ভারতকী প্রধানমন্ত্রী

প্রধানমন্ত্রী নরেন্দ্র মোদীনা ঙসি অঙাং ১৮দা জাতিগী থৌনা ফবগী মনা লান্থোকখ্রে। মসিগী মনুংদা অহুমদি মসা লৈখিদ্রবা মতুংদা পীবনি। মনা ফংলবা অঙাংশিংগা ৱারি শানরদুনা প্রধানমন্ত্রীনা হায়খি মদুদি মখোয়গী থৌনা লৈবা থবকশিং অদুগী মতাংদা মীনা য়াম্না ঙাংনৈ অমসুং মীদিয়ানসু হায়নীংঙাই লৈতনা পন্নখি। মহাক্না হায়খি মদুদি মসিনা মরম ওইদুনা অতৈ অঙাংশিংনসু মসিদগী ইথিল পোক্কনি অমসুং মখোয়দসু মশানা মশাবু থাজবগী ৱাখল্লোন পোকহনগনি।

প্রধানমন্ত্রীনা হায়খি মদুদি অনম্বনা মনা ফংবা অঙাংশিং অসি অচম্বা খুঙ্গংগী লমদমদগীনি। মহাক্না হায়খি মদুদি মখোয়গী নুংতিগী মায়োক্নরিবা লানফম অদুনা মরম ওইদুনা মখোয়গী নুংদা ৱাখল্লোন অসি পোকপা ওইরম্বা য়াই অমসুং মখোয়না ফিভম অমা হেক্তদা থৌনা ফনা থবক তৌবদা মাই পাকই।

প্রধানমন্ত্রীনা মাই পাক্লবা পুম্নমক, মখোয়গী মমা-মপা অমসুং ওজাশিংবু থাগৎপা ফোংদোকখি। মহাক্না অঙাংশিংগী থৌনা অদুবু খোমজিন্দুনা মীয়ামগী পুক্নীং চিংশিলহনবদা মতেং পাংলিবা মখোয়বুসু থাগৎপা ফোংদোকখি।

শ্রী নরেন্দ্র মোদীনা হায়খি মদুদি তুংলমচৎতসু হৌজিক মনা ফংলবশিং অসিদগী থাজবা কয়া থম্লি। মহাক্না অঙাংশিংদা মখোয়গী তুংগী পুন্সিগীদমক য়াইফ-মঙ্গল পীখি।

থৌরম অদুদা নুপী অমসুং অঙাংশিংগী চাওখৎ-থৌরাংগী মন্ত্রী শ্রীমতী মনেকা গান্ধীসু শরুক য়াখি।