକୁ ଏହାର ଜମି ଏବଂ କୋଠା ସହିତ ତିନି ମାସ ମଧ୍ୟରେ ଝାଡ଼ଖଣ୍ଡ ସରକାରଙ୍କୁ ସ୍ଥାନାନ୍ତର କରାଯିବ । କର୍ମଚାରୀମାନଙ୍କ ସ୍ଥାନାନ୍ତରଣ/ସମାଯୋଜନା ଆଦି ସହିତ ଅନ୍ୟ ପ୍ରସଙ୍ଗକୁ ଧ୍ୟାନରେ ରଖି ଶ୍ରମ ଏବଂ ରୋଜଗାର ମନ୍ତ୍ରଣାଳୟ ଏବଂ ରାଜ୍ୟ ସରକାରଙ୍କ ମଧ୍ୟରେ ଏକ ବୁଝାମଣାପତ୍ର ସ୍ୱାକ୍ଷରିତ ହେବ ।

ପ୍ରମୁଖ ପ୍ରଭାବ : ଏହି ପ୍ରସ୍ତାବ ଦ୍ୱାରା ଦେଶରେ ପ୍ରତିବର୍ଷ ଶିକ୍ଷା ଲାଭ କରୁଥିବା ଡାକ୍ତରଙ୍କ ସଂଖ୍ୟାରେ ବୃଦ୍ଧି ଘଟିବ । ଯଦ୍ଦ୍ୱାରା ଏହି କ୍ଷେତ୍ରରେ ସାଧାରଣ ଲୋକମାନଙ୍କୁ ଉପଲବ୍ଧ ହେଉଥିବା ସ୍ୱାସ୍ଥ୍ୟ ସେବା ଭିତ୍ତିଭୂମିରେ ସୁଧାର ଆସିବାରେ ସହାୟତା ମିଳିପାରିବ ।

ହିତାଧିକାରୀ

ଏହାଦ୍ୱାରା କରମା, ଝାଡ଼ଖଣ୍ଡରେ ବସବାସ କରୁଥିବା ଏବଂ ଆଖପାଖର ଲୋକମାନଙ୍କୁ ଉତ୍ତମ ସ୍ୱାସ୍ଥ୍ୟ ସୁବିଧା ମିଳିପାରିବ ।

**********