ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দনা সিভিল এভিএসন মন্ত্রালয়গী মখাদা কম্মিসন ওফ মেত্রো রেলৱে সেফতি অদুদা, মেত্রো রেলৱেজ (ওপরেসন্স এণ্ড মেন্তিনেন্স) এক্ত, ২০০২ দা মীৎয়েং থম্দুনা কম্মিসন ওফ মেত্রো রেলৱে সেফতিগী মথৌশিং অদু পাংথোক্নবগীদমক্তা মতেং পাংনবা ওফিসারশিং অমসুং স্তাফশিং পুম্নমক য়াওবা মেত্রো রেলৱে সেফতিগী কম্মিস্নারগী সর্কল ওফিস অমা হাংদোকপদা অয়াবা পিখ্রে ।

মন্ত্রীমন্দলনা হৌজিক লৈরিবা কম্মিস্নার্স ওফ রেলৱে সেফতি (সিআরএসএস) অনিদা সর্কল অনিগী অহেনবা থৌদাং শিন্নবদশু অয়াবা পিখি মখোয়না মখোয়গী শক্তিশিং অদু মখোয়গী হৌজিক লৈরিবা হকলম অদুগী মনুংদা শিজিন্নগনি । মসিগী সর্কলশিং অসি সিএমআরএস ন্যু দিল্লিগী হকলমগী মখাদা লৈরোই ।

মেত্রো রেলৱে সেফতিগী কম্মিস্নারগী পোস্ত অসি সিভিল এভিয়েসন মন্ত্রালয়গী মখাদা কম্মিসন ওফ রেলৱে সেফতিদা ঐচএজি (পে লেভেল ১৫) ওইগনি । ওর্গনাইজেসন অসি নৌনা লিংখৎপগী মথক্তা হোৎতোক্লবা তলবগী চাদিংনা সর্কল ওফিস অমদা চহিদা চাওরাক্না লুপা ৫৯,৩৯,০৪০ ওইগনি । চহিগী ওইনা সর্কল ওফিসকী চাদিং অসি ৭,৫০,০০০ ওইরবা য়াই ।

মসিগী পোস্তশিং অসি শেমগৎপনা হৌজিক লৈরিবা অদুগী মথক্তা লাক্কদৌরিবা তোঙান তোঙানবা মেত্রো রেল প্রোজেক্তশিংদশু সিভিল এভিয়েসন মন্ত্রালয়গী মখাদা কম্মিসন ওফ রেলৱে সেফতিদা য়াওরিবা “মেত্রো রেলৱেজ (ওপরেসন্স এণ্ড মেন্তিনেন্স) এক্ত, ২০০২দা উৎলিবা অদুম্না পেসেঞ্জর সেফতি অমসুং মেত্রো রেল ওপরেসনগা মরি লৈনবা ইশুশিং অদুদা পুক্নিং চংনা য়েংশিনবা ঙমহল্লগনি ।  

স্ত্রেতেজি অমসুং তার্গেতশিং ইমপ্লিমেন্ত তৌবা:

মেত্রো রেলৱে সেফতিগী কম্মিস্নারগী পোস্ত অসি ইন্দিয়ান রেলৱে ইঞ্জিনীয়ারিং সর্বিসেস (আইআরএসই, আইআরএসইই, আইআরএসএসই, আরএসএমই) অমসুং আইআরতিএস কেদরদগী রেলৱে সেফতিগী কম্মিসন্দা রেলৱে সেফতিগী কম্মিস্নারগীদমক রিক্রুইমেন্ত রুলশিংগী মতুং ইন্না রেলৱে মন্ত্রালয়না য়ুপিএসসিগা লোয়ননা খন্নরবা মতুং নোমিনেত তৌরকপা ওফিসারশিং অদুদগী সিভিল এভিয়েসন মন্ত্রালয়না মেনশিনগনি । পোস্তশিং অসি মেন্সিনবগী থৌরম অসি থা অনিগী মনুংদা পাংথোক্কনি ।

দিপুতি কম্মিস্নার ওফ মেত্রো রেলৱে সেফতি (দিৱাই.সিএমআরএস) অমসুং মতেং পাবা স্তফশিংগী পোস্তশিং শেম্নবা প্রপোজেল অদু এক্সপেন্দিচরগী দিপার্তমেন্ত অমসুং শেল থুমগী মন্ত্রালয়গা লোয়ননা পায়খৎকনি । মখোয়গী অয়াবা ফংলবা মতমদা, পোস্তশিং অসি শেম্নবা য়াথং অদু খুদক্তা পিগনি ।

য়ুমফম:

মিনিস্ত্রী ওফ সিভিল এভিএসন (ভারত সরকার)গী এদমিনিস্ত্রেতিব কন্ত্রোলগী মখাদা থবক তৌরিবা কম্মিসন ওফ রেলৱে সেফতিনা রেল ত্রাভেলগী সেফতি অমসুং ত্রেন ওপরেসনগা মরি লৈনবা হিরমশিংদা শিল লাংবশিং তৌরি অমসুং রেলৱে এক্ত’১৯৮৯ দা পল্লিবা অকক্নবা আইনগী ফঙ্কসনশিং অদুগা লোয়ননা চার্জ তৌরি । মসিগী ফঙ্কসনশিং অসি মহৌশানা ইন্সপেক্তোরিএল, ইনভেস্তেগেতরি অমসুং এদভাইজরি ওই । কম্মিসন্না রেলৱেজ এক্ত অদুগী মখাদা ফেম তৌরিবা অকক্নবা রুলশিং অদুগী মতুং ইন্না মথৌ পাংথোকই অমসুং মতম মতমগী ওইনা অহেন্বা ইন্সত্রক্সনশিং ইশু তৌই । কম্মিস্নার অদুগী খ্বাইদগী মরুওইবা মথৌ অসি পেসেঞ্জর ত্রাফিক্কীদমক হাংদোক্কদবা অনৌবা রেলৱে লাইন অমা হেক্তবু রেলৱে মন্ত্রালয়না প্রিসক্রাইব তৌরিবা স্তেনদর্দ অমসুং স্পেসিফিকেসনশিং অদু ঙাক্না চৎপনি অমসুং অনৌবা লাইন অদু পেসেঞ্জর ত্রাফিক পুদুনা চৎপগীদমক সেফ ওইহনবনি । মসিনা অতোপ্পা থবকশিংদশু চৎনগনি খুদম ওইনা গেজ কনবর্সিয়ন, দব্লিং ওফ লাইন্স অমসুং হৌজিক শিজিন্নরিবা লাইনশিংগী ইলেক্ত্রিফিকেসন অসিনচিংবা । কম্মিসন অসিনা শাথিবা মখলগী ত্রেন এক্সিদেন্তশিংদশু থিজিন হুমজিনগনি অমসুং ভারতকী রেলৱেজদা সেফতি হেঙ্গৎহন্নবগীদমক রিকম্মেন্দেসনশিং লানখৎকনি ।  

পেসেঞ্জর সেফতিদা প্রায়োরিতী ফংহন্নবা মীৎয়েং অমগা লোয়ননা অমসুং সেফতি সর্তিফিকেসনদশু য়ুনিফোর্মিতী এস্যুর তৌনবা, মিনিস্ত্রী ওফ হাউজিং অমসুং আর্বান এফিয়ার্সনা মেত্রো রেলৱেজ (ওপরেসন্স এণ্ড মেন্তিনেন্স) এক্ত, ২০০২ চৎনহনবা মতমদা মান্নবা থৌদাং অদু মেত্রো রেলৱেজকীদমক কম্মিস্নার ওফ মেত্রো রেলৱে সেফতি (সিএমআরএস)দা খুৎশিন্নৈ । সিএমআরএস অদুনা মিনিস্ত্রী ওফ সিভিল এভ্এসনগী মখাদা রেলৱে সেফতিগী চিফ কম্মিস্নারগী কন্ত্রোল মখাদা এদমিনিস্ত্রেতিবলি ওইগনি ।