ಪ್ರಧಾನ ವಿಷಯ ಪುಟಕ್ಕೆ ತೆರಳಿ
Search
ಪರಿವಿಡಿ
ಪರಿವಿಡಿ - ಮುಚ್ಚಿ
ಮುಖಪುಟ

ಪಿಎಂಇಂಡಿಯಾಪಿಎಂಇಂಡಿಯಾ

ತಾಜಾ ಸುದ್ದಿಗಳು

ಪಿ. .ಐ. ಬಿ. ಸ್ವಯಂ ಮೂಲದಿoದ ವಿಷಯ

ನೋಯಿಡಾ ಮತ್ತು ದೆಹಲಿ ನಡುವಿನ ಸಂಪರ್ಕದ ಹೊಸ ಮೆಟ್ರೋ ಉದ್ಘಾಟಿಸಿದ ಪ್ರಧಾನಿ


ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರಿಂದು ನೋಯಿಡಾ ಮತ್ತು ದೆಹಲಿ ನಡುವಿನ ಹೊಸ ಮೆಟ್ರೋ ಸಂಪರ್ಕವನ್ನು ಉದ್ಘಾಟಿಸಿದರು. ನೋಯಿಡಾದ ಸಸ್ಯೋದ್ಯಾನ ಮತ್ತು ದಕ್ಷಿಣ ದೆಹಲಿಯ ಕಾಳಿಕಾ ಮಂದಿರ ಸಂಪರ್ಕಿಸುವ ದೆಹಲಿ ಮೆಟ್ರೋದ ನೇರಳೆ ವರ್ಣದ ಮಾರ್ಗದ ಉದ್ಘಾಟನೆ ಅಂಗವಾಗಿ ಬಟಾನಿಕಲ್ ಗಾರ್ಡನ್ ಮೆಟ್ರೋ ನಿಲ್ದಾಣದಲ್ಲಿ ಅವರು ಫಲಕ ಅನಾವರಣ ಮಾಡಿದರು. ಸಾರ್ವಜನಿಕ ಸಭೆಯ ಸ್ಥಳಕ್ಕೆ ಗಮಿಸುವ ಮುನ್ನ ಮೆಟ್ರೋ ರೈಲಿನಲ್ಲಿ ಅವರು ಸ್ವಲ್ಪದೂರ ಪ್ರಯಾಣ ಮಾಡಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಪ್ರಧಾನಿ, ಕ್ರಿಸ್ಮಸ್ ಸಂದರ್ಭದಲ್ಲಿ ಜನತೆಗೆ ಶುಭಾಶಯ ಸಲ್ಲಿಸಿದರು. ಈ ದಿನ ಭಾರತರತ್ನ ಪುರಸ್ಕೃತರಾದ ಪಂಡಿತ್ ಮದನ್ ಮೋಹನ ಮಾಳವೀಯ ಮತ್ತು ಮಾಜಿ ಪ್ರಧಾನಿ ವಾಜಪೇಯಿ ಅವರ ಜನ್ಮದಿನವೂ ಆಗಿದೆ ಎಂದು ಉಲ್ಲೇಖಿಸಿದರು.

ಉತ್ತರ ಪ್ರದೇಶದ ಜನತೆ ಸ್ಥಿರ ಮತ್ತು ದೃಢ ಸರ್ಕಾರ ಹೊಂದಿದ್ದಾರೆ ಎಂದು ಅವರು ಹೇಳಿದರು. ಉತ್ತರ ಪ್ರದೇಶದ ಜನತೆಯ ಮಮಕಾರಕ್ಕೆ ತಾವು ಸದಾ ಋಣಿಯಾಗಿರುವುದಾಗಿ ಹೇಳಿದರು.

ಸಂಪರ್ಕ ಸಂಪೂರ್ಣ ಮಹತ್ವದ್ದಾಗಿರುವ ಯುಗದಲ್ಲಿ ನಾವು ಜೀವಿಸುತ್ತಿದ್ದೇವೆ ಎಂದ ಅವರು, ಇಂದು ಉದ್ಘಾಟಿಸಲಾದ ಮೆಟ್ರೋ ಮಾರ್ಗ ಹಾಲಿ ಅಷ್ಟೇ ಅಲ್ಲ ಮುಂದಿನ ಪೀಳಿಗೆಗೂ ಸೇವೆ ಒದಗಿಸಲಿದೆ ಎಂದರು. ಭಾರತ 75ನೇ ಸ್ವಾತಂತ್ರ್ಯೋತ್ಸವ ಆಚರಿಸುವ 2022ರ ಹೊತ್ತಿಗೆ ನಾವು ಪೆಟ್ರೋಲ್ ಆಮದು ಕಡಿಮೆ ಇರುವ ಭಾರತದಲ್ಲಿ ಜೀವಿಸುವ ಕನಸನ್ನು ತಾವು ಕಾಣುತ್ತಿರುವುದಾಗಿ ಹೇಳಿದರು. ಇದರ ಸಾಧನೆಗಾಗಿ ಅತ್ಯಾಧುನಿಕ ಸಮೂಹ ಸಾರಿಗೆ ವ್ಯವಸ್ಥೆ ಈ ಹೊತ್ತಿನ ಅಗತ್ಯವಾಗಿದೆ ಎಂದು ಹೇಳಿದರು. 2002ರ ಡಿಸೆಂಬರ್ ನಲ್ಲಿ ಅಂದಿನ ಪ್ರಧಾನಮಂತ್ರಿ ಅಟಲ್ ಬಿಹಾರಿ ವಾಜಪೇಯಿ ಅವರು ಮೆಟ್ರೋ ರೈಲಿನಲ್ಲಿ ಪ್ರಯಾಣಿಸಿದ್ದರು, ಅಲ್ಲಿಂದ ರಾಷ್ಟ್ರರಾಜಧಾನಿಯಲ್ಲಿ ಮೆಟ್ರೋ ರೈಲು ಜಾಲ ಗಣನೀಯವಾಗಿ ವಿಸ್ತರಣೆಯಾಗಿದೆ ಎಂದರು.  

‘ಮೇರಾ ಕ್ಯಾ’ನಿಂದ ಆರಂಭವಾಗಿ ‘ಮುಜೆ ಕ್ಯಾ’ನಲ್ಲಿ ಕೊನೆಗೊಳ್ಳುವ ಪ್ರಭಾವಿ ಚಿಂತನಾ ಪ್ರಕ್ರಿಯೆಯಿಂದ ಆಡಳಿತ ಸಾಗಲು ಸಾಧ್ಯವಿಲ್ಲ ಎಂದು ಪ್ರಧಾನಿ ಪ್ರತಿಪಾದಿಸಿದರು. ಈ ಮನೋಸ್ಥಿತಿ ಈಗ ಬದಲಾಗಿದೆ ಎಂದರು. ಕೇಂದ್ರ ಸರ್ಕಾರಕ್ಕೆ ಅದರ ನಿರ್ಧಾರಗಳು ದೇಶದ ಹಿತಕ್ಕಾಗಿಯೇ ಹೊರತು ರಾಜಕೀಯ ಲಾಭಕ್ಕಲ್ಲ ಎಂದರು.

ಈ ಹಿಂದಿನ ಸರ್ಕಾರಗಳು ಹೊಸ ಕಾನೂನು ಮಾಡುವುದರಲ್ಲಿ ಹೆಮ್ಮೆ ಪಡುತ್ತಿದ್ದವು. ಆದರೆ ಹಾಲಿ ಸರ್ಕಾರ, ಹಳೆಯ ಅನುಪಯುಕ್ತ ಕಾನೂನುಗಳನ್ನು ತೆಗೆದುಹಾಕುವ ಸರ್ಕಾರವಾಗಲು ಬಯಸುತ್ತದೆ ಎಂದರು. ನಿರ್ಧಾರ ಕೈಗೊಳ್ಳುವಾಗ ಅಡ್ಡಿಯಾಗುವ ಹಳೆಯ ಕಾಯಿದೆಗಳಿದ್ದರೆ ಆಗ ಉತ್ತಮ ಆಡಳಿತ ನಡೆಯುವುದಿಲ್ಲ ಎಂದರು.

ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ ಉತ್ತಮ ಆಡಳಿತದತ್ತ ಗಮನ, ರಾಜ್ಯವನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯುತ್ತಿದೆ ಎಂದು ಅವರನ್ನು ಪ್ರಧಾನಮಂತ್ರಿ ಅಭಿನಂದಿಸಿದರು. ನೋಯಿಡಾಗೆ ಆಗಮಿಸುವುದರೊಂದಿಗೆ ಈ ನಗರದೊಂದಿಗೆ ಅಂಟಿಕೊಂಡಿದ್ದ ಮೂಢನಂಬಿಕೆಯನ್ನು ಕೊನೆಗಾಣಿಸಿದ ಅವರನ್ನು ಪ್ರಧಾನಿ ಶ್ಲಾಘಿಸಿದರು. ಯಾವುದೇ ಮುಖ್ಯಮಂತ್ರಿ ತನ್ನ ಪದವಿ ಹೋಗುತ್ತದೆ ಎಂದು ಯಾವುದೇ ಸ್ಥಳಕ್ಕೆ ಭೇಟಿ ನೀಡುವುದಿಲ್ಲ ಎನ್ನುವುದಾದರೆ, ಅವರು ಮುಕ್ಯಮಂತ್ರಿಯಾಗಲು ಅರ್ಹರಲ್ಲ ಎಂದು ಪ್ರಧಾನಿ ಹೇಳಿದರು.

ರೈಲು ಮೂಲಸೌಕರ್ಯ, ರಸ್ತೆ ಜಾಲ ವಿಸ್ತರಣೆಯಲ್ಲಿ ಆಗಿರುವ ಕಾರ್ಯಗಳು ಮತ್ತು ನವೀಕರಿಸಬಹುದಾದ ಇಂಧನ ವಲಯದಲ್ಲಿನ ಹೆಜ್ಜೆಗಳ ಬಗ್ಗೆ ಪ್ರಸ್ತಾಪಿಸಿದರು.  ಆಟಲ್ ಬಿಹಾರಿ ವಾಜಪೇಯಿ ಅವರನ್ನು ‘ಭಾರತ್ ಮಾರ್ಗ್ ವಿಧಾತ’ ಎಂದು ಬಣ್ಣಿಸಿ, ಅವರು ನಮಗೆ ಅಭಿವೃದ್ಧಿಯ ದಾರಿ ತೋರಿದರು ಎಂದರು.

ಇದಕ್ಕೂ ಮುನ್ನ ಮಾತನಾಡಿದ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್, ಪ್ರಧಾನಿಯವರನ್ನು ಪ್ರಸಂಸಿಸಿ, ಅವರು ದೇಶಕ್ಕೆ ಹಾಗೂ ರಾಜಕೀಯಕ್ಕೆ ಹೊಸ ಅರ್ಥ ನೀಡಿದ್ದಾರೆ ಎಂದರು. ಪ್ರಧಾನಿಯವರು ನಾವು ಅಭಿವೃದ್ಧಿಯ ಪಥದಲ್ಲಿ ಸಾಗಬೇಕು ಎಂದು ಸದಾ ಹೇಳುತ್ತಿರುತ್ತಾರೆ ಎಂದರು.

***

ಜನಪ್ರಿಯ ವಾರ್ತೆಗಳು

2025ರ ಎಲ್ಲಾ ಪದ್ಮ ಪ್ರಶಸ್ತಿ ಪುರಸ್ಕೃತರಿಗೆ ಪ್ರಧಾನಮಂತ್ರಿ ಅಭಿನಂದನೆ 25 Jan, 2025
PM’s interaction with beneficiaries and speech while distribution of property cards under SVAMITVA Scheme 18 Jan, 2025
ಖ್ಯಾತ ಗಾಯಕ ಮೊಹಮ್ಮದ್ ರಫಿಯವರ 100ನೇ ಜನ್ಮ ಜಯಂತಿಯಂದು ಅವರನ್ನು ಸ್ಮರಿಸಿದ ಪ್ರಧಾನಮಂತ್ರಿ 24 Dec, 2024
ಪ್ರಯಾಗ್ ರಾಜ್ ನಲ್ಲಿ ಹಲವು ಅಭಿವೃದ್ಧಿ ಯೋಜನೆಗಳ ಉದ್ಘಾಟನೆ ಮತ್ತು ಕಾರ್ಯಾರಂಭ  ಸಮಾರಂಭದಲ್ಲಿ ಪ್ರಧಾನಮಂತ್ರಿಯವರ ಭಾಷಣದ ಇಂಗ್ಲಿಷ್ ಅವತರಣಿಕೆ 13 Dec, 2024
ನವದೆಹಲಿಯಲ್ಲಿ ಆಯೋಜಿತವಾಗಿದ್ದ ಅಷ್ಟಲಕ್ಷ್ಮೀ ಮಹೋತ್ಸವದ ಉದ್ಘಾಟನಾ ಸಮಾರಂಭ ಉದ್ದೇಶಿಸಿ ಪ್ರಧಾನ ಮಂತ್ರಿ ಭಾಷಣ 06 Dec, 2024

ಇತ್ತೀಚಿನ ಸುದ್ದಿಗಳು

ಗಾಂಧಿ ಸ್ಮೃತಿಯಲ್ಲಿ ನಡೆದ ಪ್ರಾರ್ಥನಾ ಸಭೆಯಲ್ಲಿ ಪ್ರಧಾನಮಂತ್ರಿ ಭಾಗಿ 30 Jan, 2025
ಬಾಹ್ಯಾಕಾಶ ಕ್ಷೇತ್ರದ ವಿಚಾರಕ್ಕೆ ಬಂದರೆ ಭಾರತದ ಮೇಲೆ ಪಣತೊಡಿ: ಪ್ರಧಾನಮಂತ್ರಿ  30 Jan, 2025
ಬೀಟಿಂಗ್ ರಿಟ್ರೀಟ್ ಸಮಾರಂಭದಲ್ಲಿ ಸಶಸ್ತ್ರ ಪಡೆಗಳು ನಮ್ಮ ಸ್ವಾತಂತ್ರ್ಯ ಹೋರಾಟಗಾರರನ್ನು ವಿಶಿಷ್ಟ ರೀತಿಯಲ್ಲಿ ಗೌರವಿಸಿರುವುದು ವಿಶೇಷ ಕ್ಷಣಗಳಾಗಿವೆ : ಪ್ರಧಾನಮಂತ್ರಿ  30 Jan, 2025
ವಿಕಸಿತ ಭಾರತದೆಡೆಗಿನ ಪಯಣವು ಸಂಪೂರ್ಣ ಉತ್ಸಾಹದೊಂದಿಗೆ ಮುನ್ನಡೆದಿದೆ: ಪ್ರಧಾನಮಂತ್ರಿ 30 Jan, 2025
ಮಹಾತ್ಮ ಗಾಂಧಿ ಅವರಿಗೆ ರಾಜ್‌ಘಾಟ್‌ನಲ್ಲಿ ಪ್ರಧಾನಮಂತ್ರಿ ಗೌರವ ನಮನ 30 Jan, 2025