ପିଏମଇଣ୍ଡିଆ

• ବିଜ୍ଞାନ, ପ୍ରଯୁକ୍ତିବିଦ୍ୟା, ସୁରକ୍ଷା, ତୈଳ ଓ ଗ୍ୟାସ, ସାଇବର ସୁରକ୍ଷା, ଫିଲ୍ମ ଓ ଷ୍ଟାର୍ଟଅପ୍ କ୍ଷେତ୍ରରେ ସହଯୋଗ ବୁଝାମଣା
• ଇସ୍ରାଏଲ ସହ ପ୍ରଯୁକ୍ତି ଆଧାରିତ କୃଷି ସହଯୋଗ ଉପରେ ଗୁରୁତ୍ୱ
• ପ୍ରତିରକ୍ଷା କ୍ଷେତ୍ରରେ ଇସ୍ରାଏଲୀ କମ୍ପାନୀଗୁଡ଼ିକୁ ଭାରତରେ ଅଧିକ ପୁଞ୍ଜିନିବେଶ ପାଇଁ ଆହ୍ୱାନ
• ଇସ୍ରାଏଲରେ ଖୁବଶୀଘ୍ର ଖୋଲିବ ଭାରତୀୟ ସାଂସ୍କୃତିକ କେନ୍ଦ୍ର
• ବିଜ୍ଞାନ ଶିକ୍ଷାରେ ବାର୍ଷିକ 100ଜଣ ଯୁବବର୍ଗଙ୍କୁ ଦ୍ୱିପାକ୍ଷିକ ଯାତ୍ରାର ସୁବିଧା

ମହାମହିମ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ,

ଗଣମାଧ୍ୟମର ସଦସ୍ୟ,

ପ୍ରଧାନମନ୍ତ୍ରୀ ନେତନ୍ୟାହୁଙ୍କୁ ତାଙ୍କର ପ୍ରଥମ ଭାରତ ଗସ୍ତରେ ସ୍ୱାଗତ କରି ଅତ୍ୟନ୍ତ ଖୁସି ।

ୟେଦିଦିହାୟାକର,ବରୁଖିମହାବାୟିମଲେହୋଦୁ!

(ମୋର ପ୍ରିୟ ବନ୍ଧୁ, ଭାରତରେ ଆପଣଙ୍କୁ ସ୍ୱାଗତ କରୁଛି !)

ପ୍ରଧାନମନ୍ତ୍ରୀ ଆପଣଙ୍କ ଗସ୍ତ, ଭାରତ ଓ ଇସ୍ରାଏଲ ମଧ୍ୟରେ ବନ୍ଧୁତ୍ୱର ଯାତ୍ରାରେ ଏକ ଦୀର୍ଘ ପ୍ରତିକ୍ଷିତ ମୂହୁର୍ତ୍ତ ।

ଆପଣଙ୍କ ଗସ୍ତ ମଧ୍ୟ ଭାରତ ଓ ଇସ୍ରାଏଲ ମଧ୍ୟରେ କୂଟନୀତିକ ସମ୍ପର୍କର 25ବର୍ଷ ପୂର୍ତ୍ତି ସମାରୋହର ଏକ ଉପଯୁକ୍ତ ଚରମ ମୁହୂର୍ତ୍ତ ।

2018 ମସିହାରେ ଆମର ପ୍ରଥମ ସମ୍ମାନିତ ଅତିଥି ହୋଇଥିବାରୁ ଆପଣଙ୍କ ଗସ୍ତ ନୂଆ ବର୍ଷର କ୍ୟାଲେଣ୍ଡରରେ ଏକ ସ୍ୱତନ୍ତ୍ର ଆରମ୍ଭର ପ୍ରତୀକ ହୋଇଛି । ଏହା ଏକ ବିଶେଷ ଭାବେ ଶୁଭ ସମୟରେ ଆସିଛି ଯେତେବେଳେ କି ସମଗ୍ର ଭାରତରେ ଲୋକମାନେ ବସନ୍ତ ଋତୁ, ନୂଆ, ଆଶା ଓ ଫସଲର ଆଗମନକୁ ନେଇ ଉତ୍ଫୁଲ୍ଲିତ ଅଛନ୍ତି । ଲୋହଡ଼ି, ବିହୁ, ମକର ସଂକ୍ରାନ୍ତି ଓ ପୋଙ୍ଗଲ ପର୍ବପର୍ବାଣି ପାଳନରେ ଭାରତର ବିବିଧତା ଓ ଏକତାର ବୈଭବ ରହିଛି ।

ବନ୍ଧୁଗଣ, ଗତବର୍ଷ ଜୁଲାଇରେ, ଇସ୍ରାଏଲକୁ ମୋର ମହତ୍ୱପୂର୍ଣ୍ଣ ଗସ୍ତବେଳେ ମୁଁ 125 କୋଟି ଭାରତୀୟଙ୍କ ଶୁଭକାମନା ଓ ବନ୍ଧୁତ୍ୱକୁ ବହନ କରି ଯାଇଥିଲି । ଫେରିବାବେଳେ ମୁଁ ଇସ୍ରାଏଲବାସୀଙ୍କ ଉଦାରତା,  ସ୍ନେହ ଓ ହାର୍ଦ୍ଧିକ ସ୍ୱାଗତରେ ଅଭିଭୂତ ହୋଇଯାଇଥିଲି, ଯାହା ମୋର ବନ୍ଧୁ, ବିବିଙ୍କ ନେତୃତ୍ୱରେ ହୋଇଥିଲା ।

ସେହି ଗସ୍ତବେଳେ, ପ୍ରଧାନମନ୍ତ୍ରୀ ନେତାନ୍ୟାହୁ ଓ ମୁଁ ପରସ୍ପରକୁ ଏବଂ ଆମର ଲୋକଙ୍କୁ ଏକ ରଣନୀତିକ ଭାଗିଦାରୀ ନିର୍ମାଣ ପାଇଁ ପ୍ରତିଶ୍ରୁତି ଦେଇଥିଲୁ । ଯାହା ଆଶା, ବିଶ୍ୱାସ ଓ ପ୍ରଗତିର ବିବିଧତା, ଅତ୍ୟାଧୁନିକ ସହଭାଗିତା ଏବଂ  ସଂଯୁକ୍ତ ପ୍ରୟାସ ଓ ମିଳିତ ସଫଳତାର ହେବ । ଏଭଳି ପ୍ରତିଶ୍ରୁତି ଯେଉଁଥିରେ ଅଧିକ ପ୍ରାକୃତିକ ସମ୍ବନ୍ଧ ଓ ବନ୍ଧୁତ୍ୱ ଭରି ରହିଛି ଓ ଯାହାକି ଆମକୁ ଶହ ଶହ ବର୍ଷ ଧରି ଯୋଡ଼ି ରଖିଛି । କାରଣ ଏହା ପ୍ରାୟତଃ ସବୁ କ୍ଷେତ୍ରରେ ଧରି ରଖିବାରେ ନିଶ୍ଚିତ ସଫଳତା ଆଣିଦେବ ।

ଆଉ ଏହା ଆମର ମିଳିତ ମହତ୍ୱାକାଂକ୍ଷା ଓ ପ୍ରତିଶ୍ରୁତିବଦ୍ଧତାର ଏକ ପଦକ୍ଷେପ କି ଗସ୍ତର ଛଅ ମାସ ପରେ ଆପଣଙ୍କ ଉଲ୍ଲେଖନୀୟ ଗସ୍ତ ଭାରତକୁ ହୋଇଛି ।

ଆଜି ଓ ଗତକାଲି, ପ୍ରଧାନମନ୍ତ୍ରୀ ନେତନ୍ୟାହୁ ଓ ମୁଁ ଆମର ସମ୍ପର୍କର ଅଗ୍ରଗତିର ସମୀକ୍ଷା କରିଥିଲୁ ଏବଂ ସମ୍ଭାବନା ଓ ସୁଯୋଗ ଉପରେ ଆମର ଆଲୋଚନାକୁ ନୂତନ ଭାବେ ନବୀକରଣ କରିଥିଲୁ । ଯାହାକି କରିବାର ଆବଶ୍ୟକତା ରହିଛି ।

ଆମର ଆଲୋଚନା ବ୍ୟାପକ ଓ ପ୍ରଗାଢ଼ ଥିଲା । ସେସବୁ ଉପରେ ଅଧିକ କରିବାର ଅଭିଳାଷ ଭାବେ ଚିହ୍ନିତ ହୋଇଛି । ପ୍ରଧାନମନ୍ତ୍ରୀ ଓ ମୋର ପ୍ରତିଟି ସ୍ତରରେ ପରିଣାମ ପ୍ରାପ୍ତ କରିବାରେ ବ୍ୟଗ୍ରତା ପ୍ରଦର୍ଶନରେ ଖ୍ୟାତି ରହିଛି ।

ଯଦି ମୁଁ ଏକ ଖୋଲା ରହସ୍ୟକୁ ଛାଡ଼ିପାରିବି, ମୁଁ ଜାଣେ ଆପଣ ମଧ୍ୟ କରିପାରିବେ ।

ଗତବର୍ଷ ତେଲଆଭିଭରେ, ଆପଣ ପ୍ରଶାସନିକ ନାଲି ଫିତାକୁ ହ୍ରାସ କରି ଦ୍ରୁତଗତିରେ ଆଗକୁ ବଢ଼ିବା ପାଇଁ ଇଚ୍ଛା ବ୍ୟକ୍ତ କରିଥିଲେ ।

ପ୍ରଧାନମନ୍ତ୍ରୀ, ମୁଁ ଖୁସିର ସହ କହିବାକୁ ଚାହୁଁଛି କି ଭାରତରେ ଆମେ ଏହା ଭଲ ଭାବେ କରିବା ଦିଗରେ ଏସବୁ କରୁଛୁ । ଆମର ପୂର୍ବ ନିଷ୍ପତ୍ତିକୁ କାର୍ଯ୍ୟକାରୀ କରିବା ଦିଗରେ ଆମେ ମିଳିତ ବ୍ୟଗ୍ରତା ପ୍ରକାଶ କରୁଛୁ ।

ପରିଣାମ ପୂର୍ବରୁ ହିଁ ସ୍ଥଳବିଶେଷରେ ଦୃଶ୍ୟମାନ ହେଉଛି । ଆମର ଆଜିର ଆଲୋଚନା ମଧ୍ୟ ଆମ ଦୁଇ ଦେଶ ଭିତରେ ଭାଗିଦାରୀକୁ ବୃଦ୍ଧି ଏବଂ ଗତିବିଧିକୁ ତ୍ୱରାନ୍ୱିତ କରିବାର  ଘନିଷ୍ଠତାକୁ ରେଖାଙ୍କିତ କରାଇଛି ।

ଆମେ 3ଟି ମାର୍ଗରେ ଆଗକୁ ବଢ଼ିବୁ :-

ପ୍ରଥମତଃ, ଆମେ ସେସବୁ କ୍ଷେତ୍ରରେ ସହଯୋଗର ପ୍ରଚଳିତ ସ୍ତମ୍ଭକୁ ସୁଦୃଢ଼ କରିବୁ ଯାହା ଆମର ଲୋକଙ୍କ ଜୀବନକୁ ସ୍ପର୍ଶ କରିବ । ସେସବୁ ହେଲା କୃଷି, ବିଜ୍ଞାନ ଓ ପ୍ରଯୁକ୍ତିବିଦ୍ୟା ଓ ସୁରକ୍ଷା ।

ଆମେ ଉତ୍କୃଷ୍ଟ କେନ୍ଦ୍ର ମାନଙ୍କ(Centre of Excellence)ର ବୃଦ୍ଧି ଦିଗରେ ମତ ଆଦାନପ୍ରଦାନ କରିଥିଲୁ ଯାହାକି ମୁଖ୍ୟତଃ ଉନ୍ନତ ଇସ୍ରାଏଲୀ ପଦ୍ଧତି ଓ ପ୍ରଯୁକ୍ତିବିଦ୍ୟା ଆଧାରିତ କୃଷି ସହଯୋଗ ।

ପ୍ରତିରକ୍ଷା କ୍ଷେତ୍ରରେ, ମୁଁ ଇସ୍ରାଏଲୀ କମ୍ପାନୀଗୁଡ଼ିକୁ ଭାରତରେ ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ (FDI) ଉଦାରୀକରଣ ବ୍ୟବସ୍ଥାର ଅଧିକ ଫାଇଦା ଆମର କମ୍ପାନୀଗୁଡ଼ିକ ସହ ମିଶି ଉଠାଇବା ପାଇଁ ଆମନ୍ତ୍ରିତ କରିଛି  ।

ଦ୍ୱିତୀୟତଃ, ଆମେ ସହଯୋଗର କମ୍ ଅନ୍ୱେଷଣ କ୍ଷେତ୍ର ଯଥା ତୈଳ ଓ ଗ୍ୟାସ, ସାଇବର ସୁରକ୍ଷା, ଫିଲ୍ମ ଓ ଷ୍ଟାର୍ଟଅପ୍ ଦିଗରେ ଉଦ୍ୟମ କରିବୁ । ଆପଣମାନେ ଏହାକୁ ଏବେ ଆଦାନପ୍ରଦାନ ହୋଇଥିବା ବୁଝାମଣାରେ ଦେଖିପାରିବେ । ଏଥିରେ ଅନେକ କ୍ଷେତ୍ର ଆମର ବିବିଧ ଆକାଂକ୍ଷା ଓ ବ୍ୟାପକ ଆଧାର ଥିବା ଗତିବିଧିର ସଙ୍କେତ ହେବ ।

ତୃତୀୟତଃ, ଆମର ଭୌଗଳିକ କ୍ଷେତ୍ରରେ ଲୋକଙ୍କ ଆସିବା-ଯିବା ଓ ଚିନ୍ତାଧାରାର ପ୍ରବାହକୁ ସୁବିଧାଜନକ କରିବା ପାଇଁ ଆମେ ପ୍ରତିଶ୍ରୁତିବଦ୍ଧ । ଏଥିପାଇଁ ନୀତିଗତ ସୁବିଧା, ଭିତ୍ତିଭୂମି, ଯୋଗାଯୋଗ ସୁବିଧା ଓ ନିର୍ବାଚିତ କ୍ଷେତ୍ରକୁ ସହାୟତା ଓ ପ୍ରୋତ୍ସାହନ ଆବଶ୍ୟକ ରହିଛି  ।

ଆମେ ଇସ୍ରାଏଲ ସହ ମିଶି କାମ କରୁଛୁ ଯାହାଫଳରେ ଆମର ଲୋକଙ୍କ ପାଇଁ କାମ କରିବା ସହଜ ହେବ ଓ ଦୀର୍ଘଅବଧି କାର୍ଯ୍ୟ ପାଇଁ ପରସ୍ପର ଦେଶକୁ ଯାତ୍ରା କରିବା ମଧ୍ୟ ସାମିଲ ରହିଛି । ଉଭୟ ଦେଶର ଲୋକଙ୍କ ମଧ୍ୟରେ ଘନିଷ୍ଠତା ବୃଦ୍ଧି ନିମନ୍ତେ ଇସ୍ରାଏଲରେ ଖୁବଶୀଘ୍ର ଭାରତୀୟ ସାଂସ୍କୃତିକ କେନ୍ଦ୍ର ଖୋଲାଯିବ ।

ଆମେ ଆହୁରି ମଧ୍ୟ ନିଷ୍ପତ୍ତି ନେଇଛୁ କି ବିଜ୍ଞାନ ସଂକ୍ରାନ୍ତ ଶିକ୍ଷାରେ ବାର୍ଷିକ 100ଜଣ ଯୁବବର୍ଗଙ୍କୁ ଦ୍ୱିପାକ୍ଷିକ ଯାତ୍ରା ଆଦାନପ୍ରଦାନ ଆରମ୍ଭ କରାଯିବ ।

ବନ୍ଧୁଗଣ,

ସୁଦୃଢ଼ ଭାଗିଦାରୀ ପାଇଁ ଉଭୟ ପକ୍ଷର ବାଣିଜ୍ୟ ଓ ନିବେଶକୁ ସୁଦୃଢ଼ କରିବା ଆମ ଦୃଷ୍ଟିକୋଣର ଏକ ଅଭିନ୍ନ ଅଙ୍ଗ । ପ୍ରଧାନମନ୍ତ୍ରୀ ନେତାନ୍ୟାହୁ ଓ ମୁଁ ଏ ଦିଗରେ ଅଧିକ କରିବାର ଆବଶ୍ୟକତା ଉପରେ ସହମତି ବ୍ୟକ୍ତ କରିଛୁ । ଗତବର୍ଷ ତେଲଆଭିଭରେ ହୋଇଥିବା ବୈଠକ ପରେ, ଆମେ ଦ୍ୱିପାକ୍ଷିକ ମଂଚ ଅନ୍ତର୍ଗତ ଦ୍ୱିତୀୟ ଥର ପାଇଁ ଆମର ସିଇଓମାନଙ୍କ ସହ ବାର୍ତ୍ତାଳାପ କରିବୁ ।

ମୁଁ ପ୍ରଧାନମନ୍ତ୍ରୀ ନେତାନ୍ୟାହୁଙ୍କ ସହ ଆସିଥିବା ବୃହତ ବ୍ୟବସାୟିକ ପ୍ରତିନିଧି ଦଳକୁ ସ୍ୱାଗତ କରୁଛି । ପ୍ରଧାନମନ୍ତ୍ରୀ ନେତାନ୍ୟାହୁ ଓ ମୁଁ ମଧ୍ୟ ଆଂଚଳିକ ଓ ଆନ୍ତର୍ଜାତିକ ପରିସ୍ଥିତି ଉପରେ ବିଚାରବିମର୍ଶ କରିଥିଲୁ ।

ଆମେ, ଆମର ଅଂଚଳ ଓ ବିଶ୍ୱରେ ସ୍ଥିରତା ଓ ଶାନ୍ତି ନିମନ୍ତେ ଆମର ସହଯୋଗର ଏକ କାରକ ଭାବେ ସମୀକ୍ଷା କରିଛୁ ।

ବନ୍ଧୁଗଣ,

ଗତକାଲି, ଭାରତ ମାଟି ଛୁଇଁବା ପରେ ତାଙ୍କର ପ୍ରଥମ କାର୍ଯ୍ୟ ଭାବେ ପ୍ରଧାନମନ୍ତ୍ରୀ ନେତାନ୍ୟାହୁ ମୋ ସହ ମିଶି ପୁନଃନାମିତ ହୋଇଥିବା ତିନ୍ ମୂର୍ତ୍ତି ହାଇଫା ଚୌକରେ ସାହାସୀ ଭାରତୀୟ ସୈନିକଙ୍କ ଅମର ସ୍ମୃତିରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଯେଉଁମାନେ ଶତାଧିକ ବର୍ଷ ପୂର୍ବରୁ ଇସ୍ରାଏଲର ହାଇଫା ଯୁଦ୍ଧରେ ଶହୀଦ ହୋଇଥିଲେ ।

ଆମେ ଦୁଇ ଦେଶ ଆମର ଇତିହାସ ଓ ଆମର ହିରୋଙ୍କୁ କଦାପି ଭୁଲି ପାରିବୁ ନାହିଁ । ଏବଂ ଆମେ ମଧ୍ୟ ପ୍ରଧାନମନ୍ତ୍ରୀ ନେତାନ୍ୟାହୁଙ୍କ ଏହି ଭାବନାକୁ ଗଭୀର ଭାବେ ପ୍ରଶଂସା କରୁଛୁ ।

ଯେମିତିକି ଆମେ ଇସ୍ରାଏଲ ସହ ଏହି ରୋମାଂଚକ ଭାଗିଦାରୀର ଭବିଷ୍ୟତକୁ ଦେଖୁଛୁ । ମୁଁ ଆଶାବାଦୀପୂର୍ଣ୍ଣ ରହିଛି । ପ୍ରଧାନମନ୍ତ୍ରୀ ନେତାନ୍ୟାହୁ ଭାବେ ମୋ ପାଖରେ ଜଣେ ପ୍ରତିପକ୍ଷ ଅଛନ୍ତି ଯିଏକି ସମାନ ଭାବେ ଭାରତ-ଇସ୍ରାଏଲ ସମ୍ପର୍କକୁ ନୂଆ ଶିଖରକୁ ନେବା ପାଇଁ ସମାନ ରୂପରେ ପ୍ରତିଶ୍ରୁତିବଦ୍ଧ ଅଛୁ ।

ଶେଷରେ,  ପ୍ରଧାନମନ୍ତ୍ରୀଙ୍କ ସହ ମୋ’ ନିଜ ରାଜ୍ୟ ଗୁଜରାଟରେ ଆଉ କିଛିଦିନ ପରେ ଏକାଠି ହେବାର ସୁଯୋଗ ମିଳିଥିବାରୁ ମୁଁ ଅତ୍ୟନ୍ତ ଖୁସି  ।

ସେଠାରେ, ଆମେ ପ୍ରତିଶ୍ରୁତି ପୂରଣର ଆଉ ଏକ ସୁଯୋଗ ପାଇବୁ । ଯାହାକି ଆମର ବିବିଧ କ୍ଷେତ୍ର ଯଥା କୃଷି, ପ୍ରଯୁକ୍ତିବିଦ୍ୟା ଓ ନବସୃଜନରେ ପାରସ୍ପରିକ ସହଯୋଗ ସାମିଲ ଅଛି ।

ମୁଁ ପ୍ରଧାନମନ୍ତ୍ରୀ ନେତାନ୍ୟାହୁ, ଶ୍ରୀମତୀ ନେତାନ୍ୟାହୁ ଓ ପ୍ରତିନିଧିମଣ୍ଡଳୀକୁ ଭାରତରେ ଏକ ସ୍ମରଣୀୟ ପ୍ରବାସର କାମନା କରୁଛି ।

ବହୁତ ବହୁତ ଧନ୍ୟବାଦ, ଟୋଡା ରବାହ!

**********