ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ইন্দিয়ন পেত্রোলিয়ম অমসুং এক্সপ্লোসিব্স সেফতী সর্বিস (আই.পি.ই.এস.এস.)কী মিংদা প্রেতোলিয়ম অমসুং সেফতী ওর্গনাইজেসন (পি.ই.এস.ও.)গী তেক্নিকেল কেদরগী মখাদা গ্রুপ ‘এ’ সর্বিস শেম্বা অমসুং কেদর রিভ্যু তৌবগী অয়াবা পীখ্রে।

খোংথাং অসিদগী ওর্গনাইজেসনগী কেপাসিতী অমসুং ইফিসিয়েন্সীদা হেন্না ফবা পুরক্লগনি লোইননা মসিদগী গ্রুপ ‘এ’ ওফিসরশিংগী কেরিয়র হেনগৎহল্লগনি।

যুম্ফমঃ

পি.ই.এস.ও. অসি ইন্দস্ত্রিয়েল পোলিসী অমসুং প্রমোসন বিভাগ (দি.আই.পি.পি.)গী মখাদা লৈবা সবওর্দিনেৎ ওফিস অমনি। ওর্গনাইজেসন অসি এক্সপ্লোসিব, কম্প্রেস গ্যাস অমসুং পেত্রোলিয়মগুম্বা পোৎশকশিংগী ঙাক-শেলগীদমক্তা ১৮৯৮দগী নোদল এজেন্সী অমা ওইনা লৈবাক অসিগী সেবা তৌরক্লি। মতমগী মতুং ইন্না পি.ই.এস.ও.গী মথৌ অমসুং মসিগী হক্তা শরুক কয়া মরুম হেনগৎলে অমসুং মসি তোঙান তোঙানবা লমশিংদা শন্দোকখ্রে। ঙসিদি ওর্গনাইজেসন অসি এক্সপ্লোসিব, পেত্রোলিয়ম, কম্প্রেস গ্যাস, প্রেসর ভেসেল্স, গ্যাস সিলিন্দর, ক্রোস-কন্ত্রী পাইপলাইন্স, লিক্যুফাইদ নেচরেল গ্যাস (এল.পি.জি.), কম্প্রেস নেচরেল গ্যাস (সি.এন.জি.), ওতো লিক্যুফাইদ নেচরেল গ্যাস (ওতো এল.পি.জি.)নচিংবা মরি লৈনবা পাক চাউরবা হিরমশিংদা থবক পাইখৎলি। লাইসেন্স পাইরবা প্রেমিজেস অমসুং অতৈ থবক-থৌরমশিংগী মশিংদা শিংথানীংঙাই ওইরবা চাউখৎপা পুরকপগা লোইননা ওর্গনাইজেসন অসিদা থবক পীবগী চাং অসি হেনগৎলক্লি।

পি.ই.এস.ও.গী তেক্নিকেল কেদর গ্রুপ ‘এ’গী মখাদা হৌজিক্কী লৈরিবা ফম অসি ১৩৭নি, মসিগী মনুংদা জুনিয়র তাইম্স স্কেল (জি.তি.এস.)গী থাক্তা ওফিসর ৬০, সেনিয়র তাইম্স স্কেল (এস.তি.এস.)গী থাক্তা ওফিসর ৪৬, জুনিয়র এদমিনিস্ত্রেতিব গ্রেদ (জে.এ.জে.)কী থাক্তা ওফিসর ২৩, জে.এ.জে.গী থাক্তা ওফিসর (লেভেল ১৩) ৭ অমসুং সেনিয়র এদমিনিস্ত্রেতিব গ্রেদ (এস.এ.জি.) থাক্তা এক্সপ্লোসিবকী চীফ কন্ত্রোল্লর ১ য়াওরি।

গ্রেদ পুম্নমক্তা শিন্মীশিংগী মোরেল অমসুং ৱর্কফোর্স হেনগৎহন্নবগীদমক্তা ঐই.পি.ই.এস.এ.গী মিংদা পি.ই.এস.ও.গী মখাদা গ্রুপ ‘এ’ তেক্নিকেল সর্বিস কেদর শেম্বগী ৱারেপ লৌখ্রে। লোইননা নৌনা শেম্লবা সর্বিসপু ১৩ শুবা থাক্তা ফম মঙা পুখৎনবা, ১২ শুবা থাক্তা ফম ৩ পুখৎনবা অমসুং ১১ শুবা থাক্তা ফম ৮ হন্থহন্নবা ৱারেপসু লৌখি।