ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ইন্দস্ত্রিয়েল পোলিসী অমসুং প্রমোসন, কমর্স অমসুং ইন্দসত্রী মন্ত্রালয়গী ৱিপো কোপীরাইৎ ত্রিতী লোইননা ৱিপো পার্ফোর্মেন্স অমসুং ফোনোগ্রাম্স ত্রিতীগী পুখৎলকপা ৱাফমদা অয়াবা পীখ্রে। ত্রিতীশিং অসিগী মখাদা ইন্তর্নেত অমসুং দিজিতেল কোপীরাইৎসু য়াওরি। মে ১২, ২০১৬তা সরকারনা হৌদোকখিবা নেস্নেল ইন্তিলেকচুএল প্রোপর্তী রাইৎ (আই.পি.আর.)তা পল্লিবা পান্দমগী মাইকৈদা অয়াবা পীবা মসি মরু ওইবা খোংথাং অমনি। মসিগী পান্দম অসি কমর্সিয়েলাইজেসনগী খুৎথাংদা আই.পি.আর.গী মগুন অদু ফংবনি। মসিগীদমক্তা ই.পি.আর.গী মপুশিংদা ইন্তর্নেত অমসুং মোবাইল প্লেৎফোর্মদা ফংবা খুদোংচাবশিংগী মতাংদা পাউতাক অমসুং মতেংশিং পী।

কান্নবাঃ

ত্রিতীশিং অসিনা মখাগী থৌওংশিং অসিদা ভারতকী মতেং পাংগনিঃ-

• ইন্তর্নেস্নেল কোপীরাইৎ সিস্তেমগী থোংদা ক্রিয়েতিব রাইৎ হোল্দরশিংনা মখোয়গী খুৎশুমন ফংগনি। ক্রিয়েতিব ৱার্কশিংগী পোৎথোক অমসুং মখোয়বু য়েন্থোকপদা তৌবা ইনভেস্তা কান্নবা ফংগনি।
• দোমেস্তিক কোপীরাইৎ হোল্দরশিংনা ইন্তর্নেস্নেল কোপীরাইৎকী ওইবা ঙাকশেলগী থৌরাং ফংগনি। অতোপ্পা লৈবাকশিংদা অথোই-অহেন তান্নবগী খুদোংচাবা ফংগনি, মরমদি ভারত্তা ইন্তর্নেস্নেল কোপীরাইৎকী থোংদা ফোরেনগী থবক-থৌরমশিং মশক খঙই।
• দিজিতেল প্লেৎফোর্মদা ক্রিয়েতিব ওইবা পোৎথোকশিং পুথোকপা অমসুং য়েন্থোকপদা তৌবা ইনভেস্তা কান্নবা ফংগনি অমসুং মসিনা মরম ওইদুনা মশাবু থাজবা হেনগৎহনগনি।
• ললোন-ইতিক তৌবদা চাউখৎকনি অমসুং ক্রিয়েতিব ইকোনোমী অমসুং কলচরেল লেন্দস্কেপ চাউখৎকনি।

য়ুম্ফমঃ

কোপীরাইৎ এক্ত, ১৯৫৭:

মার্চ, ২০১৬তা কোপীরাইৎ এক্ত ১৯৫৭পু দি.আই.পি.পি.দা শিন্নখি। মসিগী মতুংদা কোপীরাইৎ এক্ত ১৯৫৭কী দবল্যু.সি.তি. অমসুং দবল্যু.পি.পি.তি.গী মতাংদা কম্পেতিবিলিতী এগজামিন তৌখি। ৱিপোগা লোইননা অপুনবা স্তদী অমসু পাংথোকখি।

ৱিপো কোপীরাইৎ ত্রিতী অসি মার্চ ৬, ২০০২দা চৎনবা হৌখি। লুপ ৯৬না মসিবু লৌশিনখি। বর্ন কনভেন্সন্দা অখন্নবা য়ানৱারোল অমগী মখাদা লিতরেসী অমসুং আর্তিস্তিক ৱর্কশিংগী ঙাক-শেল পীখি। মসিদা দিজিতেল প্লেৎফোর্মদসু কোপীরাইৎকী ঙাক-শেলদা য়ুম্ফম ওইবা প্রোভিজনশিং য়াওরি।

ৱিপো পার্ফোর্মেন্স অমসুং ফোনোগ্রাম ত্রিতী অসি মে ২০, ২০০২দা হৌদোকখি অমসুং মসিগী মীহুৎ (মেম্বর) ৯৬ লৈ। দবল্যু.পি.পি.তি.না মখল অনিগী কোপীরাইৎ হকশিংবু ঙাক-শেল্লি i) পার্ফোর্মর (এক্তর, সিঙ্গর, ম্যুজিসিয়ন্নচিংবা), ii) ফোনোগ্রাম্সকী প্রদ্যুসর (সাউন্দ রেকোর্দিং)। মসিনা পার্ফোর্মরশিংদা অখন্নবা হক ফংহল্লি।

ত্রিতী অনিমক ক্রিয়েতরশিংদা তেক্নিকেল তুলশিংগী খুদোংচাবশিং শিজিন্নদুনা মখোয়গী থবকশিং ঙাকশেন্দুনা থম্নবগীদমক ফ্রেমৱার্ক ফংহল্লি। থবকশিং শিজিন্নবগা মরি লৈনবা ই-পাউশিং ঙাক-শেন্দুনা থম্মি মদুদি, তেক্নিকেল প্রোতেক্সন মীজর্স (তি.পি.এম.) অমসুং রাইৎ মেনেজমেন্ত ইনফোর্মেসন (আর.এম.আই.) অসিনি।