ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ভারতকী দিজাস্তর রেস্পোন্স মপাঙ্গল কলহন্নবা লুপা ক্রোর ৬৩৭গী শেনফমদা নেস্নেল দিজাস্তর রেস্পোন্স ফোর্স (এন.দি.আর.এফ.)কী অহেনবা বতালিয়ন মরি লিংখৎপদা অয়াবা পীখ্রে।

ৱারোলঃ

• অহেনবা বতালিয়ন মরি লিংখৎপগী পান্দম অসি লৈবাক অসিগী কংফালগী লমদমশিংদা মীৎয়েং থমদুনা দিজাস্তর রেস্পোন্সকী মতম হন্থহন্নবনি।
• বতালিয়ন মরি অসি অহৌবগী ওইনা ইন্দো-তিবেতান বোর্দর পুলিস (আই.তি.বি.পি.)দা বতালিয়ন অনি অমসুং বোর্দর সেক্যুরিতী ফোর্স (বি.এস.এফ.) অমসুং অসম রাইফল (এ.আর.)দা বতালিয়ন অমমম থমগনি।
• মতুংদা, হায়রিবা বতালিয়ন মরি অসি নেস্নেল দিজাস্তর রেস্পোন্স ফোর্স ওইনা ওন্থোক্কনি। মরুওইবা ফিভমশিংদা মীৎয়েং থম্লদুনা বতালিয়ন মরি অসি জম্মু অমসুং কশ্মীর, হিমাচল প্রদেশ, উত্ত্রাখন্দ লোইননা লৈবাক অসিগী কোনুং দিল্লীদা থমগনি।

য়ুম্ফমঃ

নেস্নেল দিজাস্তর রেস্পোন্স ফোর্স অসি অখন্নবা ফোর্স অমনি, মসি ২০০৬তা লিংখৎখি। মসি লিংখৎখিবগী পান্দমদি মহৌশা অমসুং মীওইবগী খুৎশেম্না থোকহনবা খুদোংথিবশিং মায়োক্ননবা অখন্নবা থৌরাং তৌনবনি। হৌজিক ফোর্স অসিদা বতালিয়ন ১২ লৈ, মদু লৈবাক অপুনবগী মরুওইবা মফমশিংদা খুদক্তা থবক পাইখৎপা ঙম্ননবা মথৌ তৌরি।