ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মফম অনি হায়বদি  ওরিষাগী চান্দিখোল অমসুং কর্নাতকাগী পদুরদা মিলিয়ন মেত্রিক তন(এম.এম.তি) ৬.৫ গী অহেনবা স্ত্রেতেজিক পেত্রোলিয়ম রিজার্ব (এস.পি.আর) লিংখৎপা অমদি এস.পি.আর অনি অসিগী দেদিকেতেদ এস.পি.এম (সিঙ্গল পোইন্ত মুরিং)শিং শাবদা অয়াবা পীখ্রে। চান্দিখোল অমসুং পদুরগী এস.পি.আর অসি অন্দরগ্রাউন্দ রোক কেবর্নস ওইগনি অমদি মখোয়গী কেপাসিতি অসি মথংশিৎনা এম.এম.তি ৪ অমসুং এম.এম.তি ২.৫ ওইগনি। ২০১৭-১৮গী বজেৎ পুথোকখিবা মতমদা সরকারনা অহেনবা এস.পি.আর অনি শেমগৎনবা লাওথোকখি।

ভারত সরকারদগী বজেৎকী তেংবাং হন্থহন্নবা পি.পি.পি মোদেলগী মখাদা প্রোজেক্ত অসি শেমগৎপদা অয়াবা পীখি। শরু য়াগদবশিংগী তর্ম অমসুং কন্দিসনশিং শেল থুম মন্ত্রালয়গা খন্নরগা পেত্রোলিয়ম অমসুং নেচরেল গ্যাসকী মন্ত্রালয়না লেপকনি।

আই.এস.পি.আর.এলনা হান্ননা মফম অহুমদা শুংদোক্ত্রিবা থাউ এম.এম.তি ৫.৩৩ থম্বা চনবা অন্দরগ্রাউন্দ রোক কেবর্নস অহুম শাখ্রে, মখোয়শিং অদুদি- বিশাখাপত্নম (এম.এম.তি ১.৩৩), মেঙ্গলোর (এম.এম.তি ১.৫) অমসুং পদুর (এম.এম.তি ২.৫) নি। শেনবা চহি ২০১৬-১৭কী কঞ্জুম্পসন দাতাগী মতুং ইন্না ভারতকী মথৌ তারিবা শুংদোক্ত্রিবা থাউগী চাওরাক্না নুমীৎ ১০গী সপ্লাই অসি এস.পি.আর প্রোগ্রামগী অহানবা ফেজকী মখাদা অপুনবা কেপাসিতি এম.এম.তি ৫.৩৩ নি হায়না পানরি। এম.এম.তি ৬.৫গী অহেনবা স্ত্রেতেজিক পেত্রোলিয়ম রিজার্ব ফেসিলিতিশিং লিংখৎনবা মন্ত্রীমন্দলনা অয়াবা পীখিবা অসিনা চাওরাক্না নুমীৎ ১২গী অহেনবা সপ্লাই অমা ফংহন্দুনা ভারতকী ইনর্জী সেক্যুরিতি চাওথোকহল্লগনি।

চান্দিখোল অমসুং পদুরদা এস.পি.আরশিং শাগৎলিঙৈ তাঙ্কক্তা ওরিষা অমসুং কর্নাতকা রাজ্যশিংদা দাইরেক্ত অমদি ইনদাইরেক্ত ওইবা মওংদা থবক ফংহন্ননবগী খুদোংচাবশিং লৈরগনি।