ভারতকী প্রধানমন্ত্রী

ফেদরেল রিপব্লিক ওফ জর্মনীগী থংনা থংননা মরিরক শুবা ওইনা চান্সেলরগী ওফিস পায়রকপদা প্রধান মন্ত্রী শ্রী নরেন্দ্র মোদীনা ঙসি তেলিফোন তৌদুনা ঐচ. ই. দা. এঞ্জেলা মর্কেলগী মফমদা নুঙাইবা ফোংদোকখ্রে।

চান্সেলর মর্কেলনা জর্মনীবু চেৎনা লুচিংলিবা অমসুং মহাক্কী লুচিং মখাদা য়ুরোপিয়ন এফিয়রশিংদা জর্মনীনা লৌরিবা মরু ওইবা শক্তম অদুদা প্রধান মন্ত্রীনা থাগৎপা ফোংদোকখি ।

ইন্দো-জর্মন বাইলেতরেল রিলেসনশিপ হেন্না মপাঙ্গল কনখৎনবগীদমক চান্সেলর মর্কেলগা লোয়ননা মখা তানা থবক তৌমিন্ননবা মহাক্কী ৱারেপ অদু প্রধান মন্ত্রীনা অমুক হন্না শোয়দবনি হায়খি।

ইং ২০১৮গী মার্চ ২২দগী ২৬ ফাওবা ভারতকী রাজ্য খোংচৎতা লাক্কদৌরিবা রাষ্ট্রপতি ফ্রেঙ্ক-ৱাল্তর স্তেনমিয়রগা লোয়ননা মীফম পাংথোক্নবা মহাক্না খৌরাংনা ঙাইদুনা লৈরি হায়নশু প্রধান মন্ত্রীনা ফোংদোকখি।