ভারতকী প্রধানমন্ত্রী

প্রধান মন্ত্রী লী সিয়ন লুং,

অদোমগী ফ্রেন্দশিপ, ইন্দিয়া-সিঙ্গাপুর পার্তনরশিপ অমদি লমদম অসিবু হান্না ফবা তুংগী য়াইফনবগীদমক অদোমগী

লিদরশিপ অদুগীদমক থাগৎচরি।

ঙাকশেল মন্ত্রীশিং,

শ্রী জোন চিপমেন,

শক্নাইরবশিং অমদি এক্সিলেন্সীশিং,

নমস্কার অমদি ময়াম পুম্নমকপু গুদ ইভিনিং!

অরিবা মতমদগী ভারতনা সনাগী লমদম হায়না খঙনবা লমদম অসিদা অমুক হন্না লাকপা অসিদা ঐহাক অপেনবা ফাওই।
আসিয়ানগা লোইননা ভারতকা লৈনরিবা মরিগী লেন্দ-মার্ক ওইবা অখন্নবা চহি অসিদা মফম অসিদা লাকপা অসিদসু ঐহাক নুংঙাইবা ফাওই।

জনুৱারী থাদা ঐখোয়না আসিয়ান লুচিংবা তরাবু ঐখোয়গী রিপব্লিক নুমীৎতা হোস্ত তৌদুনা ইকায় খুম্নজখি। আসিয়ান-ইন্দিয়া সমিৎ অদু আসিয়ান অমদি ঐখোয়গী এক্ত ইস্ত পোলিসীদা পীখিবা ঐখোয়গী কমিৎমেন্ত অদুগী খুদম্নি।
লৈবাক কয়ানা অতোপ্পা শক্তি অমত্তগী মায়কৈদা লেপতনা প্রিন্সিপলসকী নাকলদা লেপ্পা মতমদা মখোয়না মালেমগী ওইবা ইকায় খুম্নবা অদি ইন্তর্নেস্নেল এফিয়র্সতা খোঞ্জেল অমা ফংই হায়বা অদুসু সিঙ্গাপুরনা উৎলরে।
ভারতকী ওইনদি, সিঙ্গাপুর হায়বদি পুম্নমক্নি। মসিদি নোংশাগী লৈবাক অমা অমসুং নোংশাগী সহর অমবু পুন্সিল্লিবা ইস্পিরিৎ অদুনি। সিঙ্গাপুর অসি আসিয়ান্দা ঐখোয়গী স্প্রিংবোর্দ অমনি। চহি চা কয়াদগী ভারতকীদমক মসিনা নোংপোক্তা গেৎৱে অমা ওইদুনা লাক্লি। চহি লিশিং অনিগী মথক্তগী, মুনসুনগী নুংশিৎশিং, সমুদ্রগী ইচেলশিং অমদি হ্যুমেন এস্পিরেসনগী শাফু অদুনা ভারত অমসুং লমদম অসিবু শম্নহল্লি। মসিনা শান্তি অমদি ফ্রেন্দশিপ, রিলিজন অমদি কলচর, আর্ত অমদি কমর্স, লোন অমসুং লিতরেচরদা উবা ফংই।

হৌখিবা দিকেদ অহুমদগী, লমদম অসিদা ঐখোগী থৌদাং অমসুং রিলেসনশিপ রিস্তোর তৌনবা হেরিতেজ অদু ঐখোয়না হঞ্জিন হঞ্জিন্না ক্লেম তৌদুনা লাক্লি। ভারতকী ওইনদি মতৌ অসুম্না পুক্নীং চংবা লমদম অমত্তা হৌজিক ফাওবদা ফংবা লৈত্রি।
প্রি-ভেদিক মতমদগী হৌরগা ভারতকী ৱাখল্লোনদা মহাসাগরশিংগী মরুওইবা মফম অমা লৈরি। চহি লিশিং কয়াগী মমাংদা, ইন্দস ভেলী সিভিলাইজেসনগা লোয়ননা ইন্দিয়ন পেনিনসুলানা মেরিতাইম ত্রেদ চত্থরম্মি। মহাসাগরশিং অমদি বরুন-ঈশিং পুম্নমক্কী ইশ্বর-মালেম অসিগী খ্বাইদগী লিরবা লাইরিক বেদা মরুওইবা মফম অমা পুথোক্লি। চহি লিশিং কয়াগী মমাংদা ইরম্বা অরিবা পুরান্দা, ভারতকী জিওগ্রাফীকেল দিফিনিসন অসি সমুদ্রশিংদা রিফর তৌরি: উত্তরোন য়ত সমুদ্রস্য, মসিগী আর্থদি সমুদ্রগী অৱাং থংবদা লৈরিবা লম হায়বনি।

ঐহাক্কী হোম স্তেত গুজরাত্তা লৈরিবা লোথাল অসি পৃথিবীগী খ্বাইদগী লীরবা হিথাংফমশিংগী মরক্তা অমনি। ঙসি ফাওবা মফম অদুদা দোক অমা লৈরি। ঙসি ফাওবা গুজরাতীশিংনা পাক চাউনা চত্থোক চৎশিন তৌরি হায়বা অসিদা ঙক্নীংঙাই লৈতে। ভারত মহাসাগরনা ভারতকী পুৱারীগী মশক তাক্লি। হৌজিক্তি মসিনা ঐখোয়গী তুংগী শোজৈ পায়খ্রে। মহাসাগর অসিনা ভারতকী ত্রেদ অমসুং ঐখোয়গী ইনর্জী সোর্সেসকী চাদা ৯০ পুদুনা চৎলি। মসিনা গ্লোবেল কমর্সকী লাইফ লাইনসু ওইরি। ভারত মহাসাগরনা দাইবর্স কলচর অমদি পিছ অমসুং প্রোস্পেরিতীগী লমদমশিং শম্নহল্লি। হৌজিক্তি মসিনা অচৌবা শক্তিশিংগী জহাজশিংসু পুদুনা চৎলি।

নোংপোক্তা, মলাক্কা স্তেত অমদি সাউথ চীনা সিনা ভারত অমসুং পেসিফিক অমদি ঐখোয়গী মরুওইবা পার্তনরশিং-

আসিয়ান, জাপান, রিপব্লিক ওফ কোরিয়া, চীনা অমসুং অমেরিকাবু শম্নহল্লি। লমদম অসিদা ঐখোয়গী ত্রেদ অসি লেপ্পা লৈতনা হেঙ্গৎলক্লি।

লমদম অসিদা ঐখোয়গী ইন্তরেস্ত অসি পাক চাউই অমদি ঐখোয়গী এঙ্গেজমেন্ত অসি অচেৎপনি। ভারত মহাসাগরগী লমদমদা ঐখোয়গী রিলেসনশিপ অসি মপাঙ্গল হেন্না কনখৎলক্লি। ঐখোয়গী মরূপশিং অমদি পার্তনরশিংগীদমক ইকোনোমিক কেপেবিলিতীশিং শেমগৎপা অমসুং মেরিতাইম সেক্যুরিতী ফগৎহনবদসু ঐখোয়না মতেং পাংলি। ইন্দিয়ন ওসিন নেভেল সিম্পোজিয়মগুম্বা ফোরমশিংগী খুত্থাংদা ঐখোয়না কলেক্তিব সেক্যুরিতী প্রমোৎ তৌরি।

ইন্দিয়ন ওসিন রিম এসোসিয়েসনগী খুত্থাংদা ঐখোয়না রিজনেল কো-ওপরেসনগী কমপ্রেহেন্সিব এজেন্দা অমগী মায়কৈদা চংশিল্লি। অমদি, ঐখোয়না গ্লোবেল ত্রাঞ্জিৎ রুৎশিংবু পিছফুল অমসুং ফ্রী ফোর ওল ওইহন্নবা ভারত মহাসাগরগী ৱাংমদা লৈরিবা পার্তনরশিংগসু লোয়ননা থবক তৌরি।

চহি অহুমগী মমাংদা মোরিসসতা ঐহাক্না ঐখোয়গী ওইবা মীৎয়েং অদু ৱাহৈ অমদা ফোংদোকখি- সাগর, মদুগী আর্থদি ওসিন হাইবনি। অমদি সাগরনা লমদম পুম্নমক অসিদা সেক্যুরিতী অমসুং গ্রোথ অদুগীদমক লেপ্লি।
সাউথ-ইস্ত এসিয়া অসি কংফাল অমসুং ঈশিংগী ওইনা ঐখোয়গী য়ুম্লোন্নবা ওইরি। সাউথইস্ত এসিয়ান লৈবাক খুদিংমক্কা লোইননা ঐখোয়না পোলিতিকেল, ইকোনোমিক অমসুং ঙাকশেলগী মরি থম্লি। হৌখিবা চহি ২৫দগী ঐখোয়না আসিয়ান, দাইলোগ পার্তনরশিংগা লোইননা স্ত্রাতেজিক পার্তনরশিং ওইরক্লি। ঐখোয়না চহিগী মীফমশিং অমসুং দাইলোগ মেকানিজম ৩০গী খুত্থাংদা ঐখোয়গী রিলেসনশিং শেমগৎলি।

ইস্ত এসিয়া সম্মিৎ, এ.দি.এম.এম. প্লস অমসুং এ.আর.এফ অসিনচিংবা আসিয়ান্না লুচিংবা ইন্সতিত্যুসনশিংদা ঐখোয়না এক্তিব ওইনা শরুক য়ারি। ঐখোয় বিম্সতেক অমদি সাউথ অমসুং সাউথইস্ত এসিয়াগী মরক্তা থোং অমা ওইরিবা মেকোং-গঙ্গা ইকোনোমিক কোরিদোরগী শরুক অমা ওইরি।

জাপানগা লৈনরিবা ঐখোয়গী মরিদা, ইকোনোমীক্তগী হৌরগা স্ত্রাতেজিক ফাওবা- ঐখোয়না মপুং ফানা ত্রান্সফোর্ম তৌরে। মদুনা ভারতকী এক্ত ইস্ত পোলিসীগী কোর্নর-স্তোন অমা ওইরি। রিপব্লিক ওফ কোরিয়াগা লোইননা ঐখোয়গী কোওপরেসনদা অচেৎপা মোমেন্তম অমা লৈরি। অমদি ওষ্ট্রেলিয়া অমসুং ন্যু জিলেন্দগা লোইননা ঐখোয়গী পার্তনরশিপতা ফ্রেশ ইনর্জী অমা লৈরি।

চহি অহুমগী মমাংদা, ঐহাক্না পেসিফিক আইলেন্দ নেসনশিংগা লোইননা এঙ্গেজমেন্তকী অনৌবা ফেজ অমা মায় পাক্না হৌদোক্নবা ফিজীদা খোংদাখি। ফোরম ফোর ইন্দিয়া-পেসিফিক আইলেন্দস কোওপরেসনগী মীফমশিংনা ইন্তরেস্ত অমসুং এক্সন সেয়র তৌবগী থোংদা জিওগ্রাফীগী ওইবা লাপ্নরিবা অদুদা শম্নহল্লে।

নুমীৎ তরানিগী মমাংদা সোচীদা পাংথোকখিবা ইনফোর্মেল সম্মিৎ অমদা রাষ্ট্রপতি পুতিন অমসুং ঐহাক্না ঐখোয়না হৌজিক মায়োক্নরিবশিং অদু দিল তৌনবগীদমক অচেৎপা মল্তি-পোলর ৱার্ল্দ ওর্দর অমগীদমক মথৌ তারিবা অদুদা ঐখোয়গী ওইবা মীৎয়েংশিং ফোংদোক্নখি। চপ মান্নবা মতম অদুমক্তদা, য়ুনাইতেদ স্তেতকা লোইননা ভারতকী গ্লোবেল স্ত্রাতেজিক পার্তনরশিপ মতম অমদা নীংজিং মাংজিংননা লৈরম্বা অদু লাকথুদুনা ঐখোয়গী লৈনরিবা মরি হেন্না চেৎশিনহন্দুনা পাকথোক চাউথোকহল্লে। চীনাগা লয়ার কয়াদা লৈনরিবা মরি অসুম্না ভারতনা কনাগুম্বা অমত্তগা মরি থমনদ্রি। ঐখোয় মালেম অসিদা মীশিং খ্বাইদগী য়াম্বা লৈবাক অনিনি অমদি খোংজেল য়াংনা চাউখৎলক্লিবা অচৌবা ইকোনোমীশিংনি। ঐখোয়গী কোওপরেসন অসি হেন্না পাকথোক চাউথোরক্লি। ললোন ইতিক হেঙ্গৎলক্লি।

এপ্রিল থাদা রাষ্ট্রপতিজীগা লোইননা পাংথোকখিবা নুমীৎ নিনিগী ইনফোর্মেল সম্মিৎ অদুনা গ্লোবেল পিছ অমসুং প্রোগ্রেসকীদমক মরুওইবা ফেক্তর অমা ওইনা ঐখোয়গী লৈবাক অনিগী মরক্তা অচেৎপা অমসুং তংদু লৈতাবা রিলেসনশিং খঙমিন্নবদা মতেং ওইখি। ভারত অমসুং চীনানা অমনা অমগী ইন্তরেস্ততা থাজবা অমসুং সেন্সিতিবকা লোইননা পুন্না থবক তৌমিন্নরবা মতমদা এসিয়া অমসুং মালেম অসিনা হেন্না ফবা ফ্যুচর অমা ফংবা ঙমগনি হায়বা ঐহাক্না চেৎনা থাজবা থম্লি।

ইন্দিয়া-অফ্রিকা ফোরম সম্মিৎ অসিগুম্বা মেকানিজমগী থোংদা ভারতনা আফ্রিকাগা লোইননা পার্তনরশিপ হেঙ্গৎলক্লি।

মরূপশিং,

ঐখোয়গী লমদমদা অমুক হঞ্জরক্লগে, ভারতকী এঙ্গেজমেন্ত হেঙ্গৎলক্লিবা অসি হেন্না চেৎপা ইকোনোমিক অমসুং ঙাকশেল কোওপরেসনগা লোইননা চৎমিন্নরি। ঐখোয়না মালেমগী অতৈ মফমদগীদি মফম অসিদনা ত্রেদ এগ্রীমেন্তশিং হেন্না চত্থরি। ঐখোয়না সিঙ্গাপুর, জাপান অমসুং সাউথ কোরিয়াগা লোইননা কমপ্রেহেন্সিবইকোনোমিক পার্তনরশিপ এগ্রীমেন্তশিং পাংথোক্লি।
ঐখোয়না আসিয়ান অমসুং থাইলেন্দগা লোইননা ফ্রী ত্রেদ এগ্রীমেন্তশিং চত্থরি। অমদি রিজনেল কমপ্রেহেন্সিব ইকোনোমিক পার্তনরশিপ এগ্রীমেন্তদা ঐখোয়না এক্তিব ওইনা শরুক য়ারি। নৌতিকেল মাইল ৯০ লাপ্না লৈরিবা ইন্দোনেসিয়াদা হন্দক্তা ঐহাক্না ঐহাক্কী অহানবা খোংচৎ চৎখি।

ঐহাক্কী মরূপ রাষ্ট্রপতি ৱিদোদো অমসুং ঐহাক্না ইন্দিয়া-ইন্দোনেসিয়া রিলেসন্স অদু কমপ্রেহেন্সিব স্ত্রাতেজিক পার্তনরশিপ অমদা অপগ্রেদ তৌখি। অতোপ্পা সেয়র্দ ইন্তরেস্তশিংগী মরক্তা ঐখোয়না ইন্দো-পেসিফিক রিজন্দা মেরিতাইম কোওপরেসনগীদমক কমন ভিজন অমা লৈরি। ইন্দোনেসিয়াদগী হল্লকপগী লম্বীদা আসিয়ানগী খ্বাইদগী সেনিয়ার লুচিংবা ওইরিবা প্রধান মন্ত্রী মহাথিরগা উননবা ঐহাক্না মতম খরগী ওইনা মলেসিয়াদা পনখি।

মরূপশিং,

ইন্দিয়ন আর্মদ ফোর্সেস, অখন্ননা ঐখোয়গী ঈশিং লান্মীশিংনা শান্তি অমসুং তংদু লৈতাবা, লোয়না লোয়ননা হ্যুমেনিতরিয়ান এসিস্তেন্স অমসুং দিজাস্তর রিলিফকীদমক ইন্দো-পেসিফিক রিজন্দা পার্তনরশিপ শেমগৎ শাগৎলি। লমদম অসিদা মখোয়না ত্রেন তৌরি, এক্সরসাইজ চত্থরি অমদি গুদৱিল মিশনশিং কন্দক্ত তৌরি। খুদম ওইনা, সিঙ্গাপুরগা লোইননা ঐখোয়না অয়েৎ অপন য়াওদবা চত্থরিবা খ্বাইদগী শাংবা নেভেল এক্সরসাইজ অসি হৌজিক্তি চহি ২৫ শুরক্লে।

অথুবা মতমদা ঐখোয়না সিঙ্গাপুরগা লোইননা ত্রাই-লেতরেল এক্সরসাইজ অমা হৌদোক্লগনি অমদি ঐখোয়না অতোপ্পা এসিন লৈবাকশিংদা শন্দোক্নবা পান্দমসু থম্লি। ম্যুচুয়েল কেপেবিলিতীশিং শেমগৎ শাগৎনবা ঐখোয়না ভিয়েৎনামগুম্বা পার্তনরশিংগা লোইননা থবক তৌমিন্নরি। ভারতনা য়ুনাইতেদ স্তেত অমসুং জাপানগা লোইননা মালাবার এক্সরসাইজ কন্দক্ত তৌরি। ভারত মহাসাগরদা চত্থবা ভারতকী এক্সরসাইজ মিলন্দা রিজনেল পার্তনর কয়া অমনা শরুক য়ারি, অমদি পেসিফিক্তা চত্থরিবা রিমপেক্তা শরুক য়ারি। এসিয়াগী সহর অয়াম্বদা জহাজশিংদা চত্থরিবা পাইরেসী অমসুং আর্ম রোবরী থেংননবা রিজনেল কোওপরেসন এগ্রীমেন্তদা ঐখোয়না এক্তিব ওইনা থবক তৌরি।

চহি অমদা ঐখোয়না গ্রোথ চাদা ৭.৫ দগী ৮ ফাওবা সস্তেন তৌরি। ঐখোয়গী ইকোনোমী হেঙ্গৎলকপনা মরম ওইদুনা ঐখোয়গী গ্লোবেল অমসুং রিজনেল ইন্তিগ্রেসন হেঙ্গৎলগনি।

মরূপশিং,

ইন্দো-পেসিফিক অসি নেচরেল লমদম অমনি। মসি গ্লোবেল ওপোর্চুনিতিজ অমদি চেলেঞ্জেসকী পাক চাউরবা এরে অমগী য়ুমসুনি। ঙসি ঐখোয়না মথক্কী দিবিজনশিং অমসুং কম্পিতিসনশিং হেঙ্গৎহন্নবা পুন্না থবক তৌমিন্ননবা ৱাফম থম্নরি।
সাউথ ইস্ত এসিয়াগী লৈবাক তরাবু জিওগ্রাফীকেল অমসুং সিভিলাইজেস্নেল সেন্স অনিমক্তা অচৌবা মহাসাগর অনিমক্কা শম্নরি। মরম অদুনা ইনক্লুসিবনেস, ওপননেস অমদি এসিন সেন্ত্রেলিতী অমসুং য়ুনিতী অসি অনৌবা ইন্দো-পেসিফিক্কী ময়াইদা লৈরি। ভারতনা ইন্দো-পেসিফিক লমদমবু স্ত্রাতেজী অমা নত্রগা অকক্নবা মীহুৎ মশিং লৈবা ক্লব অমগুম্না উখিদে। নত্রগনা দোমিনেৎ তৌনবা হোৎনরিবা গ্রুপিং অমগুম্না উদে। মরম অদুনা ইন্দো-পেসিফিক লমদমগীদমক্তা ভারতকী মীৎয়েং অসি পোজিতিব ওইবা অমনি। অমদি মসিগী ইলিমেন্ত কয়া অমা লৈরি।

অমা,

মসিনা ফ্রী, ওপন, ইনক্লুসিব লমদম অমগীদমক লেপ্লি, মদুনা প্রোগ্রেস অমসুং প্রোসপেরিতীগী কমন পর্সুইৎ অমদা ঐখোয় পুম্নমকপু কোনশিল্লি। জিওগ্রাফী অসিদা লৈরিবা লৈবাক পুম্নমক মসিগী মনুং চল্লি।
অনি,

সাউথইস্ত এসিয়া অসি মসিগী ময়াইদা লৈরি। অমদি, তুংদা আসিয়ান্না মসিগী ময়াইদা লৈরগনি। লমদম অসিদা শান্তি অমসুং সেক্যুরিতীগী আর্কিতেকচর অমা কোওপরেত তৌনবা ঐখোয়না হোৎনরিবা অদুম্না মতম পুম্নমক্তা ভারতপু লমজিং লমতাক্কদৌরিবা অদুগুম্লবা ভিজন অদু ওইরগনি।

অহুম,

ঐখোয়না থাজবা থম্লি মদুদি, ঐখোয়গী কমন প্রোসপেরিতী অমদি সেক্যুরিতী অদু লমদম অসিগী কমন রুল্স-বেজ ওর্দর অমগী দাইলোগকী খুত্থাংদা ফোংদোকপা মথৌ তাই। অমদি মসিনা ইন্দিবিজুয়েল্লী নত্রগা গ্লোবেল্লী চাং মান্ননা এপ্লাই তৌগদবনি।

মরি,

ঐখোয়না সমুদ্র অমসুং নোংথক্তা লৈরিবা কমন স্পেস শিজিন্নবদা ইন্তর্নেস্নেল লোগী মখাদা ফংফম থোকপা অদুমক চপ মান্ননা এসেস তৌগদবনি। কোদ অদু ঐখোয় পুম্নমক্না য়ানরবা মতম অদুদা ঐখোয়গী সি লেনশিং অসি প্রোসপেরিতী অমসুং শান্তিগী কোরিদোরগী লম্বী ওইগনি। ঐখোয়না মেরিতাইম ক্রাইমশিং ঙাকথোকপা, মেরিন ইকোলোজী প্রিজার্ব তৌবা, দিজাস্তর মায়োক্নবা অমসুং ব্লু ইকোনোমী ফগৎহনবদা পুন্না থবক তৌবসু ঙমহল্লগনি।

মঙা,

লমদম অসিনা, অমসুং ঐখোয় পুম্নমক্না গ্লোবেলাইজেসনদগী কানবা ফংলি। ভারতকী চিঞ্জাক অসি কানরিবা অসিগী খ্বাইদগী ফবা খুদমশিংগা মরক্তা অমনি। ভারতনা ওপন অমসুং স্তেবল ওইবা ইন্তর্নেস্নেল ত্রেদ রেজিম অমগীদমক লেপ্লি। ঐখোয়না ইন্দো-পেসিফিক রিজন্দা রুল-বেজ, ওপন, বেলেন্স অমসুং স্তেবল ত্রেদ এনভাইরনমেন্তসু সপোর্ত তৌগনি। মদুমক ঐখোয়না রিজনেল কমপ্রেহেন্সিব ইকোনোমিক পার্তনরশিপতগী আশা তৌরি।

তরুক,

কনেক্তিবিতী অসি মরু ওই। মসিনা ত্রেদ অমসুং প্রোসপেরিতী হেঙ্গৎহল্লি। মসিনা লমদম অমবু অমত্তা ওইনা পুন্সিল্লি। চহি চা কয়াদগী ভারত অসি ক্রোসরোদ ওইরি। ঐখোয়না কনেক্তিবিতীগী কানবশিং অদু খঙই। লমদম অসিদা কনেক্তিবিতী ইনিসিয়েতিব কয়া অমা লৈরি। করিগুম্বা মসিনা মায় পাকপা তারগদি ঐখোয়না ইনফ্রাস্ত্রকচর শেমগৎপা নত্তনা থাজবগী থোংশিংসু ঐখোয়না শারগনি। সাউথ এসিয়া অমদি সাউথইস্ত এসিয়া, ইন্দিয়ন ওসিন, আফ্রিকা, ৱেস্ত এসিয়া অমদি মদুগী মখা তাথবা মফমশিংদা ভারতনা মসা মথন্তনা অমসুং জাপানগুম্বা অতোপ্পা পার্তনরশিংগা লোইননা মসাগী শরুকশিং পায়খৎলি। অমদি, ঐখোয় ন্যু দিবেলপমেন্ত বেঙ্ক অমসুং এসিয়ান ইনফ্রাস্ত্রকচর ইনভেস্তমেন্ত বেঙ্ককী মরুওইবা স্তেক হোল্দরশিং ওইরি।

অরোইবদা,

মসিগী মমাংদা ঐহাক্না হায়খিবা চাউনা শক্তি মুন্নবগী মতম অদুদা করিগুম্বা ঐখোয়না অমুক হঞ্জিল্লকতবা তারগদি মসি পুম্নমক অসি ওইথোকপা য়াই। কোওপরেসনগী এসিয়া অদুনা চহিচা অসিদা মওং মতৌ পীরগনি। চাংদম্নবা অসিদি হৌনশানি। অদুবু চাংদম্নবা অসি কনফ্লিক্তা ওন্থোকলোইদবনি।

লোইশিল্লকপদা, ঐহাক্না ৱাফম অসি অমুক হন্না হায়রি: ভারতনা মসাগী লৈজরিবা এঙ্গেজমেন্ত অসি আফ্রিকাগী সমুদ্র খোংবালদগী হৌরগা অমেরিকাগী সমুদ্র খোংবাল ফাওবা ইন্দো পেসিফিক রিজন্দা য়াওহনগনি। ঐখোয় বেদান্তা ফিলোসোফীগী ইনহেরিতরশিংনি, অমদি য়ুনিতী অমসুং দাইবর্সিতী একম সত্যম, বিপ্রা: বহুদাবদন্তি পাংথোক্লি- অচুম্বা অসিদি অমখক্তনি, খঙ হৈরবশিংনা লম্বী কয়াদা ফোংদোকপনি। মদুনা ঐখোয়গী সিভিলাইজেসনগী ওইবা হৌনশা অদুগী ফাউন্দেসন্নি।
মরম অদুনা মসি হিন্দীগী এস মঙাদা ত্রান্সলেৎ তৌরি: সম্মান (ইকায় খুম্নবা); সম্বাদ (ৱারী শান্নবা); সহয়োগ (কোওপরেসন); শান্তি (পিছ) অমসুং সমৃদ্ধি (প্রোসপেরিতী)। ৱাহৈশিং অসি তম্বদা লাইনা থোকই, মরম অদুনা ঐখোয়না ৱারী শান্নবা অমসুং ইন্তর্নেস্নেল লোদা মপুং ফানা ৱাশকপগী থোংদা ইকায় খুম্নদুনা মালেম অসি শান্তিগা লোইননা এঙ্গেজ তৌগনি।

মালেম অসি ক্রোসরোদ অমনি। মসিদা মিহৌবগী ওইবা পুৱারীগী খ্বাইদগী ফত্তবা পরাশিং য়াওরি। অদুবু মসিদা পুক্নীং লৌশিংগী লম্বী অমসু পীরি। হেন্না ৱাংবা পর্পজ অমগীদমক মসিনা ঐখোয়বু সম্মোন তৌরি। লম্বী অদুদা চৎননবা পুম্নমক্কী মফমদা তকশিন্নবা ঐহাক মফম অসিদা লাক্লি।

ময়াম্বু থাগৎচরি।

ময়াম্বু হায়নীংঙাই লৈতনা থাগৎচরি।

***