ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা প্রধানমন্ত্রী স্বাস্থ সুরক্ষা য়োজনা (পিএমএসএসৱাই)গী মখাদা হিমাচল প্রদেশকী বিলাসপুরদা অনৌবা এইমস লিংখৎপদা অয়াবা পিখ্রে । প্রোজেক্ত অসিগী অপুন্বা শেনফম অসি লুপা কোতি ১৩৫১ নি ।  

শক্তম:

• অনৌবা এইমস অসি থা ১২গী প্রি-কনস্ত্রক্সন ফেজ, থা ৩০ গী কনস্ত্রক্সন ফেজ অমসুং স্তেবিলাইজেসন/কম্মিসন তৌবগী ফেজ ওইনা থা ৬ অমগা লোয়ননা পুন্না থা ৪৮ গী মনুংদা লোইশিনগনি ।
• ইনস্তিত্যুসন অসিদা ত্রোমা সেন্তরগী খুদোংচাবশিং ফংবা অমসুং ফমুং ৭৫০ লৈবা হোস্পিতাল অমা লৈগনি ।
• মসিদা চহি খুদিংগী এমবিবিএস ছাত্র ১০০ লৌগদবা মেদিকেল কলেজ অমা লৈগনি ।
• চহি খুদিংগী বি.এসসি. নর্সিং ছাত্র ৬০ লৌগদবা নর্সিং কলেজ ।
• এইমস দিল্লিগী মওং অদুম্না রেসিদেন্সিয়েল কমপ্লেক্সশিং অমসুং খুদোংচাবশিং ।
• হোস্পিতাল অদুদা ওপরেসন ঠিএতর ১৫ য়াওনা স্পিসিএলিতী/সুপর স্পিসিএলিতী দিপার্তমেন্ত ২০ লৈগনি ।
• মসিদা ফমুং ৩০ লৈবা অয়ুশকী দিপার্তমেন্ত অমা লৈদুনা ত্রেদিস্নেল সিস্তেম ওফ মেদিসিনদা ত্রিতমেন্ত তৌবগী খুদোংচাবশু লৈগনি ।

থেংনরিবা:

অনৌবা এইমস লিংখৎপনা রিজন অসিগী মীয়ামদা হকশেলগী লমদা চাওনা কান্নবা ফংনবগা লোয়ননা দোক্তর অমসুং অতোপ্পা হেল্থ ৱার্করশিংগী অচৌবা পুল অমা শেম্বা ঙমহল্লগনি মদুনা নেস্নেল হেল্থ মিসনগী মখাদা শেমগৎলিবা খুদোংচাবশিং প্রাইমারি অমসুং সেকেন্দরি থাক্তা ফংহনবা ঙমহল্লগনি ।

য়ুমফম:

স্কিম অসিগী মখাদা, ভুবনেস্বর, ভোপাল, রাইপুর, জোধপুর, রিশিকেশ অমসুং পত্নাদা এইমস লিংখৎখ্রে অমসুং এইমস রাই বরেলি শেমগৎ শাগৎপগী থবক হৌজিক চৎথরি । ২০১৫ দা নাগপুর, কল্যান অমসুং গুণ্টুরগী মঙালাগিরিদা  এইমস অহুম অমসু লিংখৎনবা সেঙ্কসন তৌখ্রে, ২০১৬ তা ভাতিন্দা অমসুং গোরখপুরদা এইমস অনি অমসুং কামরুপ অসামদা এইমস অমগীশু সেঙ্কসন তৌখ্রে ।