ভারতকী প্রধানমন্ত্রী

জম্মু অমসুং কশ্মীরগী স্কুল তম্লিবী নুপীমচা ৩০গী কাংলুপ অমনা ঙসি নই দিল্লীদা প্রধানমন্ত্রী শ্রী নরেন্দ্র মোদীগা উন্নখ্রে।

ভারতকী লান্মীনা শিনবা ওপরেসন সদভাবনাগী মখাদা মহৈরোইশিং অসিনা লৈবাক অসিগী তোঙান তোঙানবা মফমশিংদা কোইরি।

প্রধানমন্ত্রীনা মহৈরোইশিংগা লোইননা মহৈ-মশিং, স্বচ্ছ ভারত, মখোয়গী মংলান অমসুং মখোয়গী অপাম্বশিংগী মরমদা ৱারি শান্নখি।

ৱারি শান্নবা অদুদা নুপীমচাশিং অদুনা হংলকপা ৱাহংগী পাউখুম পীরদুনা প্রধানমন্ত্রীনা নুপীমচাশিংগী মহৈ-মশিং তম্নবগীদমক সরকারনা পাইখৎলিবা তোঙান তোঙানবা থৌরাং কয়াগী মতাংদা শন্দোক্না তাকখি। মহাক্না স্বচ্ছ ভারত মিশন্না হকশেল অমসুং তুরিজমগী লমদা পীরিবা কান্নবশিংগী মরমদা শুগাইনা তাকখি। মহাক্না পুক্নীং চেৎননবগীদমক্তা য়োগগী কান্নবশিংগী মতাংদসু পনখি।

জম্মু অমসুং কশ্মীরগী নহারোলশিংনা সিবিল সর্বিসকী চাংয়েংশিংদা মাই পাকপগী মশিং হেনগৎলকপা অমসুং শান্ন-খোৎনবদা মখোয়গী হৈ-শিংবা উৎথোকপা অদু পল্লদুনা প্রধানমন্ত্রীনা হায়খি মদুদি ভারতকী তুংলমচৎ অসি মঙাল নাইরি অমসুং জম্মু অমসুং কশ্মীরগী অঙাংশিং অমসুং নহাশিংনা লৈবাক্কীদমক অদুক্কী মতিক থৌদাং য়াগদবনি।