ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মহাত্মা গান্ধীগী ১৫০ শুবা মপোক কুমওন পাংথোকপগী শরুক অমা ওইনা মীয়াৎশিংদা অখন্নবা মরাল কোকপীনবগীদমক মসিগী ওইবা অয়াবা পীখ্রে।

মহাত্মা গান্ধীগী ১৫০ শুবা মপোক কুমওনগী শরুক অমা ওইনা, মীয়াৎশিংগী মখাগী কেতেগোরীশিং অসিবু অখন্নবা মরাল কোকপীবগীদমক খন্নরগনি অমদি ফেজ অহুমলক্তা থাদোক্কনি। অহানবা ফেজদা, ২০১৮গী ওক্তোবর ২ (মহাত্মা গান্ধীগী মপোক কুমওন)দা মীয়াৎশিং থাদোক্কনি, অনিশুবা ফেজদা, ২০১৯গী এপ্রিল ১০ (চম্পারন সত্যগ্রহগী মীংশিং রুমওন)দা মীয়াৎশিং থাদোক্কনি অমসুং অহুমশুবা ফেজদা, ২০১৯গী ওক্তোবর ২ (মহাত্মা গান্ধীগী মপোক কুমওন)দা মীয়াৎশিং থাদোক্কনি:-

(ক) মখোয় মখোয়গী ফাদোক মতমগী চাদা ৫০ মপুং ফারবা চহি ৫৫ শুরবা অমদি হেল্লবা নুপী ফাদোকশিং।

(খ) মখোয় মখোয়গী ফাদোক মতমগী চাদা ৫০ মপুং ফারবা চহি ৫৫ শুরবা অমদি হেল্লবা ত্রান্সজেন্দর ফাদোকশিং।

(গ) মখোয় মখোয়গী ফাদোক মতমগী চাদা ৫০ মপুং ফারবা চহি ৬০ শুরবা অমদি হেল্লবা নুপা ফাদোকশিং।

(ঘ) মখোয় মখোয়গী ফাদোক মতমগী চাদা ৫০ মপুং ফারবা চাদা ৭০ শোয়নাইরবা ফাদোকশিং।

(ঙ) মতম লেপ্লবা অনাবা ফাদোকশিং।

(চ) মখোয় মখোয়গী ফাদোক মতমগী শরুক অহুমথোকপগী অনি (চাদা ৬৬) মপুং ফারবা ফাদোকশিং।

অখন্নবা মরাল কোকপীবা অসি শিবগী মীয়াৎ তারবা নত্রগা শিবগী মীয়াৎ তাবদগী পুন্সী চুপ্পা কৈশুমশংদা থম্বদা ওন্থোকখিবা ফাদোকশিং , দাওরী দেথ, রেপ, হ্যুমেন ত্রাফিকিং অমসুং পোতা, য়ু.এ.পি.এ. তাদা, এফ.আই.সি.এন. পোকসো এক্ত, মনী লোন্দরিং, ফেমা, এন.দি.পি.এস. প্রিভেন্সন ওফ করপ্সন এক্ত অসিনচিংবা শাথিবা অমসুং তমথীবা ক্রাইমশিংদা ফাদোক তারবা অদুগুম্লবা মীয়াৎশিংদি য়াওরোই ।

য়ুমলৈ-কৈরৈ মন্ত্রালয়না রাজ্য অমসুং য়ুনিয়ন তেরিতোরী পুম্নমক্তা ইলিজিবল ওইরবা ফাদোকশিংগী কেসশিং প্রোসেস তৌনবা য়াথং ইশু তৌরগনি। রাজ্য সরকারশিং অমসুং য়ুনিয়ন তেরিতোরী এদমিনিস্ত্রেসনশিংনা কেসশিং অসি থিজিন্নবা কমিতী অমা শেম্নবা পাউতাক পীরগনি। সংবিধানগী আর্তিকল ১৬১গী মখাদা কনসিদরেসন অমসুং এপ্রুবেলগীদমক রাজ্য সরকারশিংনা কমিতীগী রিকমেন্দেসনশিং অদু রাজ্যপালগী মাংদা থমগনি। এপ্রুবেল ফংলবা মতুং ফাদোকশিং অদু ২০১৮গী ওক্তোবর ২, ২০১৯গী এপ্রিল ১০ অমসুং ২০১৯গী ওক্তোবর ২ দা থাদোক্কনি।

য়ুম্ফম:

মহাত্মা গান্ধীগী ১৫০ শুবা মপোক কুমওন অসি মশক নাইবা থৌরম অমনি অমদি মশক নাইবা থৌরমশিংদা ফাদোকশিংবু অখন্নবা মরাল কোকপীবা অসি মশক নাইবা অমদি মতা চাবা অমগুম লৌই। মসিনা জাতিগী মপা মহাত্মা গান্ধীনা মীওইবগী য়াইফনবা তৌবা অদুদা শ্রদ্ধাঞ্জলি ওইরগনি।