ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা লেবর ৱেলফেয়র ওর্গনাইজেসনগী মখাদা লৈবা করমা, ঝারখন্দগী সেন্ত্রেল হোস্পিতালবু মসিগী লম অমসুং শঙলেনশিং য়াওনা মমল লৌদনা সরকারদা পিথোকপদা অয়াবা পীখ্রে। মসিগী পান্দম অসি মেদিকেল কোলেজ লিংখৎপগা মরি লৈননা কেন্দ্রনা পুথোকপা স্কিম (সি.এস.এস.)গী মখাদা অনৌবা মেদিকেল কোলেজ অমা শাবনি। মসিনা লৈরিবা দিস্ত্রিক্ত/রেফরেল হোস্পিতালশিংগা মরি লৈনগনি অমসুং লমদম অসিগী মীয়ামগী হকশেলগী মথৌ তাবশিং মপুং ফাহনগনি।

থবক পাইখৎকদবা লালোং অমসুং পান্দমঃ

কেন্দ্রগী হোস্পিতাল অসি মসিগী লম অমসুং শঙলেনশিংগা লোইননা থা অহুমগী মনুংদা ঝারখন্দ সরকারদা শিন্নখ্রগনি। স্তাফ ত্রান্সফর/এবজোর্পসন্নচিংবা য়াওনা অতৈ হিরমশিংদা মীৎয়েং থমদুনা লেবর অমসুং ইমপ্লোইমেন্ত মন্ত্রালয় অমসুং রাজ্য সরকারগী মরক্তা য়ান-চেরোলদা খুয়েক পীনগনি।

মরু ওইবা শাফুঃ

ৱাফম অসিদগী লৈবাক অসিদা চহি খুদিংগী ত্রেনিং ফংলবা দাক্তরশিংগী মশিং নীংথিজনা হেনগৎলগনি। মসিনা মরম ওইদুনা লমদম অসোমদা মীচম মীয়ামদা ফংহল্লিবা হকশেলগী থবকশিং ফগৎহনবদা মতেং ফংলগনি।

বেনিফিসরীঃ

মসিদগী করমা, ঝারখন্দা লৈরিবা অমসুং মনাক নকপদা লৈবা মীয়াম্না হেন্না ফবা হকশেলগী খুদোংচাবশিং ফংলগনি।

য়ুম্ফমঃ

লেবর অমসুং ইমপ্লোইমেন্ত মন্ত্রালয়না মসিগী হোস্পিতালশিং অমসুং দিস্পেন্সরীশিংগী খুৎথাংদা অকক্নবা কাংলুপ খরগী শিন্মীশিং অমসুং মখোয়গী মখা পোনবশিংদা হকশেলগী থবকশিং ফংহল্লি। করমা, ঝারখন্দগী মাইকা মাইন/বীরিগী শিন্মীশিংগী মথৌ তাবশিংবু মপুং ফাহন্নবগীদমক লেবর অমসুং ইমপ্লোইমেন্ত মন্ত্রালয়না মফম অদুদা ফমুং ১৫০ থাবা হোস্পিতাল (হায়রিবা মফম অদুদা ফমুং ৫০ থাবা তি.বি. হোস্পিতাল য়াওনা) লিংখৎলি। ঝারখন্দ সরকারনা লমদম অসিদা অনৌবা মেদিকেল কোলেজ অমা লিংখৎনবগীদমক্তা করমাগী সেন্ত্রেল হোস্পিতালবু মসিগী লম অমসুং শঙলেনশিং য়াওনা মমল তিংদনা লৌশিন্নবগীদমক ৱাফম অমা পুখৎলকখিবনি।