ভারতকী প্রধানমন্ত্রী

মফম অসিদা তিনবীরিবা শক্নাইরবশিং অমদি ঐহাক্কী নহা ওইরিবা মরূপশিং।

মরূপশিং, ঙসি অয়ুক জম্মু-কশ্মীরগী তোঙান তোঙানবা মফমশিংদা চৎপগী তঞ্জা অদু ঐহাক্না ফংজখি। ঐহাক মফম অসিদা মতম চানা য়ৌরকপা ঙমখিদ্রে, চাউরাক্না পুং অমা চোন্থনা য়ৌরক্লে। মদুগীদমক ময়ামগী মফমদা ঙাকপীনবা হায়জরি। লেহদগী হৌরগা শ্রীনগর ফাওবদা দিবেলপমেন্তকী প্রোজেক্তশিং ঙসি শঙ্গাখ্রে। অনৌবা থবকশিংসু পায়খৎপা হৌখ্রে।

মরূপশিং, য়ুনিবর্সিতী অসি চাউরাক্না চহি ২০ শুরক্লে অমদি হৌজিক ফাওবদা মহৈরোই কয়া অমা মফম অসিদগী তম্বা লোইরদুনা চৎখ্রে। হৌজিক্তি মখোয় মফম অমা নত্রগা অমদা সোসিয়েল এক্তিবিতীদা শরুক য়ারি।

ঙসি য়ুনিবর্সিতী অসিগী তরুকশুবা কনভোকেসনগী থৌরম পাংথোক্লি। থৌরম অসিদা ময়ামগী মরক্তা তিনজনবগী তঞ্জা অমা ফংজরে। বার্তন তৌবিরকপগীদমক য়ুনিবর্সিতীগী এদমিনিস্ত্রেসনগী লমন তোনশিনজরে। ঙসি মফম অসিদা জম্মুগী স্কুলশিংদগী মহৈরোইশিংনা শরুক য়ারিবা অসিদা ঐহাক নুংঙাইবা ফাওই। ঙসি মফম অসিদা মহৈরোই ৪০০ হেনবদা দিগ্রী, মেদল অমদি সর্তিফিকেৎশিং খুৎশিন্নখ্রে। নখোয় ময়ামগী মফমদা য়াইফ-পাউজেল পীজরি। ঙসি লৈবাক অসিদা শান্ন-খোৎনবদা ওইগেরা, এজুকেসন্দা ওইগেরা, মফম খুদিংদা নুপীমচাশিংনা মীথোই মীহেনবা ওইরক্লি।

মরূপশিং, অদোম অদোমগী খুৎতা পাইরিবা অদু দিগ্রী নত্রগা সর্তিফিকেৎ অদু খক্তা নত্তে, লৈবাক অসিগী লৌমীশিংগী থাজবনি। অদোমগী খুত্তা পায়রিবা সর্তিফিকেৎশিং অদুদা লৈবাক অসিগী লৌমীশিংগী আশা-এস্পিরেসন থন্না য়াওরি।

নহা ওইরিবা মরূপশিং, তেক্নোলোজীনা থবক তৌবগী মওং মতৌদা অহোংবা পুরক্লি, এমপ্লোইমেন্তকী অনৌ অনৌবা মওং মতৌশিং দিবেলপ তৌরি, মতৌ অদুম্না এগ্রীকলচর সেক্তরদসু অনৌবা কলচর দিবেলপ তৌবা মথৌ তাই। ভিজন অসিগী মখাদা কেন্দ্র সরকারনা লৈবাক অসিদা লৌউ-শিংউবগা মরি লৈনবা মোর্দন তেক্নিকশিংদা পুক্নিং থৌগৎলি।

লৈবাক অসিদা হৌজিক ফাওবদা সোইল হেল্থ কার্দ কোতি ১২ হেন্না য়েন্থোকখ্রে। মসিগী মনুংদা জম্মু-কশ্মীরগী লৌমী লাখ ১১না কার্দ অসি ফংলে। কার্দশিং অসিগী মতেংনা লৌমীশিংবু মখোয়গী লৌবুকশিংদা করম্বা হার শিজন্নগনি হায়বা অদু খঙবা ঙমহল্লে।

য়ুরিয়াবু চাদা চামা নীম কোতিং তৌবগী কান্নবা অদুসু লৌমীশিংনা ফংলে। মসিনা চাথোক হেঙ্গৎহনবগা লোয়ননা হেক্তর অমদা চংবা য়ুরিয়াগী চাং অদুসু হন্থহল্লে।

ইথৈ লৌখোংগী অনৌবা তেক্নিক অমদি ইশিংগী ইরিক অমমম শিজিন্ননবা ৱাখল্লোনগা লোইননা মাইক্রো অমসুং স্প্রিঙ্কলর ইরিগেসনদা পুক্নিং থৌগৎলি। ঐখোয়গী মিসন অসি পর দ্রোপ মোর ক্রোপ ওইগদবনি।

হৌখিবা চহি মরি অসিদা মফম হেক্তর লাখ ২৪ হেন্না মাইক্রো অমসুং স্প্রিঙ্কলর ইরিগেসন চত্থহল্লে। হৌখিবা নুমীৎ নিনিগী মমাংদা মন্ত্রীমন্দলনা মাইক্রো ইরিগেসনগীদমক লুপা কোতি লিশিং মঙাগী ফন্দ লাওথোক্তুনা অয়াবা পীখ্রে।

মফম অসিদগী তম্দুনা চৎখ্রবা মতুং সাইন্তিফিক এপ্রোচ, তেক্নোলোজীকেল ইনোবেসন অমদি রিসর্স এন্দ দিবেলপমেন্তকী খুত্থাংদা লৌউ শিংউববু কান্নরবা প্রোফেসন ওইহনবদা অদোম্না মরুওইবা থৌদাং লৌগনি হায়বা লৈবাক অসিনা থাজবা থম্লি। লৌউ শিংউবদগী হৌরগা শা ষন লোইবা অমদি মসিগা মরি লৈনবা অতোপ্পা প্রোফেসনশিংবু অনৌবা তেক্নিক শিজিন্নদুনা হেন্না ফগৎহন্নবা থৌদাং অদু ঐখোয়গী নহারোলশিংগী খুৎতা লৈরে।

মফম অসিদা লাক্ত্রিঙৈ মমাংদা নখোয়না হোৎনখিবশিং অদু তারুবদা ঐহাক্কী আশা হেঙ্গৎখ্রে। নখোয়গী মফমদা থম্লিবা ঐহাক্কী থজবা অদু হেঙ্গৎলে। লৌমীশিংগী শেন্থোক হেঙ্গৎহন্নবগীদমক নখোয় অমসুং নখোয়গী য়ুনিবর্সিতী অসিনা নখোয়গী রিজন অসিগীদমক শেমগৎলিবা মোদেল অদুগী মতাংদা ইফমদা পাউদম্বীররে। নখোয়না মদুবু ইন্তেগ্রেতেদ ফার্মিং সিস্তেম মোদেল হায়বদি আই এফ এস মোদেল হায়না মমিং থোল্লি। মোদেল অসিদা মহৈ মরোংসু য়াওরে, উহৈ-মনা মশিং অমদি লৈসু য়াওরে, শা-ষন লোইবসু য়াওরে, ঙা অমদি য়েন লোইবসু য়াওরে, কম্পোস্তসু য়াওরে, চেঙ্গুম অমসুং বায়োগ্যাসকী ৱাখল্লোনসু য়াওরে। মসিনা থা খুদিংগী শেন্থোক লৈহনবতা নত্তনা চহি অমদা চাউরাক্না শরুক অনিমুক থবক পীরগনি।

চহি চুপ্পা অমা লৌমীশিংগী লেংদবা শেন্থোক লৈহনগদৌরিবা মোদেল অসি য়াম্না মরু ওই। মশা নানবা চাকথোংনবা মৈসু ফংলগনি, লৌউ শিংউবগী অমোৎ-অকায়দগী ঙাকথোকপসু ঙম্লগনি, খুঙ্গংসু অমোৎ অকায় চেল্লরোই। মফম অসিগী ক্লাইমেৎ কন্দিসনগী ফিভম য়েংলগা নখোয়না দিবেলপ তৌরিবা মোদেল অসিগীদমক ঐহাক্না থোইদোক হেন্দোক্না থাগৎচরি।

মরূপশিং, গ্রীন অমসুং হ্বাইত রিভোলুসনগা লোয়ননা লোয়ননা ওর্গানিক রিভোলুসন, ৱাতর রিভোলুসন, ব্লু রিভোলুসন, স্বীৎ রিভোলুসনদা পুক্নিং থৌগৎলিবা মখৈ লৌমীশিংগী ইনকম হেঙ্গৎকনি।

লৌউ শিংউবগী লমদা রিফোর্ম তৌনবগীদমক হন্দক্তা অচৌবা স্কিম অমসু লাওথোকখ্রে। লৌউ শিংউবগা মরি লৈনবা স্কিম ১১বু হরিৎ ক্রান্তি কৃষি উন্নতি য়োজনাগী মনুং চলহল্লে। মসিগীদমক লুপা কোতি ৩৩,০০০ হেন্না কায়থোক্লে।

মরূপশিং, ৱেস্ততগী ৱেল্থ ক্রিয়েৎ তৌনবগী মায়কৈদা ভারত সরকারগী চাউরবা মীৎয়েং লৈরি। লৈবাক অসিগী তোঙান তোঙানবা মফমশিংদা অসিগুম্বা মখলগী খোংথাং পায়খৎতুনা এগ্রীকলচরেল ৱেস্তপু ৱেল্থ ওন্থোক্নবগীদমক থবক তৌরি।

সরকার অসিনা চহি অসিগী বজেৎতা গোবর ধন স্কিমসু লাওথোকপা লৈখ্রে। স্কিম অসিনা খুঙ্গংগী লু নানবা হেঙ্গৎহনবতা নত্তনা বাইও ৱেস্তেজ অদুনা লৌমীশিং অমদি শা-ষন লোইরিবশিংগী শেন্থোক হেঙ্গৎহনবদা মতেং ওইরগনি। য়ুবী মশিংগী অরেমখাক ওইগেরা, য়ুবী মকু ওইগেরা, ৱাগী অরেমখাক ওইগেরা, লৌ খাওরবা মতুং লৌবুক্তা লৈহৌবা অরেমখাকশিং অদুদগী শেন্থোক হেঙ্গৎহনবা য়াই।

মসিদা নত্তনা ঐখোয়না ৱাগা মরি লৈনবা অরিবা আইন অদুসু শেম্দোক্তুনা ৱা থাবগী লম্বীদা লাইথোকহল্লে। অদোম্না অঙকপা ফাওগনি মদুদি চাউরাক্না লুপা কোতি লিশিং ১৫গী ৱা ঐখোয়গী লৈবাক অসিনা ইমপোর্ত তৌই।

মরূপশিং, মফম অসিদা লাক্ত্রিঙৈ মমাংদা ঐহাক্না নখোয়গী য়ুনিবর্সিতীগী মরমদা পারুবা মতমদা নখোয়গী ফসল প্রোজেক্তকী মতাংদসু খঙবা ঙম্লে। মসিগী খুত্থাংদা মহৈ মরোং থাবগী সিজনগী মাংওইননা মহৈ মরোংগী আউৎপুৎ অমদি চহি চুপা ইশিং মনিলগী চাং কয়া য়াম্না লৈগনি হায়বা অদু খঙদোকপা ঙম্লে। অদুবু মসিদগী হেন্না মাংলোমদা চংশিনবা মথৌ তাই। অনৌবা ফিভম মায়োক্ননবা অনৌবা লালোং মথৌ তাই। লালোং অসি মহৈ মরোংগী থাক্তসু মথৌ তাই অমদি তেক্নোলোজীগী থাক্তসু মথৌ তাই। ইশিং য়াম্না চংদবা অদুগুম্লবা মহৈ মরোংগী ভেরাইতীদা পুক্নিং চংবা মথৌ তাই।

ঐহাক্না নখোয়দা সি বকথোর্নগী খুদম পীগে। নখোয় ময়াম্না সি বকথোর্নগী মরমদা খঙলম্লগনি। লদাখ লমদমদা ফংবা পাম্বী অসি মাইনস ৪০দগী +৪০ সেন্তিগ্রেদ ফাওবগী খ্বাইদগী কনবা তেম্পরেচর খাংদুনা লৈনবা মপাঙ্গল লৈজৈ। ফনা য়াম্না কংলবসু মশা মথন্তা হৌজবা ঙম্মি। লৈবাক্কী অমদি মীরমগী মোর্দন রিসর্স ওর্গনাইজেসনশিংনা সি বকথোর্ন অসি মমল ৱাংনা খন্নরি। ব্লদ প্রেসরগী সমস্যা ওইগেরা, লাইহৌ ওইগেরা, ত্যুমর ওইগেরা, নুং ওইগেরা, অল্সর ওইগেরা, মদু নত্রগা লোক খুলাই ওইগেরা, সি বকথোর্নদগী শেম্লকপা তোঙান তোঙানবা মখলগী হিদাকশিংনা কানবা পীরি।

সি বকথোর্ন অসি হৌজিক্তি হর্বল তিদা, জেমদা, প্রোতেক্তিব ওইলদা, প্রোতেক্তিব ক্রিম অমদি হেল্থ দ্রিঙ্কতসু চাং ৱাংনা শিজিন্নরি। য়াম্না ৱাংবা চীংশিংদা মথৌ তৌরিবা সেক্যুরিতী ফোর্সকী জৱানশিংদা মসিনা য়াম্না কানবা পীরি। সি বকথোর্নদগী মখল কয়াগী এন্তিওক্সিদেন্ত প্রদক্তশিং শেম্লি।

এগ্রীকলচরদা আর্তিফিসিয়েল ইন্তেলিজেন্স শিজিন্নবা অসি য়াম্না মরু ওইবা হিরম অমা ওইরি। মসিনা তুংদা লৌউ-শিংউবদা চাউনা অহোংবা পুরক্লগনি। লৈবাক অসিগী মফম খরদা অক্নবা থাক্তা লৌমীশিংনা পেস্ত কন্ত্রোলগীদমক দ্রোন শিজিন্নবা হৌরে। মসিগী মথক্তা সোইল মেপ্পিং অমদি কমুনিতী প্রাইজিংদসু তেক্নোলোজীনা মথৌ পাংথোক্লি। মসিদসু নত্তনা লাক্কদৌরিবা নুমিৎশিংদা ব্লোক চেন তেক্নোলোজীগীসু অচৌবা থৌদাং লৈরগনি। তেক্নিক অসিনা সপ্লাই চেন্দা রিয়েল তাইম মোনিতরিং পাংথোকপা ঙম্লগনি।

মরূপশিং, সরকার অসিনা ই-নামগুম্বা য়োজনাগী খুত্থাংদা লৈবাক পুম্বদা লৈরিবা মন্দিশিংবু হান্ননা শম্নহল্লে। মসিগী মথক্তা গ্রাম মন্দি লিশিং ২২বু থোক মন্দি অমদি বৈশ্বিক বজারশিংগা শম্নহন্নবা হোৎনরি। সরকার অসিনা এফ পি ওদসু পুক্নিং থৌগৎলি। লৌমীশিংনা মখোগী লমদমশিংদা, মখোয়গী থাক্তা ওর্গনাইজেসন মচা মচা শেম্দুনা গ্রামিন হৎ অমদি অচৌবা মন্দিশিংগসু য়াম্না লায়না শম্নবা য়াই।

এগ্রীকলচর সেক্তরদা অনৌবা স্তার্ত অপ কমদৌনা লাক্কনি, অনৌবা ইনোবেসন করম্না লক্কনি, মসিদা ঐখোয় পুক্নিং চংগদবনি। লোকেল ফার্মরশিংবু তেক্নিক্কা শম্নহন্নবা নখোয়না লেপ্পা লৈতনা হোৎনগদবনি। নখোয় পুম্নমক্না মহৈ তম্লিঙৈ মনুংদা খুঙ্গংগী থাক্তা মীয়াম্বু ওর্গানিক ওইবা লৌউ শিংউ পথাপকা শম্নহন্নবা থবক কয়া পাংথোকখি হায়বা ঐঙোন্দা তমখি। ওর্গানিক ওইবা লৌউ শিংউদা পক্নবা মহৈ মরোংগী মখলশিংদসু নখোয়না থিজিল খোমজিল্লি।

মরূপশিং, জম্মু-কশ্মীরগী লৌমীশিংগীদমক হৌখিবা চহি মরি অসিদা কেন্দ্র সরকারনসু স্কিম কয়াদা অয়াবা পীখ্রে। লৌউ শিংউবগা মরি লৈনবা অতোপ্পা স্কিমশিংগীদমক লুপা কোতি ৫০০গী অয়াবা পীখ্রে মদুগী মনুংদা কোতি ১৫০দি হান্ননা কায়থোকখ্রে। লেহ অমসুং কার্গীলদা কোল্দ স্তোরেজ শানবা থবকসু চত্থরি। মসিগী মথক্তা সোলর দ্রায়র সেৎঅপ তৌরিবশিংগীদমক লুপা কোতি ২০গী সবসিদীগী খুদোংচাবা পীরি।

মরূপশিং, ঙসিদি নখোয় মফম অসিগী ক্লোজ ক্লাসরুম এনভাইরোনমেন্ত অমদগী নানথোক্লগনি, নখোয় পুম্নমক্কী মফমদা ঐহাক্কী য়াইফ-পাউজেল পীজরি। ফকলাংনা খাজিনবা ক্লাসরুম অসি হৌজিক্তি থাদোক্লগনি অদুবু য়াম্না চাউবা ওপন ক্লাসরুম্না নখোয়বু মপান্দা ঙাইদুনা লৈরি। মফম অসিদা তম্বা লোইরে, পুন্সিগী অশেংবা মহৈ তম্বদি হৌজিক হৌরগনি। মরম অদুনা মহৈরোই অমা ওইবগী ৱাখল্লোন অদু মতম পুম্নমক্তা হিংহন্দুনা থমগদবনি। মতম অদুদা নহাক্না ইনোবেতিব ওইবা ৱাখল্লোনশিংগা লোইননা লৈবাক অসিগী লৌমীশিংগীদমক হেন্না ফবা মোদেল পুথোকপা ঙমগনি।

নহাক নশাগী মংলান, নহাক্কী ইমা-পাবুংগী মংলান মংফাওহনগনি হায়না ৱাশকপিরো। লৈবাক অসি শেমগৎ শাগৎপদা অদোমসু শরুক য়াবিয়ু। ৱাফম অসিগা লোয়ননা ঐহাক লোইশিনজরগে অমদি মরূপশিংগী মফমদা য়াইফ-পাউজেল পীজরি। মখোয়গী ইমুং মনুংগী মীওইশিংগী মফমদসু নুংঙাইবা ফোংদোকচরি।

হায়নীংঙাই লৈতনা থাগৎচরি।