ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা এম এম তি সি লিমিতেদকী থোংদা অতোপ্পা চহি মঙা অমগী ওইনা (মদুদি ১.৪.২০১৮দগী ৩১.৩.২০২৩ ফাওবা) জাপানীজ স্তীল মিল্স (জে এস এম এস) অমসুং পি ও এস সি ও, খা কোরিয়াদা গ্রেদ +৬৪% এফ.ই. য়াওবা শুংদোক্ত্রিবা য়োৎ সপ্লাই তৌনবগীদমক অশাংবা মতমগী য়ান-ৱারোল (এল তি এ এস) রিন্যু তৌবদা অয়াবা পীখ্রে।

মচা নাইবা ৱাফম: 

1. হৌজিক চৎনরিবা এল তি এ এস অসি ৩১.৩.২০১৮ ফাওবা ভেলিদ ওইরি। জাপানগী স্তীল মিল্স অমসুং পি ও এস সি ও, খা কোরিয়াগা রিন্যু তৌগদৌরিবা এল তি এ এস অসি ১.৪.২০১৮দগী ৩১.৩.২০২৩ ফাওবা চহি মঙাগী ওইগনি।
2. এল তি এগী মখাদা চহিগী ওইনা থাদোক্কদৌরিবা শুংদোক্ত্রিবা য়োৎকী চাং অসি চহিগী ওইনা য়ামদ্রবদা মিলিয়ন তোন ৩.৮০দগী চহিগী ওইনা য়াম্লবদা মিলিয়ন তোন ৫.৫০ ফাওবা ওইগনি।

• এল তি এ এস অসিগী মখাদা এম এম তি সি লিমিতেদকী থোংদা জে এস এম এস অমসুং পি ও এস সি ও, খা কোরিয়াদা সপ্লাই তৌনবগীদমক প্রপোজ তৌরিবা শুংদোক্ত্রিবা য়োৎকী চাংশিং অসি গ্রেদ +৬৪% এফ.ই. য়াওবা ওইগনি। ব্রেক-অপ অদু মখাদা পীরি:-

1. হৌজিক লৈরিবা সিঙ্গল এজেন্সী ওপরেসনগী পোলিসী অমসুং এফ ও বি মমলগী চাদা ২.৮গী ত্রেদিং মর্জিনগা লোয়ননা এম এম তি সিগী থোংদা থাদোক্লিবা অসি মখা চত্থখিগনি।

কান্নবশিং :

এল তি এ এসকী মখাদা শুংদোক্ত্রিবা য়োৎ থাদোকপনা মতম কুইনা শরুক য়ামিন্নদুনা লাক্লিবা লৈবাক অমা ওইরিবা জাপান অমসুং খা কোরিয়াগা লোয়ননা ভারতকী বাইলেতরেলগী মরি হেন্না চেৎশিলহনবদা মতেং ওইরগনি।

য়ুমফম:

জাপানদা ভারতকী শুংদোক্ত্রিবা য়োৎ থাদোকপগী পুৱারী অসি চাউরাক্না চহি হুমফু ফারক্লে অমদি মসিনা জাপানগা লোয়ননা ভারতকী বাইলেতরেল রিলেসনগী লেংদ্রবা মচাক অমা ওইরি। এম এম তি সিনা ইং ১৯৬৩দগী হৌরগা জে এস এম এসতা অমদি ১৯৭৩দগী হৌরগা খা কোরিয়াদা শুংদোক্ত্রিবা য়োৎ সপ্লাই তৌরি। মন্ত্রীমন্দলনা, ২৪.০৬.২০১৫দা পাংথোকখিবা মসিগী মীফমদা চহি অহুমগী ওইনা (মদুদি ২০১৫দগী ২০১৮ ফাওবা) শুংদোক্ত্রিবা য়োৎ সপ্লাই তৌনবগীদমক জাপানীজ স্তীল মিল্স (জে এস এম এস) অমসুং পি ও এস সি ও, খা কোরিয়াগা লোয়ননা মতম কুইনা চৎনগদবা য়ান–ৱারোল (এল তি এ এস) পাংথোক্নবা এমএমতিসি লিমিতেদপু ওথোরাইজ তৌখি।