ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা কন্সতিত্যুসন ওর্দর(সি.ও.)১১৪ তারিক ১২ ফেব্রুৱারী ১৯৮১ ককথৎতুনা অমসুং অনৌবা কন্সতিত্যুসন ওর্দর চৎনহন্দুনা ভারতকী সংবিধানগী মঙাশুবা সেদ্যুলগী মখাদা রাজস্থানগা মরি লৈনবা সেদ্যুল এরিয়াশিং লাওথোকপদা অয়াবা পীখ্রে।

অনৌবা সি.ও. চৎনহনবনা রাজস্থানগী সেদ্যুল ত্রাইবকী মীয়ামনা ভারত সংবিধানগী মঙাশুবা সেদ্যুলগী মখাদা ফংলিবা কান্নবশিং অদু ফংবা ঙমহল্লগনি।

রাজস্থান সরকারনা ভারতকী সংবিধানগী মঙাশুবা সেদ্যুলগী মখাদা রাজস্থান রাজ্যদা সেদ্যুল এরিয়াশিং পাকথোক চাউথোকহন্নবা হায়জরকখি।

কান্নবা ফংলবশিং:

রাজস্থানগী বান্সৱারা, দুংগরপুর, প্রতাপগর, অমদি উদয়পুরগী মচেৎ খরা, রাজসমন্দ, চিত্তোরগর, পালী অমদি সিরোহী জিলাদা লৈরিবা সেদ্যুল ত্রাইবশিংনা ভারতকী সংবিধানগী মঙাশুবা সেদ্যুলগী মখাদা ফংলিবা প্রোতেক্তিব ওইবা খোংথাংশিংগী কান্নবা ফংলগনি।

সেদ্যুল এরিয়াশিং লাওথোকপা অসিদা অহেনবা শেনফম চাদিং তৌবা মথৌ তাদে। মসি ত্রাইবেল সব-প্লান (হৌজিক্না ত্রাইবেল সব-স্কিম হায়না মমিং হোংলবা)গী শরুক অমা ওইগনি।

য়ুম্ফম:

ভারত সংবিধানগী আর্তিকল ২৪৪(১)গী মঙাশুবা সেদ্যুলগী পেরগ্রাফ ৬(১)গী মতুং ইন্না ‘সেদ্যুল এরিয়া’ হায়বদি রাষ্ট্রপতিনা মহাক্কী ওর্দরদা সেদ্যুল এরিয়া লাওথোকপা য়ারিবা অদুগুম্লবা মফমশিং অদুনি। সংবিধানগী মঙাশুবা সেদ্যুলগী পেরাগ্রাফ ৬(২)গী মতুং ইন্না রাষ্ট্রপতিনা মতম অমা হেক্তদা রাজ্যগী রাজ্যপালগী এদভাইস মতুং ইন্না রাজ্য অমদা সেদ্যুল এরিয়া অমা হেক্তবু পাকথোক চাউথোকহন্নবা ওর্দর পীবা য়াই।

সেদ্যুল এরিয়া অসি অহানবা ওইনা ইং ১৯৫০দা খঙনখি। মতুংদা ইং ১৯৮১দা রাজস্থান রাজ্যগীদমক সেদ্যুল এরিয়াশিংবু খন্দোক্তুনা কন্সতিত্যুসন ওর্দরশিং থোকখি। অনৌবা জিলাশিং শেমলকপা অমদি ২০১১গী সেন্সসকী মতুং ইন্না সেদ্যুল ত্রাইবকী মীশিংদা অহোংবা লাকপা মরমনা রাজস্থান সরকারনা রাজস্থান রাজ্যদা সেদ্যুল এরিয়াশিং পাকথোক চাউথোকহন্নবা হায়জরকখি।