ভারতকী প্রধানমন্ত্রী

প্রধান মন্ত্রী নরেন্দ্র মোদীনা ২০১৮ গী মে ৩০ দা ইন্দোনেসিয়াদা চৎখিবা খোঙচৎতা ইন্দোনেসিয়াগী রাষ্ট্রপতি জোকো ৱিদোদো অমসুং নরেন্দ্র মোদীগা ৱারী শানদুনা ইন্দো-পেসিফিক লমদমদা লৈবাক অনিনা সমুদ্রগী লমদা মতেং পীনবা য়ানরে ।

২০১৬ গী দিশেম্বর ১২ দা রাষ্ট্রপতি জোকো ৱিদোদোনা ভারত্ত লাক্লম্বা অদুদা লৈবাক অনিনা সমুদ্রগী হিরমদা মতেং পীনবা হায়না য়ানখিবা ৱাফম অদু নীংশিংখি ।

পনবা য়াই, ভারত অমসুং ইন্দোনেসিয়া অনি অসি সমুদ্রগী শরুক্তা য়ুম্লোন্নরিবনি অমসুং সমুদ্রগী শরুক্ত চৎথোক-চৎশিন তৌনদুনা লৈবাক অনি অসিনা চহি কয়াগী মমাংদগী মরি থম্নদুনা লাক্লি অমসুং লমদম অসিদা অমসুং মালেমগী ওইনা চপ মান্নবা মীৎয়েং থমলি ।

ইন্দো-পেসিফিক লমদমদা শান্তি, তংদু লৈতাবা অমসুং শেল-থুমগী গ্রোথ লৈনবা লৈবাক অনি অসিনা সমুদ্রগী লমদা মতেং পীনবা হেনগৎহনবা পাম্লি ।

কিলোমীতর ৭,৫০০ শাংবা সমুদ্রা মপান, ইথৎ ১,৩৮০ অমসুং স্ক্বার কিলোমীতর মিলিয়ন ২ গী এক্সক্লূসিপ ইকনোমীক জোন লৈদুনা ইন্দো-পেসিফিক লমদমদা ভারতনা মরুওইবা ফিদা অমা কন্দুনা লৈরি । ইন্দোনেসিয়ানা কিলোমীতর ১০৮,০০০ শাংবা সমুদ্রা মপান, ইথৎ ১৭,৫০৪, এক্সক্লূসিপ ইকনোমীক জোন য়াওনা স্ক্বার কিলোমীতর ৬,৪০০,০০০ গী সমুদ্রগী শরুক অমসুং মালেমদা খ্বাইইদগী চাউবা আর্কিপেলাজিক্কী লম লৈদুনা ইন্দিয়ন ওসিন অমসুং পেসিফিক ওসিন অনিগী ময়াইদা লৈরি । ওসিন অনি অসি মালেমগী ওইনা সমুদ্রগী লমদা ললোন-ইতিক তৌনবগী য়াম্না মরুওইবা মফম অমনি ।

চার্তর ওফ য়ুনাইতেদ নেসন্স, য়ু এন কনভেন্সন ওন লো ওফ সি (য়ু.এন.সি.এল.ও.এস.) ১৯৮২ অমসুং ত্রিতি ওফ এমিতি এন্দ কোওপেরেসন ইন সাউদ এসিয়া (তি এ সি ) ১৯৭৬নচিংবা মালেমগী আইনশিং ঙাক্না চৎলি ।
মনীংতম্বা, অরোন অথুপ লৈতবা, কাংলোনগী মখা পোনবা , শান্তি লৈবা, নুংঙাইবা, ইন্দো-পেসিফিক লমদমগী অপুনবগী শক্তম লৈহনবা, মালেমগী আইনশিং ঙাকপা, ঈশিং অমসুং নোংথক্কী লম্বীদা মনীং তৌনা চৎহনবা, নাকল অনিমক্কী কান্নগদবা মওংদা ললোন-ইতিক তৌনবা অমসুং শেল থাদবা য়াওনা মরুওইবা ৱাফমশিং খন্নখি ।

য়ু.এন.সি.এল.ও.এস. অমসুং মালেমগী মরি লৈনবা আইনশিংগী মতুং ইন্না, ইন্দো-পেসিফিক লমদমগী ঈশিংগী শরুক চাউখৎপা, শেল-থুমগী ফিবম ফগৎহনবা, তংদু লৈতাবা, ঈশিংগী ঙাকশেনবা অমসুং শান্তি পুরকপগী তঙাইফদবশিং খঙমিন্নখি ।

লৈবাক অনিগী মরি অসি য়াম্না মরুওইবা থাক অমদা পুখৎপা, ঙাকশেলগী লমদা নাকল অনিগী ৱারী শান্নবা অনৌবা মওং শেম্বা , নাকল অহুমগী ৱারী শান্নবা, ঙাকশেলগী মতেং পীনবা হেনগৎনবা য়ানচেশিং খুৎয়েক পীনবা, শান্তিগী লমদা শীজিন্ননবা শুন্দ্রংগী শরুক থিজিনবদা মতেং পীনবা য়াওনা য়ানখিবা ৱাফমশিং তরাম্না ওকখি ।

ইন্দিয়ন ওসিন লমদমদা ইন্দোনেসিয়া অমসুং ভারতনা ইন্দিয়ন ওসিন রিম এসোসিয়েসন (আই ও আর এ) গী মমাংগী লুচীংবশিং ওইনা চাউখৎপা অমসুং শান্তি পুরক্নবা হোৎনবা লৌখিবা থৌদাংশিং শিংথাখি অমসুং জকারতা একোর্দ অমসুং ২০১৭ গী মার্চ থাদা জকারতাদা পাংথোকখিবা আই ও আর এ গী ২০শুবা মীফমদা আই ও আর এগী লুচীংবশিংনা লৌখিবা ৱারেপশিং থবক ওইন পাংথোকপা হায়না য়ানখি ।

লমদম অসিদা অমসুং মালেমদা শান্তি , তংদু লৈতাবা অমসুং নুংঙাই য়াইফবা পুরক্নবা য়ু.এন.সি.এল.ও.এস.গী কাংলোন মতুংইন্না মনীং তম্বা অমসুং অয়েৎপা লৈতবা সমুদ্র লৈহনবগী তঙাইফবদশিং পনখি ।

ইন্দো-পেসিফিক লমদমদা আইন্না য়াদবা মওংদা মী চৎথোক-চৎশিন তৌবা, খুৎলায়শিং, দ্রগ অমসুং শেল পুবা, কাংলোনগী ৱাংমদা ঙা ফাবা অমসুং তেরোরিস্তশিং চৎথোক-চৎশিন তৌরিবশিং য়াওনা সমুদ্রগী লমদা থেংনরিবা শিংনবশিং খন্নখি ।

মালেম্না য়ানরবা কাংলোনশিংগী মখাদা, অফবা লৈঙাক, কাংলোন ঙাক্না, অরোন-অথুপ লৈতনা, চপ মান্ননা, লৈবাক অমগী অপুনবগী শক্তম ইকায় খুম্নদুনা অপুনবা য়ানবা অমগী মখাদা ইন্দো-পেসিফিক লমদমদা নুংঙাই য়াইফবা পুরক্নবা মীৎয়েং থম্লি অমসুং অথুবা মতমদা আসিয়ান-ইন্দিয়া মেরিতাইম ত্রান্সপোর্ত এগ্রিমেন্ত লোইশিন্নবা খন্নখি ।

ভারতকী এক্ত ইস্ত পোলিসী অমসুং সেকুরিতী এন্দ গ্রোথ ফোর ওল ইন দি রিজন (সাগার)গা ইন্দোনেসিয়া ওসিন পোলিসী অমসুং ইন্দোনেসিয়াগী গ্লোবেল মেরিতাইম ফুলক্রম ভিজনগা পুন্না থবক তৌমিন্ননবা খন্নখি ।

লমদম অসিদা চাউখৎপা অমসুং শেল-থুমগী ফিবম ফগৎনবা ব্লু ইকনোমীগী মরুওইবা অদু অমুক নীংশিংখি । ইন্দো-পেসিফিক লমদমদা লৈরিবা খুদোংচাবশিং লৌনবা অমসুং লাক্কদবা ফিবমশিং মায়োক্ননবা লুচীংবশিংনা মখাগী ৱাফমশিং অসি য়ানখি :

(ক) ললোন-ইতিক অমসুং শেল থাদবদা মতেং পীনবা হেনগৎহনবা :

লৈবাক অনি অসিগী মরক্তা অমসুং লমদম অসিদা শেল-থুমগী ফিবম ফগৎহন্নবা পোৎ-চৈ পীথোক পীশিন, থবক, শেল থাদবা অমসুং তেক্নোলোজীগী মতেং পীনবা হেনগৎহনবা ।

ভারতকী অন্দামান অমসুং নিকোবর ইথৎ অমসুং ইন্দোনেসিয়াগী সুমাত্রা ইথৎকী মরক্ত ললোন-ইতিক, তুরিজম অমসুং মীগা মীগা উনবা হেনগৎনবা মরুওইবা থবকশিং পায়খৎপা, অন্দমানগী চেম্বর ওফ কম্মর্স অমসুং আচে য়াওনা সুমাত্রা প্রোবিন্সকী মরক্ত বি তু বিগী খুদোংচাবা লৈহনবা ।

সমুদ্রগী শরুক ঙাকশেন্নবা মতেং পীনবা হেনগৎনবা, ঙা ফাবগী ইন্দস্ত্রী য়োকখৎনবা, মেরিতাইমগী লমদা অখঙ-অহৈশিং পীথোক-পীশিন তৌনবা, খুৎশু-খুৎলায় অমসুং শেন্থং পীনবা হেনগৎনবা হুমেন রিসোর্স শেমগৎনবা থবক তৌমিন্নবা ।

মরুওইনা ঙা ফাবা অমসুং জহাজ শানবগী ইন্দস্ত্রী য়োকখৎনবা অমসুং মচাকশিং শেমগৎনবা থবক তৌমিন্নবা ।

(খ) সমুদ্রগী লন-থুমশিং তুং-কোয়না থম্নবা হোৎনবা

সাইন্সতা য়ুমফম ওইবা থবকশিং পায়খৎতুনা সমুদ্রগী অহিংবা লনশিং ঙাক-শেন্দুনা থম্নবা থবক লৌখৎপা অমসুং অইং-অশাগী খল কাইরকপা থেংনবা অমসুং অকোয়বগী ফিবম অমসুং মহৌশাগী লন ঙাকশেনবা য়াওরি ।
আইন্না য়াদবা মওংদা অমসুং পাউ পীদনা ঙা ফাবা থিংবা, ঙাক-শেনবা অমসুং তোকহনবা অমসুং ঙা ফাবগা মরি লৈনবা থৌদোক ৱাথোকশিং অসি মালেমগী ওইনা সমুদ্রগী অকোয়বগী ফিবম শোকহনবা মরম্না ক্রাইম অমা ওইনা শক খঙবা ।
শেল-থুম ফগৎনবা অমসুং থবক পীনবা ব্লু ইকনোমী য়োকখৎপা ।

লৈবাক অনিগী মরক্তা অমসুং লমদম অসিগী মরক্ত মতেং পীনদুনা সমুদ্রদা প্লাস্তিক্কী অমোৎপা হেনগৎলকপা থেংনবা ।

(গ) খুদোংথিবা থোরকপা মতমদা থেংননবা মতেং পীনবা হেনগৎহনবা :

খুদোংথিবা থোরকপা মতমদা অৱা-অনা তারবশিংদা মতেং পাংনবা লমদম অসিদা খুদোংথিবা থোরকপা মতমদা শেম-শাবা অমসুং থেংননবগী থবক কনখৎহনবা ।

জিওদেতিক দেতা পীথোক পীশিন তৌনবা হেনগৎহনবা অমসুং খুদোংথিবা থোকপশিং মাংজৌননা পাউ পীনবগী থৌওংশিং ফগৎহনবা ।

মরি লৈনবা এজেন্সীশিংগী মরক্ত চাং নাইনা অপুনবা এক্সর্সাইজ পাংথোকপা অমসুং খুদোংথিবা থোরকপা মতমদা থেংননবা মতেং পীনবা হেনগৎহনবা ত্রেনিং পীবা হেনগৎহনবা য়াওরি ।

(ঘ) তুরিজম অমসুং কলচরেল একচেঞ্জ ফগৎহনবা :

লমদম অসিগী শেল-থুমগী ফিবম ফগৎহন্নবা মীগ-মীগগী মরক্তা শম্নবা হেনগৎহনবা ।
লৈকায়-খুঙ্গংদা য়ুম্ফম ওইবা তুরিজম অমসুং ইকো-তুরিজম তুংকোইনা চৎনগদবা মওংদা চাউখৎহনবা ।
সবাং ইথৎ অমসুং পোর্ত ব্লেয়র অনিগী মরক্ত শম্নহন্দুনা অন্দামান সি তুরিজম শেমগৎপা অমসুং সেল তুরিজম, ক্রুইজ সিপ , মেরিন এদভেঞ্জর স্পোর্তস , দাইভিং অমসুং ৱেলনেস তুরিজম চাউখৎনবা অন্দামানগী হেভলোক ইথৎ শেমগৎপা ।
অল-মুস্লিম য়ুনিভর্সিতী ওফ বিরুয়েন, মালিকুসালে য়ুনিভর্সিতী অমসুং জৱাহরলাল য়ুনিভর্সিতী ন্যু দিল্লী শম্নহনবা অমসুং অল-মুস্লিম য়ুনিভর্সিতীদা ইন্দিয়া-ইন্দিয়ন ইন্দোনেসিয়া স্তদিজ সেন্তর অমা পোর্ত ব্লেয়রদা লিংখৎপা ।

(ঙ) সমুদ্রগী শরুক্তা ঙাকশেনবা হেনগৎহনবা :

আসিয়ান্না মাংজিল থাদুনা ইন্দো-পেসিফিক লমদমদা হৌজিক লৈরিবা ঙাক-শেনগী থবকশিং মপাঙ্গল কনখৎহনবা ।
লমদম অসিদা শান্তি, সেকুরিতী অমসুং নুংঙাই-য়াইফবা পুরক্নবা পান্দমদা অরোন-অথুপ লৈতবা মওংদা পুকচেল তিংনা মতেং পীনবা ।

২০০২দা হৌখিবা লৈবাক অনিগী অপুনবা পেত্রোলগী হৌজিক লৈরিবা নেভেলগী মতেং পীনবা অসি মপাঙ্গল কনখৎহনবা অমসুং চাং নাইনা লৈবাক অনিগী মরক্ত নেভেল এক্সর্সাইজশিং পাংথোকপা ।

ইন্দো-পেসিফিক লমদমদা সমুদ্রগী লমদা ঙাকশেনবগী মতাংদা পাউ পীথোক পীশিন হেনগৎহনবা ।
হৌজিক লৈরিবা সমুদ্রগী ঙমখৈগী শরুক্কী য়ানরিবশিং মখা চৎথবা অমসুং য়ু.এন.সি.এল.ও.এস. য়াওনা মালেমগী আইনশিংগী মখাদা লৈবাক অনিগী মরক্ত হৌজিক লৈরিবা সমুদ্রগী ঙমখৈ লেপথোকপগী ৱাফমশিং তেক্নিকেল মীফম পাংথোকতুনা লৈবাক অনিমক্না য়ানগদবা মওংদা য়াশিন্নবা পুরকপা ।

সমুদ্রগী লমদা ঙাকশেনগী থবক ফগৎনবা তেক্নিকেলগী মতেং পীনবা হেনগৎনবা মখা তানা অনৌবা থবকশিং পায়খৎনবা লৈবাক অনিগী অখঙ-অহৈশিংদা শীন্নবা ।

হায়দ্রোগ্রাফী অমশু মেরিন কারতোগ্রাফিগী লমদা লৈবাক অনিনা মতেং পীনবা হেনগৎপা ।
রিসর্স, রেস্কু, পোলুসন কন্ত্রোল অমসুং সেকুরিতীগী লমদা ত্রেনিং পীবগী তেংবাং হেনগৎহনবা অমসুং অখঙ-অহৈ, খুৎশু-খুৎলায় অমসুং শেন্থং পীথোক পীশিনগী থবক হেনগৎহনবা ।

ত্রেনিং পীদুনা, হোৎলাইন থম্বা, পাউ ফাওনবা, অপুনবা এক্সর্সাইজ অমসুং পেত্রোল পাংথোকতুনা কোস্ত গার্দশিংগী মরক্ত মতেং পীনবা হেনগৎহনবা ।

ইন্দিয়ন ওসিন রিম এসোসিয়েসনগী মখাদা ভারত মহাসাগর অসি অশোয়-অঙাম থোক্তবা মফম অমা ওইনবা মতেং পীনবা হেনগৎহনবা ।

(চ) একদেমিক, সাইন্স অমসুং তেক্নোলোজীদা মতেং পীনবা হেনগৎহনবা :

সুন্দ্রংদগী মালেমগী অকোয়বগী ফিবম য়েংশিন্নবা অমসুং পৃথিবী অসি রিমোৎ সেন্সিং তৌনবা ইন্দিয়ন স্পেস রিসর্স ওর্গেনাইজেসন (ইসরো) অমসুং নেস্নেল ইন্সতিত্যুৎ ওফ এরোনোতিক্স এন্দ স্পেস, ইন্দোনেসিয়া অনিগী মরক্ত মতেং পীনবা হেনগৎহনবা ।

রিসর্স তৌবা চাউখৎহনবা অমসুং রিসর্স অমসুং দিবেলপমেন্তকী ইন্সতিত্যুৎশিংগী মরক্ত মেরিন তেক্নোলোজী পীথোক পীশিন তৌবা হেনগৎহনবা ।