ভারতকী প্রধানমন্ত্রী

হিজ এক্সিলেন্সী

প্রধান মন্ত্রী লী সিয়ন লুং,

শক্নাইরবা মীহুৎ কাংবুশিং,

মীদিয়াগী মীহুৎশিং,

অহানবা মক্তদা ঐহাক্না প্রধান মন্ত্রী লীগী মফমদা থাগৎপা ফোংদোকচরি। ঐহাকপু তরাম্না ওকপিবগীদমক্তা। ভারতকা লোইননা লৈনরিবা মরি অসি হেন্না চেৎশিলহন্নবা মহাক্কী ফিরেপ অদুদা। অমদি নক্নবা মরূপ ওইরিবা অদুগীদমক্তসু।
ভারত-সিঙ্গাপুরগী মরি অচম্বা মরি নত্তে, মসিদি য়াম্না ইনর্জেতিক ওইবা, মরূপ ওইবা অমসুং থাজবগী মরিনি। ঙসি ঐখোয়না ৱারী শানখিবা অদুদা প্রধান মন্ত্রী লী অমসুং ঐহাক্না ঐখোয়গী বাইলেতরেল কোওপরেসনগী প্রোগ্রেস অদু নৌহৌনা য়েংশিনখি অমসুং তুংগী রোদমেপকী মতাংদসু খন্ন-নৈনখি।

ঐখোয়গী কমপ্রেহেন্সিব ইকোনোমিক কোওপরেসন এগ্রীমেন্তকী অনিশুবা রিভ্যু অদু মপুং ফানা পাংথোকখিবদা ঐহাক্না থোইদোক হেন্দোক্না নুংঙাইবা ফাওই। অদুবু অনিশুবা রিভ্যু অসিনা ঐখোয়গী পন্থুং অদুদি নত্তে হায়বা ঐখোয় অনিমক্না য়ানখি। ঐখোয়গী ওফিসিয়েলশিংনা অথুবা মতমদা য়ানা ৱারোল অসি অপগ্রেদ তৌনবা অমদি শেমদোক্নবা খন্ন-নৈনরগনি।
ভারতকীদমক্তা সিঙ্গাপুর অসি ফোরেন দাইরেক্ত ইনভেস্তমেন্তকী মরুওইবা সোর্স অমনি। অমদি ভারত্তগী মীরৈবাক্তা ইনভেস্ত তৌবদা মাংজিল থারিবা মফম অমনি। ভারতকী কম্পেনীশিংনা সিঙ্গাপুর, অসিয়ান লমদম অমদি অতোপ্পা লমদমশিংগীদমক স্প্রিং-বোর্দকী শক্তম লৌরিবা অসিদা ঐহাক নুংঙাইবা ফাওই। সিঙ্গাপুরগী কম্পেনীশিংনা ভারত্তা শেল থাদবা হেঙ্গৎলক্লি। ঙরাং নুমিদাং ৱাইরম সিঙ্গাপুরগী মরুওইবা কম্পেনীশিংগী সি ই ওশিংগা লোইননা পাংথোকখিবা রাউন্দ তেবল অদুদা ভারত্তা মখোয়না থম্লিবা থাজবা অদু উবদা ঐহাক নুংঙাইবা ফাওই। ভারত অমসুং সিঙ্গাপুরগী মরক্তা এয়র ত্রাফিকিং হেঙ্গৎলক্লি। নাকল অনিমক্না অথুবা মতমদা বাইলেতরেল এয়র সর্বিসেস এগ্রীমেন্তকী রিভ্যু হৌরগনি।

ঐখোগী ওইবা দিজিতেল পার্তনরশিপ হৌদোকপা অসিদা ঐখোয় অনিমক নুংঙাইবা ফাওই। রুপে, ভিম অমদি য়ু পি আইদা য়ুমফম ওইবা রেমিতেন্স এপ্লিকেসনশিং ঙরা নুমিদাং ৱাইরম সিঙ্গাপুরদা হৌদোকখিবা অদুনা ঐখোয়গী ৱাখল্লোন অদু ময়েক শেংনা উৎলরে। দিজিতেল ইন্দিয়াগী থোংদা ভারত্তা ঐখোয়না দেতা সেন্তর পোলিসী অমা শেম্লগনি।

ঙসি ঐহাক্না ননয়াং তেক্নোলোজীকেল য়ুনিবর্সিতীদা তোঙান তোঙানবা এগ্রীমেন্তশিং চত্থবা য়েংবা ফংলগনি, মদুনা অৱাংবা থাক্কী মহৈ মশিং, সাইন্স, তেক্নোলোজী অমসুং ইনোবেসনদা ঐখোয়গী কোওপরেসন হেঙ্গৎহল্লগনি। স্কিল দিবেলপমেন্ত, প্লানিং অমসুং অর্বান দিবেলপমেন্তকী লমশিংদা ঐখোয়গী কোওপরেসন হেঙ্গৎলক্লি।

ঐখোয়না ভারতকী চাউখৎপা ৱাৎলিবা জিলা ১১৫দা ঈশিংগীদমক পায়খৎলিবা অনৌবা খোংথাংশিং অদু উবা ফংলে। ঙরাং অমদি ঙসি তৌনখিবা য়ানা ৱারোলশিং অদুনা কোওপরেসন অসি অনৌবা থাক্তা পুদুনা চৎলগনি। মসিনা খুঙ্গংগী লমদমশিংগা লোইননা ভারতকী নহারোলশিংদা কান্নবা ফংহল্লগনি।
ঐখোয়না ঐখোয়গী ওইবা স্ত্রাতেজিক পার্তনরশিপতা দিফেন্স অমসুং সেক্যুরিতীগী মরুওইবা অদুদা অচেৎপা খোংথাং লৌখৎলি। মরি অসি লেপ্পা লৈতনা হেঙ্গৎলক্লিবা অসি ঐখোয়না তরাম্না ওকলি। সিমবেক্সকী ২৫শুবা চহি পালন্দা সিঙ্গাপুরগী ঈশিং লান্মীশিংগী মফমদা য়াইফা পাউজেল পীজরি। অথুবা মতমদা ঐখোয়না লৈবাক অহুমগী ওইবা ঈশিং লান্মীগী লান ঔরাইবগী থৌরম পাংথোক্লগনি।

তুংদা সাইবর সেক্যুরিতী অমসুং তেরোরিজম থেংনবা অসি ঐখোয়গী কোওপরেসনগী মরুওইবা এরিয়া ওইরগনি। ঐখোয়না মসিবু ঐখোয়গী লৈবাকশিং অসিগী খ্বাইদগী চাউবা খুদোংথিবা ওইনা লৌই।

প্রধান মন্ত্রী লী অমসুং ঐহাক্না গ্লোবেল অমদি রিজনেলগী ওইবা মায়োক্নরিবশিং অদুদা খন্ন-নৈনরে। ঐখোয় অনিমক্না মেরিতাইম সেক্যুরিতীদা ঐখোয়গী ওইবা ৱাখল্লোনশিং অদু অমুক হন্না ফোংদোক্নখি অমদি রুল বেজ ওর্দরদা ঐখোয়গী ওইবা কমিৎমেন্তশিং অদু উৎখি।

ঐহাক্না অসিয়ানগী মকোকথোংবা ওর্গনাজেসনশিংগী খুত্থাংদা অসিয়ান য়ুনিতীগী মরুওইবা, রিজনেলগী ওইবা তংদু লৈতাবা হেঙ্গৎহনবদসু অকনবা ৱাফম থমখি।

ঙসি নুমিদাং ৱাইরম পাংথোক্কদৌরিবা শংগ্রি-লা দাইলোগতা, ঐহাক্না ইন্দো-পেসিফিক লমদমদা শান্তি অমসুং প্রোস্পেরিতী পুরক্নবগীদমক ভারতকী ওইবা ৱাখল্লোন অদু ফোংদোকচগনি। শংগ্রি-লা দাইলোগতা বার্তন তৌবীরকপগীদমক প্রধান মন্ত্রী লীবু থাগৎপা ফোংদোকচরি।

ঐহাক্না প্রধান মন্ত্রী লী অমসুং মহাক্কী তীম্বু মহৈ য়ানবা লিদরশিপ ত্রাঞ্জিসন অদুগীদমক য়াইফ-পাউজেল পীজখি। সিঙ্গাপুরগী অনৌবা লুচিংবা অসিনা ফজখ্রবা হেরিতেজ অসি মখা চত্থগনি হায়বা ঐহাক খঙজৈ। অমদি অসিগুম্লবা অথোইবা লৈবাক অসিবু প্রজা মীয়ামগী সেবা তৌবগী ৱাখল্লোন অমসুং ত্রেদিসন অদুগা লোইননা মাংলোমদা পুদুনা চৎলগনি।
থাগৎচরি।

হন্না হন্না থাগৎচরি।